20.11.2017 | 
Քաղաքականություն
ՔՆՆԱՐԿՎԵՑ ՓՈԽԳՈՐԾԱԿՑՈՒԹՅՈՒՆԸ ՆՈՐ ՈԼՈՐՏՆԵՐՈՒՄ
ՔՆՆԱՐԿՎԵՑ ՓՈԽԳՈՐԾԱԿՑՈՒԹՅՈՒՆԸ ՆՈՐ ՈԼՈՐՏՆԵՐՈՒՄ
Այսօր ԵՊՀ-ում տեղի ունեցավ Ուրալի դաշնային համալսարանի պատվիրակության հանդիպումը Մայր բուհի սոցիոլոգիայի, ֆիզիկայի, ռադիոֆիզիկայի, կենսաբանության ֆակուլտետների դեկանների հետ:

Հանդիպումը կազմակերպել էր ԵՊՀ միջազգային համագործակցության վարչությունը:

 

Գիտական քաղաքականության և միջազգային համագործակցության գծով պրոռեկտոր Գեղամ Գևորգյանը պատվիրակությանը ծանոթացրեց ԵՊՀ ֆակուլտետներին, խոսեց նաև համալսարանի գիտական ներուժի մասին. «Հանրապետության գիտական արտադրանքի մեկ երրորդը բաժին է ընկնում ԵՊՀ-ին՝ գերազանցելով մյուս բոլոր համալսարաններին: Առաջին տեղում ՀՀ գիտությունների ազգային ակադեմիան է»:

 

Ուրալի դաշնային համալսարանի պատվիրակության ղեկավարը խոսեց բուհի զարգացման դինամիկայից և ընդգծեց ԵՊՀ-ի հետ համագործակցության կարևորությունը. «Մեր գլխավոր նպատակներից մեկը ոչ միայն ուսանողների որակական հատկանիշները բարձրացելն է, այլև նոր հետազոտությունների իրականացումը: Մենք ձեզ հետ ԱՊՀ ցանցային համալսարանների կոնսորցիումի մաս ենք կազմում և ինֆորմատիկայի ոլորտում իրականացնում ենք համատեղ ծրագիր: Չնայած դրան՝ կուզենայինք ընդլայնել մեր գործակցությունը տարբեր ոլորտներում»:

 

Պատվիրակության անդամները կարևորեցին հատկապես գիտական հետազոտությունների համատեղ իրականացման անհրաժեշտությունը և նշեցին, որ իրենց կարևոր նպատակներից մեկը փոխշահավետ գործակցությունն է:

 

Միջազգային համագործակցության վարչության պետ Ալեքսանդր Մարգարովն ասաց, որ տարբեր ոլորտներում համատեղ ծրագրեր անելու համար անհրաժեշտություն կառաջանա ստորագրել գործակցության նոր պայմանագիր:

 

Կողմերը կարծիքներ հայտնեցին կոնկրետ ոլորտներում արդյունավետ շփումների խորացման ուղղությամբ:

 

 

 

Այլ նորություններ
ԵՊՀ-Ի ԵՎ ԼՅՈՒԲԼՅԱՆԱՅԻ ՀԱՄԱԼՍԱՐԱՆԻ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՆԵՐԸ ՀՈՒՇԱԳԻՐ ՍՏՈՐԱԳՐԵՑԻՆ
Այսօր ԵՊՀ իրավագիտության ֆակուլտետի դեկան, պրոֆեսոր Գագիկ Ղազինյանն ու Սլովենայի Լյուբլյանայի համալսարանի պրոֆեսոր Դամյան Կորոսեչը նոր փոխգործակցություն ծավալելու փաստաթուղթ ստորագրեցին:
ԵՊՀ ՄԱԹԵՄԱՏԻԿԱՅԻ ԵՎ ՄԵԽԱՆԻԿԱՅԻ ՖԱԿՈՒԼՏԵՏԸ ԿՇԱՐՈՒՆԱԿԻ ՂԵԿԱՎԱՐԵԼ ԱՐԹՈՒՐ ՍԱՀԱԿՅԱՆԸ
Այսօր ԵՊՀ մաթեմատիկայի և մեխանիկայի ֆակուլտետի գիտխորհրդի նիստում 34 կողմ ձայնով ֆակուլտետի դեկան է վերընտրվել ֆիզմաթ. գիտ. դոկտոր, պրոֆեսոր, ՀՀ ԳԱԱ թղթակից անդամ Արթուր Սահակյանը: