23.10.2019 | 
Հասարակություն
«ՄՏԱՎՈՐ ՍԵՓԱԿԱՆՈՒԹՅԱՆ ԻՐԱՎՈՒՆՔՆԵՐԻ ԽԱԽՏՈՒՄՆԵՐ. ՄԱՐՏԱՀՐԱՎԵՐՆԵՐ ԵՎ ԱՐՁԱԳԱՆՔ». ԴԱՍԱԽՈՍՈՒԹՅՈՒՆ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
«ՄՏԱՎՈՐ ՍԵՓԱԿԱՆՈՒԹՅԱՆ ԻՐԱՎՈՒՆՔՆԵՐԻ ԽԱԽՏՈՒՄՆԵՐ. ՄԱՐՏԱՀՐԱՎԵՐՆԵՐ ԵՎ ԱՐՁԱԳԱՆՔ». ԴԱՍԱԽՈՍՈՒԹՅՈՒՆ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
ԵՊՀ իրավագիտության ֆակուլտետի դատական նիստերի դահլիճում այսօր ԱՄՆ ֆեդերալ կառավարությունում 30 տարվա և իրավապահ համակարգում շուրջ 25 տարվա աշխատանքային փորձ ունեցող Վարդան Վիկտոր Վարդանյանը հանդես է եկել «Մտավոր սեփականության իրավունքների խախտումներ. մարտահրավերներ և արձագանք» խորագրով դասախոսությամբ:

Իրավագիտության ֆակուլտետի նախաձեռնությամբ տեղի ունեցած դասախոսության սկզբում ֆակուլտետի դեկան Գագիկ Ղազինյանը փաստեց, որ մասնակիցների համար առանձնահատուկ հնարավորություն է ստեղծվել մասնագետի օգնությամբ հիմնավորապես ծանոթանալու մտավոր սեփականության հիմնախնդիրներին, որոնց հնարավորինս կատարյալ կարգավորումներն արվել են ԱՄՆ-ում:

 

«Դուք գիտեք, որ ցանկացած բնագավառ առավելապես զարգացած է լինում կոնկրետ երկրում, մտավոր սեփականության առումով այդ երկիրն ԱՄՆ-ն է: Մեր այսօրվա հյուրը, որը հետաքրքիր կենսագրություն ունի, աշխատանքային փորձառության տարիներին մասնագիտացել է մտավոր սեփականության ոլորտում»,- նշեց Գագիկ Ղազինյանը:

 

Քաղաքացիական իրավունքի ամբիոնի դոցենտ Տաթևիկ Դավթյանն ասաց, որ արդի ժամանակաշրջանում՝ տեղեկատվական տեխնոլոգիաների զարգացմանը և տարածմանը զուգընթաց, մեծապես կարևորվում է մտավոր սեփականության իրավունքի հարցը. «Նորարարությունն առանց մտավոր սեփականության պատշաճ պաշտպանության հնարավոր չէ պատկերացնել»:

 

 

Նա նշեց, որ պարոն Վարդանյանը համահեղինակ է նաև զեկույցի, որն առաջարկում է ոլորտի փոփոխություններ, որոնք կխթանեն բիզնեսի զարգացումը՝ պաշտպանելով մտավոր սեփականությունը:

 

Դասախոսության ընթացքում Վարդան Վիկտոր Վարդանյանը մասնակիցներին պատմեց, որ մտավոր սեփականության հարցն առաջին անգամ ամրագրվել է ԱՄՆ Սահմանադրության մեջ 18-րդ դարում:

 

Հանդիպման ընթացքում բանախոսը խոսեց մտավոր սեփականության տեսակների մասին, մանրամասնորեն ներկայացրեց խախտումների բնույթն ու տեսակները: Բացի դրանից՝ նա ներկայացրեց ԱՄՆ օրենսդրությունը և նախադեպային որոշումները:

 

Քնար Միսակյան

Այլ նորություններ
«ՀԻՍՈՒՍ ՔՐԻՍՏՈՍԻ ԿԵՐՊԱՐԸ XX ԴԱՐԻ ԵՎ ԱՐԴԻ ՀԱՅ ԱՐՎԵՍՏՈՒՄ» ԳԻՐՔԸ ՀՈԳԵՎՈՐ ԱՐԺԵՔՆԵՐԻՆ ՄՈՏԵՆԱԼՈՒ ՆՈՐ ՈՒՂԵՆԻՇ
ՀՀ նկարիչների միության մեծ սրահում այսօր տեղի են ունեցել ԵՊՀ հայ արվեստի պատմության և տեսության ամբիոնի դոցենտ, արվեստագիտության թեկնածու Սաթենիկ Վարդանյանի «Հիսուս Քրիստոսի կերպարը XX դարի և արդի հայ արվեստում» գրքի շնորհանդեսը, ինչպես նաև հայ արդի նկարիչների թեմատիկ ստեղծագործությունների ցուցահանդեսը:
ՀԱՄԱԼՍԱՐԱՆԱԿԱՆՆԵՐՆ ԱՄԱՆՈՐԸ ԿԱՐՈՂ ԵՆ ԱՆՑԿԱՑՆԵԼ ԾԱՂԿԱՁՈՐԻ ՈԻՍՈԻՄՆԱԱՐՏԱԴՐԱԿԱՆ ԲԱԶԱՅՈՒՄ
Այս տարի ևս ԵՊՀ հիմնական աշխատակիցներն ու բոլոր ցանկացողներն իրենց ամանորյա տոները 31.12.2020-06.01.2021 թթ. ընկած ժամանակահատվածում կարող են անցկացնել Ծաղկաձորի ուսումնաարտադրական բազայում։