14.09.2006 | 
Հասարակություն
ԿԱՐՈ ՀՈՎԱՍԱՓՅԱՆԸ ԿԴԱՍՎԻ ԱՇԽԱՐՀԻ 10 ԼԱՎԱԳՈՒՅՆ ԼԵՌՆԱԳՆԱՑՆԵՐԻ ՇԱՐՔԻՆ
ԿԱՐՈ ՀՈՎԱՍԱՓՅԱՆԸ ԿԴԱՍՎԻ ԱՇԽԱՐՀԻ 10 ԼԱՎԱԳՈՒՅՆ ԼԵՌՆԱԳՆԱՑՆԵՐԻ ՇԱՐՔԻՆ
ԵՊՀ մշակույթի կենտրոնի նախաձեռնությամբ սեպտեմբերի 14-ին ամերիկահայ լեռնագնաց Կարո Հովասափյանը հանդիպեց Երեւանի պետական համալսարանի ուսանողների հետ:

Հյուսիսային եւ հարավային բեւեռները հաղթահարած Հովասափյանն իր կատարած բոլոր արշավներից առանձնացնում է մի քանի օր առաջ բիբլիական լեռան գագաթ բարձրանալը: «Սեպտեմբերի 6-ին իրականացավ իմ նվիրական երազանքը. Արարատի կատարին ծածանեցինք մեր եռագույնը»,- ասում է հայազգի լեռնագնացը:

Մասիսի գագաթը հաղթահարած հայն ուսանողներին պատգամեց. «Լինենք միասնական, խաղաղասեր ու հաշտարար»: Ուսանողի այն հարցին` իրականություն է, թե առասպել Նոյյան տապանը, նա պատասխանեց, որ իրենց խմբի ղեկավար Շատաեւը արդեն 7-րդ տարին է, որ պեղումներ է կատարում լեռան գագաթին, սակայն որեւէ փաստացի ապացույց չի հայտնաբերել:

Հովասափյանը տեղեկացրեց, որ վերջին անգամ Հայաստանում եղել է 1988 թ-ի Սպիտակի երկրաշարժի ժամանակ եւ մասնակցել փրկարարական աշխատանքներին:

«2005թ.-ի մայիսի 6-ին ես կանգնեցի երկրագնդի ամենաբարձր գագաթին` Էվերեստին»,- ասում է ամերիկահայ լեռնագնացը, ով նախատեսում է դեկտեմբերին հաղթահարել Անտարկտիդայի ամենաբարձր` Ուինսեթ Մեսսիվ լեռնագագաթը: Դրանից հետո Կարո Հովասափյանը կդասվի աշխարհի 10 լավագույն լեռնագնացների շարքին:

Այլ նորություններ
ՀՆԴԿԱԳԻՏՈՒԹՅԱՆ ԶԱՐԳԱՑՄԱՆ ՆՈՐ ՀԵՌԱՆԿԱՐՆԵՐ ԵՊՀ-ՈՒՄ. ԳԵՂԱՄ ԳԵՎՈՐԳՅԱՆԸ ՀՅՈՒՐԸՆԿԱԼԵԼ Է ԴԵՍՊԱՆԻՆ
ԵՊՀ ռեկտորի ժամանակավոր պաշտոնակատար Գեղամ Գևորգյանն այսօր իր աշխատասենյակում ընդունել է ՀՀ-ում Հնդկաստանի արտակարգ և լիազոր դեսպան Ն. Գ. պարոն Կիշան դան Դեվալին, որի հետ քննարկել է համագործակցության ոլորտները և ուղիները:
ՀՀ-ՈՒՄ ՀՈՒՆԱՍՏԱՆԻ ԴԵՍՊԱՆՈՒԹՅՈՒՆՆ ԱՋԱԿՑՈՒՄ Է ԵՊՀ ՀՈՒՆԱԳԻՏՈՒԹՅԱՆ ԳԻՏԱՈՒՍՈՒՄՆԱԿԱՆ ԿԵՆՏՐՈՆ-ԳՐԱԴԱՐԱՆԻՆ
ԵՊՀ ռեկտորի ժամանակավոր պաշտոնակատար Գեղամ Գևորգյանն այսօր իր աշխատասենյակում ընդունել է ՀՀ-ում Հունաստանի արտակարգ և լիազոր դեսպան Ն. Գ. տիկին Նաֆսիկա Նանսի Էվա Վրայլային, որի հետ քննարկել է ԵՊՀ-ում հունարենի ուսուցման արդյունավետությանն ուղղված աշխատանքներ: