16.03.2007 | 
Հասարակություն
ՀԱՄԱԳՈՐԾԱԿՑՈՒԹՅԱՆ ԱՌԱՋԻՆ ՓՈՒԼԸ
ՀԱՄԱԳՈՐԾԱԿՑՈՒԹՅԱՆ ԱՌԱՋԻՆ ՓՈՒԼԸ
Մարտի 16-ին ԵՊՀ տնտեսագիտության ֆակուլտետի շուրջ 50 ուսանողներ մասնակցեցին «Հաշվառման ավտոմատացումը` որպես բիզնեսի կառավարման գործիք» խորագրով սեմինար-դասախոսությանը:

Սեմինարը կազմակերպել էր ԵՊՀ շրջանավարտների եւ կարիերայի կենտրոնը` «Համալսարանական կրթություն եւ կարիերայի կառուցման հեռանկարները» ծրագրի շրջանակներում: 2006 թվականի դեկտեմբերին մեկնարկած ծրագրի նախագծում սա թվով երկրորդ դասախոսությունն էր:

Սեմինարը վարելու համար հրավիրվել էր «Լինկ» կազմակերպությունը, որը մասնագիտացած է ֆինանսական, հաշվապահական եւ կառավարման ծրագրեր մշակելու գործում: Դասախոսության բանախոսը «Լինկ» ընկերության ՏՏ մասնագետ Սմբատ Պողոսյանն էր: Ներկա էին նաեւ ընկերության փոխտնօրենն ու ծրագրերի ղեկավարը:

«Լինկի» ներկայացուցիչները նշեցին, որ սեմինարը ԵՊՀ-ի հետ համագործակցման առաջին քայլն է եւ որ կարիերայի կենտրոնի հետ աշխատանքը կազմակերպելու դեպքում համատեղ ծրագրերի իրագործումը անհամեմատ հեշտ կլինի:

«Մենք շատ ենք կարեւորում այս համագործակցությունը, քանի որ վաղը հենց այս ուսանողներն են դառնալու տարբեր կազմակերպությունների աշխատակիցներն ու մեր ծրագրերի սպառողները»,- ասաց «Լինկի» ծրագրերի ղեկավար Շուշան Գյուլխասյանը:

ԵՊՀ շրջանավարտների եւ կարիերայի կենտրոնի տնօրեն Քրիստինե Վարդանյանը տեղեկացրեց, որ «Լինկի» հետ համագործակցությունը շարունակվելու է: Առաջիկայում տնտեսագիտության ֆակուլտետի ուսանողները հնարավորություն կստանան մասնակցելու ընկերության կազմակերպած դասընթացներին եւ հենց ընկերությունում անցկացվող արտադրական պրակտիկային:

Այլ նորություններ
ԿԱՅԱՑԱՎ ԵՊՀ ՍՈՑԻՈԼՈԳԻԱՅԻ ՖԱԿՈՒԼՏԵՏԻ «ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐ» ՄԱԳԻՍՏՐՈՍԱԿԱՆ ԾՐԱԳՐԻ ՎԵՐԱԲԵՐՅԱԼ ՏԵՂԵԿԱՏՎԱԿԱՆ ՀԱՆԴԻՊՈՒՄ
«Հասարակայնության հետ կապեր» ծրագրի մանրամասների, ընձեռած հնարավորությունների և դիմելու ընթացակարգի վերաբերյալ դիմորդներին տեղեկատվություն տրամադրելու նպատակով ԵՊՀ սոցիոլոգիայի ֆակուլտետում կայացավ տեղեկատվական հանդիպում: Ֆակուլտետի «Հասարակայնության հետ կապեր» մագիստրոսական կրթական ծրագիրը կրճատվել է՝ դառնալով մեկամյա, ինչի շնորհիվ դիմորդները հնարավորություն կունենան մեկ տարվա ընթացքում ստանալու հասարակայնության հետ կապերի մասնագետի որակավորում, հիմնարար գիտելիքներ, մագիստրոսի աստիճան։
ԵՊՀ-ՈՒՄ ԱՆՑԿԱՑՎԵՑ «ԿԻՐԱՌԱԿԱՆ ՔԻՄԻԱ. ԷՔՍՊՈ 2022»-Ը
ԵՊՀ բակում Քիմիկի միջազգային օրվան ընդառաջ կայացավ «Կիրառական քիմիա. էքսպո 2022» ցուցահանդեսը, որի շրջանակում Մայր բուհի բակում էին ՀՀ շուրջ 35 արտադրող ընկերության ներկայացուցիչ, ավելի քան 10 000 մասնակից, որոնց թվում՝ 3500 դպրոցական: Ցուցադրության ընթացքում ներկայացվեց քիմիայի կիրառությունը կյանքում, մասնավորապես կենցաղային քիմիայի, խնամքի կոսմետիկ միջոցների, սննդի արդյունաբերության, դեղագործության, հանքահումքային արդյունաբերության և շինանյութի արտադրության, ագրարային, էկոլոգիայի, ինչպես նաև արտադրության որակի վերահսկաման ոլորտներում։