16.05.2019 | 
Հասարակություն
ՀՈԲԵԼՅԱՆԱԿԱՆ ՀԱՄԵՐԳ ԳՅՈՒՄՐԻՈՒՄ՝ ՆՎԻՐՎԱԾ ԵՊՀ ՀԻՄՆԱԴՐՄԱՆ 100-ԱՄՅԱԿԻՆ
ՀՈԲԵԼՅԱՆԱԿԱՆ ՀԱՄԵՐԳ ԳՅՈՒՄՐԻՈՒՄ՝ ՆՎԻՐՎԱԾ ԵՊՀ ՀԻՄՆԱԴՐՄԱՆ 100-ԱՄՅԱԿԻՆ
Գյումրիում ԵՊՀ հիմնադրման 100-ամյակի միջոցառումները եզրափակեց ԵՊՀ մշակույթի կենտրոնի հոբելյանական համերգը:

Համերգը մեկնարկեց ԵՊՀ մշակույթի կենտրոնի երգչախմբի՝ ՀՀ և ԵՊՀ օրհներգերի կատարմամբ:

Այնուհետև ներկայացվեց ԵՊՀ հիմնադրման պատմությունը, որից հետո հաղորդավարները ողջունեցին ներկաներին և շնորհավորեցին տոնական օրվա առթիվ:
ԵՊՀ մշակույթի կենտրոնի երգչախումբը կատարեց ԵՊՀ 100-ամյակին նվիրված երիտասարդական երգի մրցույթում երրորդ հորիզոնականին արժանացած Գայանե Թադևոսյանի հեղինակային ստեղծագործությունը: Դրան հաջորդեց «Հոյ նազան» կատարումը:



ԵՊՀ մշակույթի կենտրոնի մեներգչուհի Մարիցա Թիլիքյանը հանդիսատեսին ներկայացրեց «Կյանք ու կռիվ» կատարումը՝ այսկերպ հիշատակելով հայրենիքի համար կյանքը զոհած առաջամարտիկներին:

Հայրենադարձության, հայրենիքի վերաշինության կոչ հնչեցրին «Հայաստան ջան» երգով Մանան Ասիկյանը և «Արև» երգով Անի Քոչարյանը:



Հաղորդավարները հիշատակեցին ԵՊՀ-ում ուսանած անվանի հայերին, որից հետո երգչախումբը կատարեց Գյումրիի հող ու ջրից ծնունդ առած Շառլ Ազնավուրի ստեղծագործություններից:

ԵՊՀ մշակույթի կենտրոնի աղջիկների պարային համույթը բեմ բարձրացավ Սայաթ-Նովայի երաժշտության ուղեկցությամբ:

ԵՊՀ մշակույթի կենտրոնի մեներգչուհիները կատարեցին Լիլիթ Տեր-Վարդանյանի հեղինակային «Երազիդ ետևից» երգը:



Հովհաննես Թումանյանի «Հայրենիքիս հետ» բանաստեղծության հիման վրա գրված երգով ԵՊՀ մշակույթի կենտրոնի երգչախումբն ավարտեց համերգային ծրագիրը:


Մարի Ռաֆյան

Այլ նորություններ
ՆՈՐ ԳԻՏԵԼԻՔՆԵՐ ՀԱՎԱՏԱՐՄԱԳՐՄԱՆ ԵՐԿՐՆԵՐՈՒՄ ԵՎ ՄԻՋԱԶԳԱՅԻՆ ԿԱԶՄԱԿԵՐՊՈՒԹՅՈՒՆՆԵՐՈՒՄ ՀՀ ԱՌԱՋՆԱՀԵՐԹՈՒԹՅՈՒՆՆԵՐԻ ՎԵՐԱԲԵՐՅԱԼ. ԱՄՓՈՓՎԵԼ Է ԱՄԱՌԱՅԻՆ ԴՊՐՈՑԸ
Տեղի է ունեցել ԵՊՀ միջազգային հարաբերությունների ֆակուլտետի նախաձեռնությամբ կազմակերպված «Հայաստանի Հանրապետության հարաբերությունները համաշխարհային քաղաքականության խոշոր դերակատարների հետ» խորագրով ամառային առցանց դպրոցի փակման արարողությունը։
ՀՀ- ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅՈՒՆ ՀԱՐԱԲԵՐՈՒԹՅՈՒՆՆԵՐԻ ԱՌԱՆՁՆԱՀԱՏԿՈՒԹՅՈՒՆՆԵՐԸ. ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅՈՒՆՈՒՄ ՀՀ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ՏԻԳՐԱՆ ԲԱԼԱՅԱՆԸ ՀԱՆԴԵՍ Է ԵԿԵԼ ԴԱՍԱԽՈՍՈՒԹՅԱՄԲ
Նիդերլանդների Թագավորությունում ՀՀ արտակարգ և լիազոր դեսպան Տիգրան Բալայանն այսօր «Հայաստանի Հանրապետության հարաբերությունները համաշխարհային քաղաքականության խոշոր դերակատարների հետ» խորագրով ամառային դպրոցի մասնակիցների համար հանդես է եկել հեռավար դասախոսությամբ։