15.12.2017 | 
Ուսանողական
ԵՊՀ ՈՒԳԸ-Ն ԱՄՓՈՓԵՑ ԱՆՑՆՈՂ ԿԻՍԱՄՅԱԿԸ
ԵՊՀ ՈՒԳԸ-Ն ԱՄՓՈՓԵՑ ԱՆՑՆՈՂ ԿԻՍԱՄՅԱԿԸ
Այսօր ԵՊՀ Պալեանների անվան դահլիճում տեղի ունեցավ Ուսանողական գիտական ընկերության՝ 2017-2018 ուստարվա առաջին կիսամյակի ընդլայնված նիստը:

Նիստի սկզբում ԵՊՀ ՈՒԳԸ նախագահ Մհեր Հակոբյանը, ողջունելով բոլոր մասնակիցներին, նշեց, որ այս ուստարվա ընդլայնված նիստը տարբերվում է մյուս նիստերից, քանի որ ամփոփվում է նաև հոբելյանական տարին:

 

Մհեր Հակոբյանը փաստեց, որ 4-րդ միջազգային գիտաժողովին ներկայացվել է 400 հայտ 25 երկրների 57 բուհերից, զեկուցումներով հանդես են եկել 14 երկրների 350 մասնակիցներ, ովքեր իրենց զեկուցումները ներկայացրել են 23 մասնագիտական բաժանմունքներում. «Սա այս տարվա, այս կիսամյակի ամենակարևոր միջոցառումներից էր: ՈՒԳԸ պատմության էջերում այս գիտաժողովը կհիշվի որպես այս ժամանակների ամենամասշտաբային և լավագույն միջոցառումներից մեկը»:

 

Մհեր Հակոբյանը ներկայացրեց նաև այս կիսամյակի նոր ծրագիրը՝ «Հետադարձ հայացք», որի շրջանակներում փորձառու ՈՒԳԸ-ական և ՈՒԳԸ տեղեկատվական հանձնաժողովի անդամ Վեներա Ստեփանյանը անցկացնում է հարցազրույցներ ՈՒԳԸ նախկին նախագահների հետ և ներկայացնում նրանց փորձը, հմտություններն ու հիշողությունները:

 

Ընդլայնված նիստում ներկայացվեցին նաև ՈՒԳԸ համալրումները և ձեռքբերումները, ինչպես նաև ֆակուլտետային ՈՒԳԸ ցուցանիշները: Մհեր Հակոբյանը ներկայացրեց նաև հաջորդ տարվա գլխավոր միջոցառումը՝ 5-րդ միջազգային գիտաժողովը, որը տեղի կունենա ապրիլի 16-20-ը և նվիրված կլինի Հայաստանի առաջին Հանրապետության հիմնադրման 100-ամյակին:

 

 

Ակտիվ գործունեություն ծավալած ֆակուլտետային ՈՒԳԸ-ները, քարտուղարները և անդամները պարգևատրվեցին հավաստագրերով և մասնագիտական գրքերով։

 

ԵՊՀ ՈՒԳԸ փոխնախագահ Մարիամ Մարտիրոսյանն էլ նիստի ընթացքում ներկայացրեց Տեղեկատվական հանձնաժողովի գործունեությունը, նշելով, որ այս կիսամյակի ընթացքում ՈՒԳԸ կայքում տեղադրվել է 74 լուր: Մարիամ Մարտիրոսյանը ներկայացրեց նաև հանձնաժողովի հետագա քայլերը, որոնցից են միջոցառումների լիարժեք լուսաբանումը, ֆեյսբուքյան էջերի ակտիվացումը, հայտարարությունների տարածումը և կայքի թարմացումն ու թարգմանությունը:

 

Ընդլայնված նիստի ընթացքում պարգևատրվեցին նաև Տեղեկատվական հանձնաժողովի՝ առավել ակտիվ գործունեություն իրականացրած անդամները:

 

Մհեր Հակոբյանը շնորհակալություն հայտնեց նաև բոլոր այն ֆակուլտետային ՈՒԳԸ-ներին և անդամներին, որոնք նպաստեցին միջազգային գիտաժողովի լիարժեք կայացմանը: 5 տարիների ընթացքում կառույցին անմնացորդ ու լիարժեք նվիրվելու համար հատուկ շնորհակալության արժանացավ ՈՒԳԸ փոխնախագահ Մարիամ Մարտիրոսյանը, ով հաջորդ կիսամյակում իր հետագա գործունեությունը կծավալի արդեն արտերկրում:

Այլ նորություններ
ԵՊՀ ՖՐԱՆԿՈՖՈՆՆԵՐԻ ԱԿՈՒՄԲՆ ԱՅՍՕՐՎԱՆԻՑ ՊԱՇՏՈՆԱՊԵՍ Է ԳՈՐԾԵԼՈՒ
Այսօր ԵՊՀ Չարենցի անվան դահլիճում տեղի ոնեցավ միջոցառում, որը նվիրված էր ԵՊՀ ֆրանկոֆոնների ակումբի պաշտոնական բացմանը:
«ՄԵՐ ՀԱՍԱՐԱԿՈՒԹՅԱՆ ԱՄԵՆԱՄԵԾ ԹԵՐՈՒԹՅՈՒՆՆԵՐԻՑ ԵՆ ԵՐԻՏԱՍԱՐԴՈՒԹՅԱՆ ԱՆԿԱԶՄԱԿԵՐՊՎԱԾՈՒԹՅՈՒՆԸ ԵՎ ՀԵՂԻՆԱԿԱՎՈՐ  ԼԻԴԵՐՆԵՐԻ ԲԱՑԱԿԱՅՈՒԹՅՈՒՆԸ». ԵՊՀ ՌԵԿՏՈՐ ԱՐԱՄ ՍԻՄՈՆՅԱՆԸ ՀԱՆԴԻՊԵՑ ՈՒՍԱՆՈՂՆԵՐԻ ՀԵՏ
ՈւԽ նախագահության, ՈՒԳԸ ղեկավար կազմի, ինչպես նաև ուսանողական այլ հանձնաժողովների ներկայացուցիչների հետ պարբերաբար կազմակերպվող հանդիպումների հիմնական նպատակն է համալսարանի ղեկավարի հետ քննարկել ուսանողությանն անհանգստացնող խնդիրները, ներկայացնել առաջարկներ ու տալ համապատասխան լուծումներ: