15.06.2022 | 
Ուսանողական, Կրթություն
«ԵՊՀ-Ն ՁԵՎԱՎՈՐՈՒՄ Է ԱՐԺԵՀԱՄԱԿԱՐԳ»․ ԵՊՀ ՇՐՋԱՆԱՎԱՐՏ ՍՅՈՒԶԱՆՆԱ ԳՐԻԳՈՐՅԱՆ
«ԵՊՀ-Ն ՁԵՎԱՎՈՐՈՒՄ Է ԱՐԺԵՀԱՄԱԿԱՐԳ»․ ԵՊՀ ՇՐՋԱՆԱՎԱՐՏ ՍՅՈՒԶԱՆՆԱ ԳՐԻԳՈՐՅԱՆ
ԵՊՀ այս տարվա շրջանավարտներից է միջազգային հարաբերությունների ֆակուլտետի ՈՒԽ նախագահ Սյուզաննա Գրիգորյանը, ում հետ զրուցել ենք համալսարանում ստացած կրթության, ֆակուլտետի ընձեռած հնարավորությունների, ԵՊՀ ուսանողական խորհրդին անդամակցության և այլ հարցերի շուրջ։

Պատմում է ինքը՝ Սյուզաննան։

 

Միջազգային հարաբերությունների ֆակուլտետում ձևավորվում է բազմակողմանի զարգացած անհատ։

 

Միշտ մտածել եմ ընտրել այնպիսի մասնագիտություն, որը հնարավորություն կտա ուսումնասիրելու տարբեր ոլորտներ: Երկար ժամանակ մտածել եմ բժիշկ դառնալու մասին, բայց վերջին տարում մտափոխվեցի՝ ընտրելով միջազգային հարաբերությունների ֆակուլտետը:

 

 

Միջազգային հարաբերությունների ֆակուլտետն ընձեռում է լայն հնարավորություններ։

 

Համալսարանը գիտելիքների մեծ պաշարով ավարտելը հնարավորություն է տալիս լիովին պատկերացնելու աշխարհաքաղաքական անցուդարձը: ԵՊՀ-ն տալիս է այն հիմնարար կրթությունը, որ յուրաքանչյուր ուսանող կկարողանա կիրառել աշխատանքում: Անցած չորս տարիների ընթացքում ստացած գիտելիքներս նպատակ ունեմ կիրառելու պետական համակարգում՝ ի շահ մեր հայրենիքի:

 

ԵՊՀ-ն ձևավորում է արժեհամակարգ։

 

ԵՊՀ-ում սովորելով՝ հասկանում ես, որ դու ես երկրի ապագան, ու նաև քեզանից է կախված նրա բարօրությունը: Ֆակուլտետի դասախոսները քո մեջ սերմանում են այն գաղափարը, որ կրթությունը կարևորագույն գործոններից է պետության լուսավոր ապագայի հարցում: Ֆակուլտետում շատ դասախոսներ կան, որոնք ինձ համար լավագույն օրինակ են։ Նրանք բազմակողմանի զարգացած մարդիկ են, որոնք թե՛ լսարանային պայմաններում, թե՛ լսարանից դուրս մեզ տալիս են առավելագույնը։

 

 

Ուսանողական խորհուրդը մեծ ընտանիք է, որտեղ կարող ես ինքնադրսևորվել:

 

Կառույցում ձեռք եմ բերել այնպիսի ընկերներ, որոնցից անընդհատ նոր բան կարելի է սովորել: Համալսարանական տարիներս, կարելի է ասել, բաժանվում են 2 շրջափուլի՝ նախքան ՈՒԽ-ում լինելը և դրան հաջորդող ժամանակաշրջանը: ՈՒԽ-ն մի կառույց է, որը դաստիարակում է քեզ՝ որպես ուսանողի: Այստեղ ուսանողները կարողանում են ինքնադրսևորվել, ստանալ լրացուցիչ գիտելիքներ և ունենալ ուսանողական ակտիվ ու հագեցած կյանք:

 

Մարինե Մկրտչյան

Այլ նորություններ
«ՆՈՐԱՐԱՐԱԿԱՆ ՍԱՐՔԱՎՈՐՈՒՄՆԵՐՈՎ ՀԱԳԵՑՎԱԾՈՒԹՅՈՒՆԸ ՆՊԱՍՏՈՒՄ է ԵՊՀ-ՈՒՄ ԳՈՐԾՆԱԿԱՆ ԴԱՍԵՐԻ ԱՐԴՅՈՒՆԱՎԵՏ ԿԱԶՄԱԿԵՐՊՄԱՆԸ». ԱՆՆԱ ՄԱԴԱԹՅԱՆ
ԵՊՀ եվրոպական լեզուների և հաղորդակցության ֆակուլտետի ուսանող Աննա Մադաթյանը «Էրազմուս+» միջազգային կրեդիտային շարժունության ծրագրով կրթություն է ստացել Իսպանիայի Լա Կորունյա համալսարանում: Մեզ հետ զրույցում Աննան պատմել է լեզուների իմացության կարևորության, Իսպանիայում անցկացրած օրերի և այլ թեմաների մասին։
«ԵՊՀ-ՈՒՄ ԳՈՐԾՈՂ ՈՒՍԱՆՈՂԱԿԱՆ ԿԱՌՈՒՅՑՆԵՐԸ ՄԻՏՎԱԾ ԵՆ ՀԱԳԵՑՆԵԼՈՒ ՈՒՍՈՒՄՆԱՌՈՒԹՅԱՆ ՏԱՐԻՆԵՐԸ»․ ԼԵՆԱ ՄՈՒՐԱԴՅԱՆ
ԵՊՀ աշխարհագրության և երկրաբանության ֆակուլտետի այս տարվա շրջանավարտներից է ֆակուլտետի ուսանողական խորհրդի նախագահ Լենա Մուրադյանը։ Լենայի հետ զրուցել ենք մասնագիտության ընտրության, ուսանողական հագեցած տարիների և այլ թեմաների շուրջ: