08.09.2021 | 
Հասարակություն
ԵՊՀ-Ն ԱՇԽԱՐՀԻ ԱՌԱՋԱՏԱՐ 1650 ԲՈՒՀԵՐԻ ՄԵՋ ԿԻՍՈՒՄ Է 551-600 ՀՈՐԻԶՈՆԱԿԱՆԸ. «THE THREE UNIVERSITY MISSIONS RANKING 2021»-Ը ՀՐԱՊԱՐԱԿԵԼ Է ԲՈՒՀԵՐԻ ՎԱՐԿԱՆԻՇԱՅԻՆ ՑՈՒՑԱԿԸ
ԵՊՀ-Ն ԱՇԽԱՐՀԻ ԱՌԱՋԱՏԱՐ 1650 ԲՈՒՀԵՐԻ ՄԵՋ ԿԻՍՈՒՄ Է 551-600 ՀՈՐԻԶՈՆԱԿԱՆԸ. «THE THREE UNIVERSITY MISSIONS RANKING 2021»-Ը ՀՐԱՊԱՐԱԿԵԼ Է ԲՈՒՀԵՐԻ ՎԱՐԿԱՆԻՇԱՅԻՆ ՑՈՒՑԱԿԸ
«The three university missions ranking 2021»-ը հրապարակել է աշխարհի լավագույն բուհերի վարկանիշային ցուցակը, ըստ որի՝ ԵՊՀ-ն աշխարհի առաջատար 1650 բուհերի մեջ կիսում է 551-600 հորիզոնականը:

«The three university missions ranking 2021»-ը բուհերի վարկանիշային ցուցակը կազմելու համար դիտարկել է 97 երկրների և տարածաշրջանների 1650 համալսարաններ, որոնք ընտրվել են 119 երկրների և տարածաշրջանների ավելի քան երկու հազար բուհերից:

 

Վարկանիշավորումն իրականացնելու համար «The three university missions ranking 2021»-ը բարձրագույն ուսումնական հաստատություններին գնահատել է՝ համաձայն համալսարանների ավանդական երեք առաքելությունների՝ կրթության որակ, գիտական աշխատանքի որակ, ինչպես նաև հանրությանը մատուցած այլ ծառայությունները, ինչն ակադեմիական վարկանիշավորումների ցանկում «The three university missions ranking 2021»-ին դարձնում է ամենաներկայացուցչականը:

 

Առաքելությունները գնահատվում են տոկոսային հետևյալ հարաբերությամբ. 45 տոկոս կրթություն, 25 տոկոս հետազոտություն և 30 տոկոս համալսարանի ազդեցությունը հասարակության վրա:

 

Նշենք, որ «The three university missions ranking 2021» վարկանիշային ցուցակում տեղ են գտել նաև Հայ-ռուսական համալսարանը (1001-1100 հորիզոնական) և Երևանի պետական բժշկական համալսարանը (1301-1400 հորիզոնական):

 

Քնար Միսակյան

Այլ նորություններ
ՄԻՋԱԶԳԱՅԻՆ ԳԻՏԱԺՈՂՈՎ՝ ՆՎԻՐՎԱԾ ՀԱՅԱՏԱՌ ՂՓՉԱՂԵՐԵՆ ՁԵՌԱԳՐԵՐԻ ՈՒՍՈՒՄՆԱՍԻՐՈՒԹՅԱՆԸ
ԵՊՀ արևելագիտության ֆակուլտետի Աբայի անվան ղազախերենի, Ղազախստանի պատմության ու մշակույթի կենտրոնում այսօր տեղի է ունեցել միջազգային գիտաժողով՝ նվիրված հայատառ ղփչաղերեն ձեռագրերի ուսումնասիրության արդի հիմնահարցերին:
ԱՊԱԳԱ ԻՐԱՎԱԳԵՏՆԵՐԸ ԾԱՆՈԹԱՑԵԼ ԵՆ ՄԻԳՐԱՑԻԱՅԻ ԵՎ ԱՊԱՔԱՂԱՔԱՑԻՈՒԹՅԱՆ ՀԵՏ ԿԱՊՎԱԾ ՄԻՋԱԶԳԱՅԻՆ ԵՎ ՆԵՐՊԵՏԱԿԱՆ ՀԻՄՆԱԽՆԴԻՐՆԵՐԻՆ
ԵՊՀ իրավաբանական կլինիկայի, ՄԱԿ-ի միգրացիայի միջազգային կազմակերպության հայաստանյան գրասենյակի և «Առաքելություն Հայաստան» բարեգործական ՀԿ-ի համատեղ նախաձեռնությամբ այսօր անցկացվել է «Միգրացիայի և ապաքաղաքացիության հետ կապված միջազգային և ներպետական հիմնախնդիրները» խորագրով սեմինար-քննարկում: