28.09.2020 | 
Հասարակություն
ԵՊՀ ՀԱՅՏԱՐԱՐՈՒԹՅՈՒՆ
ԵՊՀ ՀԱՅՏԱՐԱՐՈՒԹՅՈՒՆ
ԵՊՀ-ն միանում է «Մենք ենք, մեր սահմանները. բոլորս Արցախի համար» խորագրով համազգային դրամահավաք-արշավին և հատուկ բացված հաշվեհամարին փոխանցում 20 մլն դրամ։

Սիրելի՛ հայրենակիցներ,

 

Արցախի դեմ Ադրբեջանի կողմից սանձազերծված պատերազմում հաղթելու վճռականությամբ մեր ժողովուրդը կրկին բռունցքվել է՝ ապավինելով միասնական  ուժի անպարտելիությանը։ Հայ սպան ու զինվորն այսօր փառքով ու հերոսական նվիրումով իրականացնում են իրենց սրբազան առաքելությունը՝ պաշտպանելով Արցախի Հանրապետության ու ժողովրդի անվտանգությունը, իր հայրենիքում ազատ ու ստեղծագործ ապրելու, արարելու իրավունքը։ Այս վճռական օրերին բոլորս պարտավոր ենք կուռ միասնությամբ սատարելու Հայոց բանակին՝ արժանապատվորեն ու փառքով կերտելու հերթական հաղթանակը։

 

Երևանի պետական համալսարանը, մշտապես լինելով հանձնառու համազգային խնդիրներում, այսօր ևս մեծ պատրաստակամությամբ և հնարավոր բոլոր միջոցներով իր նպաստն է բերում Հայրենիքի պաշտպանության ու անվտանգության սրբազան գործին։

 

ԵՊՀ-ն միանում է «Մենք ենք, մեր սահմանները. բոլորս Արցախի համար» խորագրով համազգային դրամահավաք-արշավին և հատուկ բացված հաշվեհամարին փոխանցում 20 մլն դրամ։

Այլ նորություններ
ԵՊՀ ԲՈՒՍԱԲԱՆՈՒԹՅԱՆ ԵՎ ՍՆԿԱԲԱՆՈՒԹՅԱՆ ԱՄԲԻՈՆԻ ԵՎ «ՓՈՔՐԻԿ ԻՇԽԱՆ» ԿՐԹԱՀԱՄԱԼԻՐԻ ՀԱՄԱԳՈՐԾԱԿՑՈՒԹՅՈՒՆԸ ՏԱԼԻՍ Է ԻՐ ԱՐԴՅՈՒՆՔՆԵՐԸ. ԱՇԱԿԵՐՏՆԵՐՆ ԱՐԺԱՆԱՑԵԼ ԵՆ ՀԱՏՈՒԿ ՄՐՑԱՆԱԿՆԵՐԻ
ԵՊՀ կենսաբանության ֆակուլտետի բուսաբանության և սնկաբանության ամբիոնի դասախոսների և «Փոքրիկ Իշխան» կրթահամալիրի ավագ դպրոցի սաների համատեղ նախաձեռնությամբ իրականացված գիտական հետազոտական աշխատանքների արդյունքները ներկայացվել են ՀՀ ԿԳՄՍ նախարարության կողմից կազմակերպված «Համադպրոցական գիտության փառատոնին», որտեղ սաներն արժանացել են հատուկ մրցանակի։
 «COVID-19: ՌԱԶՄԱՎԱՐՈՒԹՅՈՒՆՆԵՐ, ՄՈԴԵԼՆԵՐ, ՍԻՄՈՒԼՅԱՑԻԱՆԵՐ». ՄՐՑՈՒՅԹԻ ՀԱՅՏԱՐԱՐՈՒԹՅՈՒՆ
ԵՊՀ տնտեսագիտության և կառավարման ֆակուլտետի «Հետազոտությունների և գործարարության կենտրոն» հիմնադրամը ԿորոնաԹեստ ընկերության հովանավորությամբ հայտարարում է մրցույթ՝ նպատակ ունենալով փնտրել ուղիներ՝ համավարակը ճնշելու հետ մեկտեղ պահպանելու տնտեսական ակտիվությունը: