26.10.2018 | 
Քաղաքականություն
ՀԱՄԱԼՍԱՐԱՆԱԿԱՆՆԵՐԸ՝ ԳՈՐԻՍԻ ԹԻՎ 4 ԱՎԱԳ ԴՊՐՈՑՈՒՄ
ՀԱՄԱԼՍԱՐԱՆԱԿԱՆՆԵՐԸ՝ ԳՈՐԻՍԻ ԹԻՎ 4 ԱՎԱԳ ԴՊՐՈՑՈՒՄ
Այսօր ԵՊՀ պրոֆեսորադասախոսական կազմի ներկայացուցիչները հյուրընկալվեցին Գորիսի թիվ 4 ավագ դպրոցում:

Հիշեցնենք, որ ԵՊՀ մինչհամալսարանական կրթության վարչության նախաձեռնությամբ իրականացվող մարզային այցելությունների նպատակն է նպաստել ավարտական դասարանների աշակերտների մասնագիտական կողմնորոշմանը, իրազեկության մակարդակի բարձրացմանը, ինչպես նաև դեպի ԵՊՀ ուղղորդելուն: 

 

Գորիսի թիվ 4 ավագ դպրոց էին այցելել Ֆրանսիական բանասիրության ամբիոնի դոցենտ Ռուզան Միրզոյանը, Ընդհանուր ֆիզիկայի ամբիոնի ասիստենտ Էմիլիա Կարապետյանը, Բուսաբանության և սնկաբանության ամբիոնի ասիստենտ Եվա Սողոյանը:

 

Այցելությունը ոգևորել և տպավորել էր համալսարանականներին: Վերջիններս աշակերտներին ներկայացրին ֆակուլտետների պատմությունը, լայնածավալ գիտակրթական գործունեության հիմնական ուղղությունները, աշխատաշուկայի պահանջները:

 

 Ֆրանսիական բանասիրության ամբիոնի դոցենտ Ռուզան Միրզոյանը աշակերտներին ծանոթացրեց ֆրանսերենի նրբություններին և առաձնահատկություններին:

 

Նա փաստեց, որ աշակերտները հետաքրքրված էին օտար լեզուներով:

 

Ընդհանուր ֆիզիկայի ամբիոնի ասիստենտ Էմիլիա Կարապետյանն էլ ասաց, որ դասախոսությունը նվիրված էր աստղագիտությանը .«Ես շատ ուրախացա, երբ դասախոսությունից հետո ինձ մոտեցան երկու աշակերտ և ասացին, որ հստակ որոշել են դիմել ԵՊՀ ֆիզիկայի ֆակուլտետ»:

 

Աշակերտներն աչքի ընկան դասախոսությունները խորությամբ լսելու և ընկալելու ունակությամբ: Հանդիպման վերջում հնչեցին տարաբնույթ հարցեր:

 

Այլ նորություններ
ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆԻ ԳԻՏԱԿԱՆ ԽՈՐՀՐԴԻ ՀԱՅՏԱՐԱՐՈՒԹՅՈՒՆ
Ղեկավարվելով «Երևանի պետական համալսարան» հիմնադրամի կանոնադրության 49-րդ կետի 12-րդ ենթակետով, ԵՊՀ գիտական խորհրդի կանոնակարգի 4-րդ կետի 12-րդ ենթակետով՝ ԵՊՀ գիտական խորհուրդը ընդունում է հետևյալ հայտարարությունը.
ՀԱՅՏՆԻ Է ՀՈԳԱԲԱՐՁՈՒՆԵՐԻ ԽՈՐՀՐԴԻ՝ ՀԱՄԱԼՍԱՐԱՆԱԿԱՆ ԿԱԶՄԻ 8-ՐԴ ԱՆԴԱՄԸ. ԱՄՓՈՓՎԵԼ ԵՆ ՔՎԵԱՐԿՈՒԹՅԱՆ ԵՐԿՐՈՐԴ ՓՈՒԼԻ ԱՐԴՅՈՒՆՔՆԵՐԸ
ԵՊՀ մեծ դահլիճում այսօր տեղի է ունեցել Հոգաբարձուների խորհրդի՝ համալսարանի ստորաբաժանումներից առաջադրված պրոֆեսորադասախոսական կազմի թեկնածուների ընտրության երկրորդ փուլը: