21.03.2022 | 
Կրթություն
ԵՊՀ ԴԱՍԱԽՈՍՆԵՐԸ ՀԱՆԴԻՊՈՒՄՆԵՐ ԵՆ ՈՒՆԵՑԵԼ ԱՎԱԳ ԴՊՐՈՑՆԵՐԻ ԱՇԱԿԵՐՏՆԵՐԻ ՀԵՏ
ԵՊՀ ԴԱՍԱԽՈՍՆԵՐԸ ՀԱՆԴԻՊՈՒՄՆԵՐ ԵՆ ՈՒՆԵՑԵԼ ԱՎԱԳ ԴՊՐՈՑՆԵՐԻ ԱՇԱԿԵՐՏՆԵՐԻ ՀԵՏ
ԵՊՀ ընդունելության և դիմորդների հետ տարվող աշխատանքների կենտրոնի նախաձեռնությամբ մասնագիտական կողմնորոշման նպատակով ավագ դպրոցների աշակերտները հանդիպել են համալսարանի դասախոսների հետ, լսել դասախոսություններ արդիական թեմաների վերաբերյալ և իրենց հետաքրքրող հարցերն ուղղել մասնագետներին:

Երևանի թիվ 198 ավագ դպրոցի աշակերտները հանդիպել են Պատմության ֆակուլտետի հայոց պատմության ամբիոնի դոցենտ, պատմական գիտ. թեկնածու Տիգրան Ղանալանյանի հետ:

 

Վերջինս հանդես է եկել «Արցախյան պատերազմ» թեմայով դասախոսությամբ, որի ժամանակ անդրադարձել է հակամարտության ծագման ակունքներին, Արցախյան պատերազմներին։

 

Աշակերտների հետ քննարկվել են պատերազմների պատմության սկզբնաղբյուրի, ընդհանրությունների և տարբերությունների, դրանց միջև ընկած ժամանակահատվածում տեղի ունեցած բանակցությունների, Ադրբեջանի և Հայաստանի միջև ուժերի հարաբերակցության փոփոխման, բանակաշինության և պետականաշինության ընթացքում թույլ տրված բացթողումների վերաբերյալ հարցեր։

 

 

Մասնագիտական կողմնորոշման նպատակով Երևանի թիվ 54 ավագ դպրոցի աշակերտներն էլ հանդիպել են ԵՊՀ ֆիզիկայի ֆակուլտետի ակադեմիկոս Վ. Համբարձումյանի անվան ընդհանուր ֆիզիկայի և աստղաֆիզիկայի ամբիոնի վարիչ Համլետ Բադալյանի հետ:

 

Ինտերակտիվ մեթոդներով կազմակերպված «Մեխանիկա» թեմայով դասախոսության ընթացքում քննարկվել են մարմինների շարժումն ու փոխազդեցությունը, մեխանիկական համակարգերը:

 

ԵՊՀ իրավագիտության ֆակուլտետի սահմանադրական իրավունքի ամբիոնի դոցենտ, իրավ. գիտ. թեկնածու Հասմիկ Ենգոյանը Երևանի թիվ 94 և 95 ավագ դպրոցների աշակերտներին ներկայացել է «Միջազգային իրավունք» թեմայով դասախոսությամբ:

 

Աշակերտների ակտիվ մասնակցությամբ թեմատիկ դասախոսությունը վերաբերել է միջազգային իրավունքի սահմանմանը, տեսակներին և աշխարհաքաղաքական նոր իրողություններում միջազգային իրավունքի դերին:

 

Այլ նորություններ
«ԵՊՀ-Ն ՊԱՏՐԱՍՏ Է ԼԱՎԱԳՈՒՅՆ ՓՈՐՁԻ ՓՈԽԱՆԱԿՄԱՆԸ ԵՎ ԳՈՐԾԸՆԿԵՐ ԲՈՒՀԵՐԻՆ ԱՋԱԿՑԵԼՈՒՆ»․ ՏԵՂԻ Է ՈՒՆԵՑԵԼ ՌԵԿՏՈՐՆԵՐԻ ԽՈՐՀՐԴԻ ՆԻՍՏԸ
ԵՊՀ Պալեանների անվան դահլիճում այսօր տեղի ունեցավ «Պետական բարձրագույն ուսումնական հաստատությունների ռեկտորների խորհուրդ» ՀԿ-ի նիստը, որի ընթացքում քննարկվեցին բուհական համակարգի հիմնախնդիրներին վերաբերող մի շարք հարցեր ու առաջարկներ։
ԿԱՆՈՆԱԿԱՐԳԵՐԻ ՀԱՍՏԱՏՈՒՄ ՈՒ ՆՈՐ ՈՐՈՇՈՒՄՆԵՐԻ ԸՆԴՈՒՆՈՒՄ․ ՏԵՂԻ ՈՒՆԵՑԱՎ ԱՅՍ ՈՒՍՏԱՐՎԱ ԳԽ ՎԵՐՋԻՆ ՆԻՍՏԸ
ԵՊՀ Պալեանների անվան դահլիճում այսօր տեղի ունեցավ գիտական խորհրդի նիստը՝ օրակարգային 7 և ընթացիկ հարցերով։ Նիստի ընթացքում հաստատվեցին ներկայացված նախագծերն ու հարցերը, ինչպես նաև հնչեցին ու քննարկվեցին նոր առաջարկներ։