14.06.2019 | 
Ուսանողական
ԵՊՀ ՈՒՍԱՆՈՂՆԵՐԸ ՈՐՊԵՍ ՋՈԿԱՏԱՎԱՐՆԵՐ ԿՆԵՐԳՐԱՎՎԵՆ ԴՊՐՈՑԱԿԱՆՆԵՐԻ ՀԱՆԳԻՍՏԸ ԿԱԶՄԱԿԵՐՊՈՂ ԱՄԱՌԱՅԻՆ ՃԱՄԲԱՐՆԵՐՈՒՄ
ԵՊՀ ՈՒՍԱՆՈՂՆԵՐԸ ՈՐՊԵՍ ՋՈԿԱՏԱՎԱՐՆԵՐ ԿՆԵՐԳՐԱՎՎԵՆ ԴՊՐՈՑԱԿԱՆՆԵՐԻ ՀԱՆԳԻՍՏԸ ԿԱԶՄԱԿԵՐՊՈՂ ԱՄԱՌԱՅԻՆ ՃԱՄԲԱՐՆԵՐՈՒՄ
ՀՀ կրթության, գիտության, սպորտի և երիտասարդության նախարարության նախաձեռնությամբ հունիսի 19-ից մինչև օգոստոսի 15-ը Ծաղկաձոր և Հանքավան քաղաքներում նախատեսվում է կազմակերպել դպրոցականների ամառային հանգիստ:

ԵՊՀ ուսանողների հետ տարվող աշխատանքների կենտրոնն այսօր կազմակերպել էր հանդիպում վերոնշյալ հանգիստը կազմակերպող ամառային ճամբարների համար որպես կամավոր անդամագրված ԵՊՀ ուսանողների և ճամբարների տնօրենների հետ:   

 

Նշենք, որ հանգիստն անցկացվելու է 3 հերթափոխով՝ հունիսի 19-ից մինչև հուլիսի 8-ը, հուլիսի 8-ից մինչև հուլիսի 27-ը, հուլիսի 27-ից մինչև օգոստոսի 15-ը: Վերոնշյալ ամառային ճամբարներին մասնակցում են զոհված ազատամարտիկների, ծնողազուրկ և սակավ ապահովված բազմազավակ ընտանիքների 7-13 տարեկան երեխաները:    

 

 

«Արագած ճամբարի» տնօրեն Անդրանիկ Բաբայանն ուսանողներին ներկայացրեց ճամբարների օրակարգը, ծրագիրը, ինչպես նաև այնտեղ ուսանողների պարտականությունները:

 

«Լուսաբաց ճամբարի» տնօրեն Աշոտ Ավետիսյանը հայտնեց, որ ճամբարներին կամավոր մասնակցած ուսանողներին տրվում են մասնակցության հավաստագրեր և բնութագրեր:    

 

Հանդիպման վերջում ճամբարների տնօրենները գրանցեցին կամավորական սկզբունքով (անվճար) որպես ջոկատավար ներգրավվել ցանկացող ուսանողների տվյալները:

 

Նադեժդա Տեր-Աբրահամյան

 

 

Այլ նորություններ
ԱՊՐԻԼՅԱՆ ՊԱՏԵՐԱԶՄԻ ՏՎԱԾ ԴԱՍԵՐՆ ՈՒ ՀԵՏԱԳԱ ԱՆԵԼԻՔՆԵՐԸ. ԵՊՀ ՈՒՍԱՆՈՂՆԵՐԻ ՀԱՆԴԻՊՈՒՄՆ ԱՊՐԻԼՅԱՆ ՔԱՌՕՐՅԱՅԻ ՄԱՍՆԱԿԻՑՆԵՐԻ ՀԵՏ
ԵՊՀ սև շենքի դահլիճում հոկտեմբերի 16-ին ԵՊՀ ուսանողները հանդիպեցին Ապրիլյան քառօրյա պատերազմի մասնակիցներ Հրանտ Սարկիսովի, Շուլի Հակոբյանի, Սեյրան Մարգարյանի և քառօրյա պատերազմում հերոսաբար զոհված տանկիստ Տիգրան Աբգարյանի եղբոր՝ Ժորա Աբգարյանի հետ:
«ՆԵՐԿԱՅԱՑՄԱՆ ՀՄՏՈՒԹՅՈՒՆՆԵՐ» ՍԵՄԻՆԱՐ-ՔՆՆԱՐԿՈՒՄ ԵՊՀ-ՈՒՄ
ԵՊՀ Սարգիս և Մարի Իզմիրլյանների անվան գրադարանի Ադամյան սրահում Շրջանավարտների և կարիերայի կենտրոնի ու «Quick Start»-ի համատեղ ջանքերով այսօր տեղի է ունեցել «Ներկայացման հմտություններ» խորագրով սեմինար-քննարկում: