16.05.2016 | 
Հասարակություն
ՈՒՍԱՆՈՂՆԵՐՆ ԱՅՑԵԼԵՑԻՆ ՀՀ-ՈՒՄ ԱՄՆ ԴԵՍՊԱՆԱՏՈՒՆ
ՈՒՍԱՆՈՂՆԵՐՆ ԱՅՑԵԼԵՑԻՆ ՀՀ-ՈՒՄ ԱՄՆ ԴԵՍՊԱՆԱՏՈՒՆ
Մայիսի 13-ին ԵՊՀ միջազգային հարաբերությունների ֆակուլտետի ՈՒԳԸ-ի նախաձեռնությամբ ֆակուլտետի շուրջ 30 ուսանողներ ՀՀ-ում ԱՄՆ դեսպանատանը քննարկեցին ԱՄՆ 2016 թ. նախագահական ընտրությունները:

Դեսպանատան տեղեկատվական ռեսուրսների կենտրոնի տնօրեն Ներսես Հայրապետյանը ողջունեց ուսանողական նախաձեռնությունը, իսկ միջոցառման բանախոսներ Գաբրիել Բալայանը, Հայկուհի Հարությունյանը և ԱՄՆ դեսպանի՝ քաղաքական գծով տեղակալ Ռուբեն Հայրապետյանը ներկայացրին ԱՄՆ նախագահական ընտրությունների անցկացման կարգը:

 

Մանրամասն քննարկվեցին կոկուսների և փրայմերիզների դերն ու նշանակությունը ԱՄՆ ընտրական համակարգում 2016 թ. նախընտրական պրիզմայի ներքո: Հանդիպման ընթացքում հարցադրումներ կատարվեցին փրայմերիզների ներկայիս փուլում դեռևս պարտվող սենատոր Բ. Սանդերսի՝ որպես անկուսակցական թեկնածու առաջադրվելու և ԱՄՆ-ում չծնված նախագահ ունենալու հավանականության մասին:

 

Քննարկմանն ավելի ուշ միացավ նաև ՀՀ-ում ԱՄՆ դեսպան Ռիչարդ Միլսը, ով ներկայացրեց մանրամասներ ընտրական համակարգի առավելությունների ու թերությունների վերաբերյալ և պատասխանեց ուսանողներին հուզող հարցերին:

 

Միջոցառման ավարտին ձեռք բերվեցին երկկողմ համագործակցության պայմանավորվածություններ:

Այլ նորություններ
«ԱՐՑԱԽՅԱՆ ՀԱԿԱՄԱՐՏՈՒԹՅԱՆ ԸՆԿԱԼՄԱՆ ՀԻՄՆԱԽՆԴԻՐՆԵՐԻ ՇՈՒՐՋ» ԽՈՐԱԳՐՈՎ ՔՆՆԱՐԿՈՒՄ ԵՊՀ-Ի ԵՎ ՈՒՐՈՒԳՎԱՅԻ ՀԱՆՐԱՊԵՏՈՒԹՅԱՆ ՀԱՄԱԼՍԱՐԱՆԻ ՄԻՋԵՎ
Երևանի պետական և Ուրուգվայի Հանրապետության համալսարանների միջև այսօր տեղի է ունեցել «Արցախյան հակամարտության ընկալման հիմնախնդիրների շուրջ» խորագրով քննարկում:
«ՑԵՂԱՍՊԱՆՈՒԹՅՈՒՆԸ ԺԱՄԱՆԱԿԱԿԻՑ ԱՇԽԱՐՀՈՒՄ. ՈՒՍՈՒՄՆԱՍԻՐՄԱՆ ՀԵՌԱՆԿԱՐՆԵՐԸ ԵՎ ՄԱՐՏԱՀՐԱՎԵՐՆԵՐԸ». ՏԵՂԻ Է ՈՒՆԵՑԵԼ ԵՌՕՐՅԱ ՄԻՋԱԶԳԱՅԻՆ ԳԻՏԱԺՈՂՈՎ
ԵՊՀ ՀՀԻ ցեղասպանության և այլ զանգվածային ոճրագործություների կանխարգելման և կրթության ՅՈՒՆԵՍԿՕ-ի ամբիոնի նախաձեռնությամբ և ԿԳՄՍ նախարարության գիտական կոմիտեի աջակցությամբ նոյեմբերի 5-7-ը տեղի է ունեցել «Ցեղասպանությունը ժամանակակից աշխարհում. Ուսումնասիրման հեռանկարները և մարտահրավերները» եռօրյա միջազգային առցանց գիտաժողով: