18.10.2021 | 
Հասարակություն
ԿՅԱՆՔԻՑ ՀԵՌԱՑԵԼ Է ԵՊՀ ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԻ ԳԵՐՄԱՆԱԿԱՆ ԲԱՆԱՍԻՐՈՒԹՅԱՆ ԱՄԲԻՈՆԻ ՎԱՐԻՉ, ՊՐՈՖԵՍՈՐ ՅՈՒՐԻԿ ԳԱԲՐԻԵԼՅԱՆԸ
ԿՅԱՆՔԻՑ ՀԵՌԱՑԵԼ Է ԵՊՀ ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԻ ԳԵՐՄԱՆԱԿԱՆ ԲԱՆԱՍԻՐՈՒԹՅԱՆ ԱՄԲԻՈՆԻ ՎԱՐԻՉ, ՊՐՈՖԵՍՈՐ ՅՈՒՐԻԿ ԳԱԲՐԻԵԼՅԱՆԸ
Երևանի պետական համալսարանը կրել է ցավալի կորուստ: Կորոնավիրուսի հետևանքով մահացել է ԵՊՀ եվրոպական լեզուների և հաղորդակցության ֆակուլտետի գերմանական բանասիրության ամբիոնի վարիչ, պրոֆեսոր Յուրիկ Գաբրիելյանը:

Պրոֆեսոր Գաբրիելյանն ուսանել է ԵՊՀ ռոմանագերմանական բանասիրության ֆակուլտետի գերմաներեն լեզու և գրականություն բաժնում: 1982 թ. եղել է ԵՊՀ գերմանական բանասիրության ամբիոնի լեզվահնչյունային կաբինետի վարիչը, 1988 թ. պաշտպանել է թեկնածուականը՝ միաժամանակ դասախոսելով ԵՊՀ գերմանական բանասիրության ամբիոնում, իսկ 1989 թ.՝ դոկտորական ատենախոսությունը: Շարունակել է իր գիտական գործունեությունն ինչպես հարազատ բուհում, այնպես էլ ՀՀ ԳԱԱ լեզվի ինստիտուտում: 2004 թ. ԵՊՀ պրոֆեսոր է, եղել է ԵՊՀ բանասիրական ֆակուլտետի դեկանի տեղակալ (1989-1991 թթ.), ԵՊՀ-ում գործող ԲՈՀ-ի 009 խորհրդի անդամ (1998 թ.) 1999 թ. առ այսօր՝ ԵՊՀ գերմանական բանասիրության ամբիոնի վարիչ:

 

Վաստակաշատ պրոֆեսորը մասնակցել է մի շարք միջազգային գիտաժողովների և սեմինարների (Գերմանիայի Մաննհայմի, Ֆրանկֆուրտի և Հայդելբերգի համալսարաններ (1999 - 2010 թթ.)):

 

Մեկ տասնյակից ավելի ուսումնական, մեթոդական ձեռնարկների, երկումենագրության և

երկու տասնյակից ավելի գիտական հոդվածների հեղինակ է:

 

Մայր բուհ ըսգում է սիրված ու անվանի համալսարանականի անժամանակ մահը և խորին ցավակցություններ հայտնում Յուրիկ Գաբրիելյանի ընտանիքի անդամներին, բարեկամներին, գործընկերներին և ուսանողներին:

Այլ նորություններ
ԲԱՆԱԽՈՍՈՒԹՅՈՒՆ ՄՐՑԱԿՑՈՒԹՅԱՆ ՊԱՇՏՊԱՆՈՒԹՅԱՆ ՀԱՆՁՆԱԺՈՂՈՎԻ ՄԱՍԻՆ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
ԵՊՀ իրավագիտության ֆակուլտետի դատական նիստերի դահլիճում կազմակերպվել էր միջոցառում, որի ընթացքում ՄՊՀ անդամ, Իրավագիտության ֆակուլտետի դասախոս, ի.գ.թ.Տիգրան Մարկոսյանը ԵՊՀ իրավագիտության ֆակուլտետի ուսանողներին ներկայացրեց Մրցակցության պաշտպանության հանձնաժողովի գործառույթներն ու լիազորությունները:
«ՉՆԱՅԱԾ ԱՐՏԵՐԿՐՈՒՄ ԱՌԱՋԱՐԿՆԵՐՆ ԱՎԵԼԻ ԳՐԱՎԻՉ ԵՆ, ԲԱՅՑ ՄԵՐԸ ՀԱՅԱՍՏԱՆՆ Է, ՄԵՆՔ՝ ՀԱՅԱՍՏԱՆԻՆԸ». ԱՆԱՀԻՏ ՕՐԲԵԼՅԱՆ
ԵՊՀ աշխարհագրության և երկրաբանության ֆակուլտետի սերվիս բաժնի 3-րդ կուրսի ուսանողուհի Անահիտ Օրբելյանը վստահ է, որ Հայաստանը զբոսաշրջության ոլորտում մեծ ներուժ ունի: Երիտասարդ համալսարանականն ունի իր տեսլականը պետության զարգացման համար, որի առանցքային տարրը երիտասարդն է՝ հայրենասեր ու նպատակասլաց: