27.01.2022 | 
Ուսանողական
«ԵՊՀ-Ն ԻՆՁ ՏՎԵԼ Է ԱՄԵՆԱԿԱՐԵՎՈՐԸ՝ ՈՉ ՍՏԱՆԴԱՐՏ ՄՏԱԾԵԼՈՒ ՈՒՆԱԿՈՒԹՅՈՒՆ». ՖԻԶԻԿԱՅԻ ՖԱԿՈՒԼՏԵՏԻ ՇՐՋԱՆԱՎԱՐՏ ՍԱՐԳԻՍ ՋԻԲԻԼՅԱՆ
«ԵՊՀ-Ն ԻՆՁ ՏՎԵԼ Է ԱՄԵՆԱԿԱՐԵՎՈՐԸ՝ ՈՉ ՍՏԱՆԴԱՐՏ ՄՏԱԾԵԼՈՒ ՈՒՆԱԿՈՒԹՅՈՒՆ». ՖԻԶԻԿԱՅԻ ՖԱԿՈՒԼՏԵՏԻ ՇՐՋԱՆԱՎԱՐՏ ՍԱՐԳԻՍ ՋԻԲԻԼՅԱՆ
Սարգիս Ջիբիլյանը կրկնակի դիպլոմով փոխանակման ծրագրով այժմ ուսումնառում է Ֆրանսիայի Բուրգոնի Ֆրանշ-Կոմտե դաշնային համալսարանի մագիստրատուրայի 1-ին կուրսում:

- Սարգի՛ս, ինչո՞ւ հենց ԵՊՀ-ն, ի՞նչ է որոշիչ եղել ընտրության հարցում։

 

- Դպրոցն ավարտելուց հետո նույնիսկ մեկ վայրկյան չեմ կասկածել, որ կրթությունս շարունակելու եմ ԵՊՀ-ում: Որոշումս ընդունել եմ՝ հաշվի առնելով ֆիզիկայի ոլորտում համալսարանի ուսանողների նվաճումները և ԵՊՀ-ի ընձեռած հնարավորությունները, մասնավորապես կրթության շարունակականությունը: Փոխանակման ծրագիրն ուսանողներին հնարավորություն է տալիս ոչ միայն սովորել արտերկրի բուհերում, այլև գիտական ուսումնասիրություններ կատարելու ընթացքում՝ նաև աշխատել այնտեղ:

 

  

 

- Ինչպե՞ս ընտրեցիք Ձեր մասնագիտությունը։

 

- Դեռ նախադպրոցական տարիքից ցանկացել եմ ունենալ մասնագիտություն, որը կուսումնասիրի բնությունը: Միջին դպրոցական տարիքում, ապա նաև ավագ դպրոցում (ավարտել եմ Ա. Շահինյանի անվան Ֆիզմաթ դպրոցը) հասկացա, որ ցանկանում եմ ֆիզիկան ուսումնասիրել խորությամբ, ինչը և հիմա փորձում եմ անել, բայց «հավերժական գիտությունն» ուսումնասիրելու համար պետք է անվերջ ժամանակ:

 

- Ո՞րն է ԵՊՀ-ի ու համալսարանական դասախոսների ներդրումը Ձեր հաջողություններում։

 

- ԵՊՀ դասախոսներից շատերն են մեծապես նպաստել իմ հաջողություններին, ինչի համար շնորհակալ եմ: Ֆիզիկայի ֆակուլտետում սովորելը, մասնագիտական գիտելիքներից բացի, զարգացրել է ինքնուրույն մտածելու, ոչ ստանդարտ խնդիրներ լուծելու ունակությունը: Դա, ըստ իս, իմ ամենակարևոր ձեռքբերումն է:

 

 

-Կրթական ի՞նչ նորարարություններ կցանկանայիք տեսնել ԵՊՀ-ում։

 

- Տեսական գիտելիքների առումով Մայր բուհը գրեթե ոչնչով չի զիջում եվրոպական բարձրակարգ բուհերին, սակայն ԵՊՀ-ն ունի լաբորատորիաների, իսկ ուսանողները՝ գործնական գիտելիքի պակաս: Համալսարանում անհրաժեշտ փոփոխություններից ամենակարևորը, թերևս, նորագույն տեխնոլոգիաների ինտեգրումն է ուսումնական գործընթացում:

 

Հասմիկ Ասլանյան

Այլ նորություններ
ԵՊՀ-ՈՒՄ ԱՆՑԿԱՑՎԵՑ «ԳԻՏԱՀԵՆ ՍՏԱՐՏԱՓՆԵՐԸ ՀԱՅԱՍՏԱՆՈՒՄ» ԽՈՐԱԳՐՈՎ ՍԵՄԻՆԱՐ
ԵՊՀ «ISTC» կենտրոնում տեղի ունացած «Գիտահեն ստարտափները Հայաստանում» խորագրով սեմինարի նպատակն էր ներկայացնել ստարտափների զարգացման փուլերը, ժամանակակից տեխնոլոգիական մարտահրավերները:
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ ԱՆՑԿԱՑՎԵՑ ԲԱՆԱՎԵՃԻ ԱԿՈՒՄԲԱՅԻՆ ԱՌԱՋՆՈՒԹՅՈՒՆ
ԵՊՀ իրավագիտության ֆակուլտետում անցկացվեց բանավեճի ակումբային առաջնության ևս մեկ մրցախաղ՝ «ՀՀ-ում ընտրական իրավունքի ցենզը պետք է բարձրացվի» թեմայով, որի նպատակն էր զարգացնել ուսանողների բանավիճելու հմտությունները և ձևավորել մասնագիտական բանավիճող կայուն համայնք: