13.12.2021 | 
Կրթություն
ԹԻՎ 54 ԱՎԱԳ ԴՊՐՈՑԻ ՍԱՆԵՐԸ ԼՍԵԼ ԵՆ «ԿԱՌԱՎԱՐՈՒՄ, ԱՌԱՋԱՐԿ ԵՎ ՊԱՀԱՆՋԱՐԿ» ԹԵՄԱՅՈՎ ԴԱՍԱԽՈՍՈՒԹՅՈՒՆ
ԹԻՎ 54 ԱՎԱԳ ԴՊՐՈՑԻ ՍԱՆԵՐԸ ԼՍԵԼ ԵՆ «ԿԱՌԱՎԱՐՈՒՄ, ԱՌԱՋԱՐԿ ԵՎ ՊԱՀԱՆՋԱՐԿ» ԹԵՄԱՅՈՎ ԴԱՍԱԽՈՍՈՒԹՅՈՒՆ
Երևանի թիվ 54 ավագ դպրոցում տեղի է ունեցել հանդիպում դպրոցի աշակերտների ու ԵՊՀ տնտեսագիտության և կառավարման ֆակուլտետի կառավարման և գործարարության ամբիոնի դոցենտ Նոնա Խաչատրյանի հետ:

Մասնագիտական կողմնորոշման նպատակով տեղի ունեցած հանդիպումը կազմակերպել էր ԵՊՀ մինչհամալսարանական կրթության վարչությունը:

 

 

Հանդիպման ընթացքում Նոնա Խաչատրյանն ապագա ուսանողներին ներկայացրեց Տնտեսագիտության և կառավարման ֆակուլտետի կողմից առաջարկած մասնագիտական կրթության առանձնահատկությունները:

 

Այնուհետև Ն. Խաչատրյանը հանդես եկավ «Կառավարում, առաջարկ և պահանջարկ» թեմայով դասախոսությամբ, որի ընթացքում անդրադարձավ այնպիսի կարևոր թեմաների, ինչպիսիք են գործարարությամբ զբաղվելու պատճառներն ու մոտիվացիան:

 

 

Նա խոսեց նաև, թե ինչու է պետք զբաղվել գործարարությամբ հարցի մասին՝ աշակերտների համար պարզաբանելով անձնական շահն ու սոցիալական պատասխանատվության կարևորությունը:

 

Հանդիպման վերջում տնտեսագիտությամբ և գործարարությամբ հետաքրքրված աշակերտները հնարավորություն ունեցան հարցեր հղելու հյուրին:

Այլ նորություններ
ՄԵՏԱՂ ՊԱՐՈՒՆԱԿՈՂ ՄԻԱՑՈՒԹՅՈՒՆՆԵՐԻ ԱԶԴԵՑՈՒԹՅՈՒՆԸ ԴՆԹ-Ի ԿԱՌՈՒՑՎԱԾՔԱՅԻՆ ՓՈՓՈԽՈՒԹՅՈՒՆՆԵՐԻ ՎՐԱ ԷԼԵԿՐՈՆԱՅԻՆ ՓՆՋՈՎ ՃԱՌԱՅԹԱՀԱՐՄԱՆ ԴԵՊՔՈՒՄ. ԳԻՏԱԿԱՆ ԹԵՄԱ
ՀՀ ԿԳՄՍՆ գիտության կոմիտեն ֆինանսավորման է երաշխավորել «Մետաղ պարունակող միացությունների ազդեցությունը ԴՆԹ-ի կառուցվածքային փոփոխությունների վրա էլեկտրոնային փնջով ճառայթահարման դեպքում» գիտական թեման: Այն ներկայացրել է ԵՊՀ ֆիզիկայի ֆակուլտետի՝ մոլեկուլային ֆիզիկայի ամբիոնը: Թեմայի մասին զրուցել ենք աշխատանքային խմբի ղեկավար, ֆիզմաթ. գիտ. թեկն․ Լուսինե Ալոյանի հետ:
ԵՊՀ ՊԱՏՄՈՒԹՅԱՆ ՖԱԿՈՒԼՏԵՏՈՒՄ ԱՆՑԿԱՑՎԵՑ ՄԻՋԱԶԳԱՅԻՆ ԳԻՏԱԺՈՂՈՎ
ԵՊՀ պատմության և աստվածաբանության ֆակուլտետների կազմակերպած «Մեծ հաղթանակը և պատմության նենգափոխումները» խորագրով միջազգային գիտաժողովին մասնակցում էին դիվանագիտական ոլորտի բազում աշխատակիցներ, ինչպես նաև գիտական հանրույթի այլ ներկայացուցիչներ ինչպես ՀՀ-ից, այնպես էլ արտերկրից: