Բանախոս Աշխունջ Պողոսյանը կարևորեց նմանատիպ հանդիպումների կազմակերպումը, քանի որ ներկաների թվում ոչ միայն ուսանողներ են, այլև ոչ համալսարանական մարդիկ, որոնք հետաքրքրված են թեմայով։
Ֆակուլտետի ՈՒԳԸ նախագահ Քրիստինե Կարապետյանը ևս մեզ հետ զրույցում կարևորեց դա՝ հավելելով. «Գորգը մեր մշակույթի կարևոր բաղադրիչն է, և եթե լավ ճանաչենք հին հայկական մշակույթը, աշխարհին կկարողանանք ճիշտ ներկայացնել մեր ազգային արժեքները։ Մեր պատմության մեջ շատ դեպքեր են եղել, երբ մարդիկ միմյանց տեղեկատվություն են փոխանցել գորգերի միջոցով, և ես համոզված եմ՝ գորգը պարզապես թելերից գործվածք չէ. յուրաքանչյուր գորգ յուրահատուկ մշակույթի ու պատմության կրող է»։
Հանդիպումն ավարտվեց ակտիվ քննարկմամբ։
