06.10.2022 | 
Կրթություն
ՔՆՆԱՐԿՈՒՄ՝ ԱՆՑՈՒՄԱՅԻՆ ԺԱՄԱՆԱԿԱՇՐՋԱՆԻ ՊԵՏԱԿԱՆ ԿԱՌԱՎԱՐՄԱՆ ՁԵՎԻ ԲԱՐԵՓՈԽՈՒՄՆԵՐԻ ՎԵՐԱԲԵՐՅԱԼ
ՔՆՆԱՐԿՈՒՄ՝ ԱՆՑՈՒՄԱՅԻՆ ԺԱՄԱՆԱԿԱՇՐՋԱՆԻ ՊԵՏԱԿԱՆ ԿԱՌԱՎԱՐՄԱՆ ՁԵՎԻ ԲԱՐԵՓՈԽՈՒՄՆԵՐԻ ՎԵՐԱԲԵՐՅԱԼ
ԵՊՀ շարունակական կրթության կենտրոնը Ֆրիդրիխ Նաումանի հիմնադրամի և իրավագիտության ֆակուլտետի հետ համատեղ կազմակերպեց հանդիպում ի.գ.դ., պրոֆեսոր Վահե Ստեփանյանի հետ՝ նպատակ ունենալով ուսանողներին ծանոթացնելու Ֆրիդրիխ Նաումանի «Հանուն ազատության» հիմնադրամի հրատարակած հոդվածների ժողովածուի կարևոր թեմաներից մեկին:

Ողջույնի խոսքով հանդես եկավ ԵՊՀ շարունակական կրթության կենտրոնի տնօրեն Լուսինե Խառատյանը՝ կարևորելով այսօրինակ հանդիպումների դերն ուսանողների համար: Նա փաստեց, որ ԵՊՀ-ն արժևորում է ուսանողների իրազեկված լինելը, և այս դասախոսությունը իրավական նոր գիտելիքներ ու տեղեկատվություն կտա անցումային ժամանակաշրջանի պետական կառավարման ձևի բարեփոխումների մասին:

 

«Հայաստանի Հանրապետության անկախությունը և ազատական բարեփոխումները» գրքի հեղինակ Արամ Մանուկյանը բացման խոսքից հետո ընդհանուր դրույթներով ներկայացրեց նաև վերոհիշյալ երկհատոր երկի բովանդակությունը:

 

Այնուհետև Վ. Ստեփանյանը ներկայացրեց իր՝ «Պետական կառավարման ձևի բարեփոխումները անցումային ժամանակաշրջանում (1990-1995թթ.)» թեմայով դասախոսությունը, որն իբրև հոդված զետեղված է 2021 թվականին լույս տեսած «Հայաստանի Հանրապետության անկախությունը և ազատական բարեփոխումները» ժողովածուում:

 

 

Դասախոսությանը հաջորդեցին ակտիվ քննարկումներ: Բանախոսը հարցուպատասխանի ժամանակ անդրադարձավ մասնակիցներին հետաքրքրող բոլոր հարցերին:

 

Միջոցառման ավարտին մասնակիցներին տրվեցին ՀՀ անկախության հռչակագրի օրինակներ:

 

 

Հավելենք, որ ԵՊՀ շարունակական կրթության կենտրոնի և Ֆրիդրիխ Նաումանի հիմնադրամի համագործակցությամբ կազմակերպվող նմանօրինակ դասախոսությունների նպատակն է ԵՊՀ ուսանողներին ներկայացնել 2020-2021 թթ. Ֆրիդրիխ Նաումանի «Հանուն ազատության» հիմնադրամի հրատարակած «Հայաստանի Հանրապետության անկախությունը և ազատական բարեփոխումները» երկհատոր ժողովածուում ընդգրկված հոդվածները։ Ժողովածուն հասանելի է հետևյալ հղումով՝ https://bit.ly/3UZYIWw:

Այլ նորություններ
ԵՊՀ ՈՒՍԱՆՈՂՆԵՐԻՆ ՆՈՐՈՎԻ ՆԵՐԿԱՅԱՑՎԵՑ ՍԻՐԻԱՅԻ ՄՇԱԿՈՒԹԱՅԻՆ ԿՅԱՆՔԸ
ԵՊՀ արևելագիտության ֆակուլտետի արաբագիտության ամբիոնում հյուրընկալվել էր ԵՊՀ արևելագիտության ֆակուլտետի շրջանավարտ, ՀՀ-ում Սիրիայի Արաբական Հանրապետության դեսպան Նորա Արիսյանը:
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ԹԻՄԸ ՀԱՂԹԵԼ Է ԱՄԵՆԱՄՅԱ ԴԱՏԱԽԱՂ-ՄՐՑՈՒՅԹՈՒՄ
Ուսանողների համար Ֆինանսական համակարգի հաշտարարի գրասենյակի կազմակերպած ապահովագրական իրավունքի ամենամյա դատախաղ-մրցույթում հաղթող է ճանաչվել ԵՊՀ իրավագիտության ֆակուլտետի թիմը։