20.08.2007 | 
Գիտություն
ԱՍՏՂԱԳԻՏԱԿԱՆ ԱՄԵՆԱԽՈՇՈՐ ԳԻՏԱԺՈՂՈՎՆ ԱՆՑԿԱՑՎՈՒՄ Է ԵՊՀ-ՈՒՄ
ԱՍՏՂԱԳԻՏԱԿԱՆ ԱՄԵՆԱԽՈՇՈՐ ԳԻՏԱԺՈՂՈՎՆ ԱՆՑԿԱՑՎՈՒՄ Է ԵՊՀ-ՈՒՄ
Այսօր ԵՊՀ կենտրոնական մասնաշենքի մեծ դահլիճում մեկնարկեց աստղագիտական «JENAM 2007» գիտաժողովը:

Գիտաժողովը Հայաստանում անցկացվում է առաջին անգամ: Յուրաքանչյուր տարի այն իրականացվել է որեւէ եվրոպական երկրում` Չեխիա, Անգլիա, Գերմանիա, Իտալիա, Իսպանիա եւ այլն: «JENAM»-ը եվրոպական եւ տվյալ երկրի աստղագիտական ընկերությունների հետ համատեղ է կազմակերպվում:

«Մեր համալսարանում սկիզբ առած գործոններից մեկը համարում ենք համալսարանական կրթության եւ գիտության հնարավորինս ինտեգրացումը, գիտության նվաճումներին մեր ուսանողների հնարավորինս բազմակողմանի եւ խորը ծանոթացումը »,- նշվեց ԵՊՀ ռեկտոր Արամ Սիմոնյանի ողջույնի խոսքում:

Հինգ օր շարունակ գիտանականների ուսումնասիրության թեման աստղագիտության եւ ժամանակակից աստղաֆիզիկայի առաջատար ուղղություններն են լինելու` մասնավորապես` «Արտաարեգակնային մոլորակներ» եւ «Վիրտուալ աստղադիտարաններ»:

Եվրոպական աստղագիտական ընկերության նախագահ Յոախիմ Կրաուտերը գտնում է, որ գիտաժողովի միջոցով նրանք ծանոթանում են եվրոպական երկրների` աստղագիտության բնագավառում վերջին տարիներին ունեցած ձեռքբերումներին, իսկ Հայաստանը միջազգային հասարակության մեջ հայտնի է որպես աստղագիտության բնագավառում մեծ հեղինակություն վայելող երկիր:

«Նախկինում կազմակերպվել են աստղաֆիզիկային նվիրված բազմաթիվ գիտաժողովներ, բայց սա արդեն համագումար է»,- հայտնեց ՀՀ ԳԱԱ ֆիզմաթ բաժանմունքի ակադեմիկոս քարտուղար Յուրի Չիլինգարյանը: Նրա խոսքերով` Հայաստանը կարող է շատ ավելի խորը ծանոթանալ աստղագիտության այն բնագավառներին, որոնք բացակայում են Հայաստանում` հետագայում գիտելիքները կիրառելու նկատառումով:

Գիտաժողովը շատ ավելի լայն ոլորտների է անդրադառնալու եւ կազմված է լինելու 7 սիմպոզիումից , 6 հատուկ սեկցիաներից, որոնք անցկացվելու են ԵՊՀ ֆիզիկայի ֆակուլտետի լսարաններում: 5 օրերի ընթացքում եվրոպական տարբեր երկրներից ժամանած 300 գիտնականների քննարկման թեման աստղագիտությունն է լինելու:

ԵՊՀ գրադարանի նախասրահում բացվել է ցուցահանդես, որտեղ ներկայացված են եվրոպական երկրների ձեռքբերումները աստղագիտության բնագավառում:

Այլ նորություններ
«ՀԱՅ ՈՒՍԱՆՈՂՆԵՐԸ ՇԱՏ ԿԱԶՄԱԿԵՐՊՎԱԾ ԵՆ ԵՎ ՄԵԾ ՀԱՐԳԱՆՔ ԵՆ ՏԱԾՈՒՄ ԴԱՍԱԽՈՍՆԵՐԻ ՀԱՆԴԵՊ, ՈՐԸ ՄԵՆՔ ՀԱՃԱԽ ՉԵՆՔ ՏԵՍՆՈՒՄ ՆՈՐՎԵԳԻԱՅՈՒՄ». ԲԵՐԳԵՆԻ ՀԱՄԱԼՍԱՐԱՆԻ ՊՐՈՖԵՍՈՐ ՆԻԼՍ-ԿԱՐԵ ԲԻՐԿԵԼԱՆԴ
Բերգենի համալսարանի և ԵՊՀ այցելու պրոֆեսոր Նիլս-Կարե Բիրկելանդը ԵՊՀ-ում կարդացել է էքստրեմոֆիլ մանրէների մասին հերթական դասախոսությունը:
ՔԱՂԱՔԱԿԱՆ ԳԻՏՈՒԹՅԱՆ ՊԱՏՄՈՒԹՅԱՆ ԵՎ ՏԵՍՈՒԹՅԱՆ ԱՄԲԻՈՆԻ ԴԱՍԱԽՈՍ ԽԱՉԻԿ ԳԱԼՍՏՅԱՆԸ ՄԱՍՆԱԿՑԵԼ Է ԿՈՆՖԼԻԿՏԱԲԱՆՆԵՐԻ 3-ՐԴ ՄԻՋԱԶԳԱՅԻՆ ՀԱՄԱԺՈՂՈՎԻՆ
Սանկտ Պետերբուրգի պետական համալսարանում նոյեմբերի 15-16-ը տեղի է ունեցել «Կոնֆլիկտոլոգիան XXI դարում. խաղաղության ամրապնդման ուղիներն ու եղանակները» խորագիրը կրող 3-րդ միջազգային համաժողովը: