17.11.2006 | 
Հասարակություն
ԵՊՀ ՌԵԿՏՈՐԸ ՊԱՏԱՍԽԱՆՈՒՄ Է ՈՒՍԱՆՈՂՆԵՐԻ ՀԱՐՑԵՐԻՆ
ԵՊՀ ՌԵԿՏՈՐԸ ՊԱՏԱՍԽԱՆՈՒՄ Է ՈՒՍԱՆՈՂՆԵՐԻ ՀԱՐՑԵՐԻՆ
Շուրջ երկու ժամ տեւած զրույցի ընթացքում ուսանողները հնարավորություն ունեցան ստանալ իրեն հուզող շատ հարցերի պատասխաններ:

Հանդիպումը կազմակերպել էր ԵՊՀ ուսանողական բաժինը: Բաժնի վարիչ Միհրան Հակոբյանը նշեց, որ հանդիպման մասին ուսանողները տեղեկացված են եղել նախօրոք:

«Փակցված հայտարարություններում չի նշվել, որ կարող են գալ կոնկրետ ֆակուլտետի ուսանողներ, ուստի եկել են նրանք, ովքեր իսկապես ասելիք ունեն»,- ասաց Միհրան Հակոբյանը:

Ուսանողներին հուզող հարցերը բազմաթիվ էին ու բազմաբնույթ: Արամ Սիմոնյանը իր պատասխաններում ներկայացրեց նաեւ արտասահմանյան համալսարանների փորձը, որը ԵՊՀ-ն փորձում է կիրառել: Խոսվեց նաեւ համալսարանում ներմուծվող կրթական բարեփոխումների մասին:

«Կարծում եմ նման հանդիպումները հրաշալի միջոց են համալսարան-ուսանող հարաբերությունները ամրապնդելու եւ էլ ավելի արդյունավետ դարձնելու համար»,- ասաց կենսաբանության ֆակուլտետ մագիստրատուրայի 2-րդ կուրսի ուսանողուհի Արմինե Մարգարյանը:

ԵՊՀ ուսանողական բաժնի վարիչը տեղեկացրեց, որ նախատեսվում է ռեկտորի հետ հանդիպումները դարձնել պարբերական: Այսուհետ շաբաթվա մեջ մեկ օր ուսանողները հնարավուրություն կունենան իրենց հարցերն ուղղեն ԵՊՀ ռեկտորին: Հանդիպումների մասին ազդարարող պաստառները կփակցվեն նախօրոք:

Այլ նորություններ
«ԲՆԱՊԱՀՊԱՆՈՒԹՅԱՆ ՈԼՈՐՏՈՒՄ 1000 ՄՂՈՆ ՃԱՆԱՊԱՐՀ ՈՒՆԵՆՔ ԱՆՑՆԵԼՈՒ, ԵՎ ԱՌԱՋԻՆ ՔԱՅԼԵՐՆ ԱՐԴԵՆ ԱՐՎԱԾ ԵՆ». ՀՀ ՇՐՋԱԿԱ ՄԻՋԱՎԱՅՐԻ ՆԱԽԱՐԱՐ ՌՈՄԱՆՈՍ ՊԵՏՐՈՍՅԱՆ
ՀՀ շրջակա միջավայրի նախարար Ռոմանոս Պետրոսյանն այսօր հանդիպել է ԵՊՀ աշխարհագրության և երկրաբանության ֆակուլտետի պրոֆեսորադասախոսական կազմի ու ուսանողության ներկայացուցիչների հետ: Նախարարի հետ հարազատ ֆակուլտետ էին այցելել Անտառային կոմիտեի նախագահի առաջին տեղակալ, կոմիտեի նախագահի պարտականությունները կատարող Արթուր Պետրոսյանն ու «Հիդրոօթերևութաբանության մոնիթորինգի կենտրոն» ՊՈԱԿ-ի տնօրենի ժ.պ. Լևոն Ազիզյանը:
ԻՐԱՎԱԲԱՆԱԿԱՆ ՕԳՆՈՒԹՅՈՒՆՆ ԱՅՍՈՒՀԵՏ ԱՎԵԼԻ ՀԱՃԵԼԻ ԵՎ ԲԱՐԵԿԵՑԻԿ ՊԱՅՄԱՆՆԵՐՈՒՄ. ԻՐԱՎԱԲԱՆԱԿԱՆ ԿԼԻՆԻԿԱՆ ԽՈՐՀՐԴԱՏՎՈՒԹՅՈՒՆՆԵՐԻ ՎԵՐԱՆՈՐՈԳՎԱԾ ԵՎ ԿԱՀԱՎՈՐՎԱԾ ՆՈՐ ՍԵՆՅԱԿ ՈՒՆԻ
ԵՊՀ իրավագիտության ֆակուլտետում այսօր տեղի է ունեցել Իրավաբանական կլինիկայի վերանորոգված և կահավորված նոր սենյակի բացման հանդիսավոր արարողությունը: