21.10.2022 | 
Կրթություն, Հասարակություն
ԵՊՀ ՌԵԿՏՈՐԸ ՀԱՆԴԻՊԵԼ Է ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ՆԱԽԱԳԱՀ Մ․ Վ․ ՄՅԱՍՆԻԿՈՎԻՉԻ ԳԼԽԱՎՈՐԱԾ ՊԱՏՎԻՐԱԿՈՒԹՅԱՆ ՀԵՏ
ԵՊՀ ՌԵԿՏՈՐԸ ՀԱՆԴԻՊԵԼ Է ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ ՆԱԽԱԳԱՀ Մ․ Վ․ ՄՅԱՍՆԻԿՈՎԻՉԻ ԳԼԽԱՎՈՐԱԾ ՊԱՏՎԻՐԱԿՈՒԹՅԱՆ ՀԵՏ
ԵՊՀ ռեկտոր Հովհաննես Հովհաննիսյանը ԿԳՄՍ փոխնախարար Կարեն Թռչունյանի հետ հյուրընկալել է Եվրասիական տնտեսական հանձնաժողովի խորհրդի նախագահ Միխայիլ Մյասնիկովիչի գլխավորած պատվիրակությանը։ ԵՊՀ ռեկտորը ակտիվ գործունեության և միջբուհական կապերի ընդլայնման գործում ունեցած նշանակալի ավանդի համար Մ․ Վ․ Մյասնիկովիչին հանձնել է շնորհակալագիր։
Հրավիրյալ պատվիրակությանը ներկայացվել են ԵՊՀ գործունեությունը, միջազգայնացմանն ուղղված ծրագրերը, ինչպես նաև ԵԱՏՄ տարածքում գործող կրթական ու գիտական հաստատությունների հետ ունեցած կապերը՝ փաստելով, որ համալսարանը պատրաստ է ընդլայնելու համագործակցային շրջանակը։
 
 
Հանդիպման ընթացքում խոսվել է նաև ԵՊՀ-ում գործող Ռուսական հետազոտությունների կենտրոնի առկա ներուժի, զարգացմանն ուղղված ծրագրերի ու միջոցների մասին, ինչպես նաև քննարկվել է ԵԱՏՄ տարածքում ուսանողների և դասախոսների փոխանակման ծրագրեր իրականացնելու հեռանկարները, միջբուհական համատեղ կրթական ու հետազոտական նախագծեր կյանքի կոչելու պայմանները, ինչպես նաև ԵՏՀ ընձեռած հնարավորությունները՝ միտված գիտական և փորձագիտական տեսանկյունից քննարկելու Եվրասիական տնտեսական ինտեգրման և Եվրասիական տնտեսական միության հետագա զարգացման հարցերը։
 
 
Հանդիպումից հետո Եվրասիական տնտեսական հանձնաժողովի խորհրդի նախագահն համալսարանականներին ներկայացրել է դասախոսություն՝ հանգամանալից ծանոթացնելով Եվրասիական տնտեսական միության գործունեությանը։
Այլ նորություններ
«ԱՇԽԱՏԱՍԻՐՈՒԹՅՈՒՆՆ ՈՒ ՆՊԱՏԱԿԱՍԼԱՑՈՒԹՅՈՒՆԸ ՀԱՂԹԱՆԱԿՆԵՐԻ ԳՐԱՎԱԿԱՆՆ ԵՆ». ՆԱՐԵ ՇԱԼՈՒՆՑ
ԵՊՀ եվրոպական լեզուների և հաղորդակցության ֆակուլտետի ուսանող Նարե Շալունցը «Լավագույն ուսանող» հանրապետական մրցույթի հումանիտար ոլորտում մագիստրոսի կրթական ծրագրով երկրորդ տեղի մրցանակակիր է: Նարեի հետ զրուցել ենք ֆակուլտետի ընձեռած հնարավորությունների, ուսանողական տարիներից գիտական գործունեություն ծավալելու կարևորության և այլ թեմաների շուրջ:
ՄԻՋԱԶԳԱՅԻՆ ԳԻՏԱԳՈՐԾՆԱԿԱՆ ԳԻՏԱԺՈՂՈՎ ԵՊՀ-ՈՒՄ
Երևանի պետական համալսարանի, ԵՊՀ իրավագիտության ֆակուլտետի և ՌԴ նախագահին առընթեր Ս. Ալեքսեևի անվան մասնավոր իրավունքի գիտահետազոտական կենտրոնի միջև կնքվել է համագործակցության հուշագիր, որից հետո տեղի է ունեցել միջազգային գիտագործնական գիտաժողով: