09.11.2022 | 
Կրթություն
ՏԻԵԶԵՐԱԼՈՒՍԱՆԿԱՐԱՀԱՆՄԱՆ ՈԼՈՐՏԻ ԶԱՐԳԱՑՄԱՆ ՆՈՐ ԽԹԱՆ․ ԿՆՔՎԵԼ Է ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ
ՏԻԵԶԵՐԱԼՈՒՍԱՆԿԱՐԱՀԱՆՄԱՆ ՈԼՈՐՏԻ ԶԱՐԳԱՑՄԱՆ ՆՈՐ ԽԹԱՆ․ ԿՆՔՎԵԼ Է ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ
ԵՊՀ ռեկտոր Հովհաննես Հովհաննիսյանը և «Գեոկոսմոս» ընկերության տնօրեն Գևորգ Մանուկյանը ստորագրել են երկու կառույցների միջև համագործակցության հուշագիր՝ նպատակ ունենալով զարգացնելու և ընդլայնելու կողմերի միջև առկա փոխգործակցությունը։

ԵՊՀ շրջանավարտների և կարիերայի կենտրոնի և «Գեոկոսմոս» ընկերության երկարատև քննարկումների և հանդիպումների արդյունքում շարունակական համագործակցության վերաբերյալ պայմանավորվածություն է ձեռք բերվել, որին հաջորդել է հուշագրի կնքումը։ Ստորագրված հուշագրի համաձայն՝ պարբերաբար անցկացվելու են երկկողմ հետաքրքրություն ներկայացնող թեմաների վերաբերյալ գիտական քննարկումներ, դասընթացներ, գործնական պարապմունքներ, հետազոտություններ և այլն։

 

 

 

Ըստ հուշագրի՝ ԵՊՀ-ն գիտահետազոտական ու մասնագիտական արդյունավետ գործունեություն իրականացնելու վերաբերյալ խորհրդատվություն է տրամադրելու ընկերության աշխատակիցներին, նրանց համար կազմակերպելու է վերապատրաստման դասընթացներ և այլն։

 

Բացի դրանից՝ «Գեոկոսմոս» ընկերությունը ԵՊՀ-ին առաջարկելու է ավարտական աշխատանքների ոլորտային թեմաներ՝ տրամադրելով դրանց ուսումնասիրության կատարման համար անհրաժեշտ նյութեր ու գրականություն, ինչպես նաև կազմակերպելու է ուսանողների պրակտիկայի անցկացումն ընկերությունում։

 

 

Երկու կառույցների ղեկավարների հավաստմամբ՝ համագործակցությունը վստահաբար նպաստելու է Երկրի հեռահար զոնդավորման և տիեզերալուսանկարահանման ոլորտի զարգացմանը՝ ընձեռելով մի շարք հնարավորություններ և այս ուղղությամբ նոր հաջողություններ գրանցելու հեռանկարներ։

Այլ նորություններ
«ՄՐՑՈՒՅԹՆԵՐՆ ՈՒՍԱՆՈՂԻ ՀԱՄԱՐ ՀԻԱՆԱԼԻ ԱՌԻԹ ԵՆ ՎԵՐԱՐԺԵՎՈՐԵԼՈՒ ՍԵՓԱԿԱՆ ԿԱՐՈՂՈՒԹՅՈՒՆՆԵՐԸ». ԱՇՈՏ ՄԿՐՅԱՆ
ԵՊՀ հայ բանասիրության ֆակուլտետի ուսանող Աշոտ Մկրյանը մագիստրոսի կրթական ծրագրով «Լավագույն ուսանող» հանրապետական մրցույթի հայագիտական ոլորտում 2-րդ տեղի մրցանակակիր է: Աշոտի հետ զրույցը ուղենշում է, թե ինչ ճանապարհ է անհրաժեշտ անցնել լավագույն ուսանող ճանաչվելու համար:
ԻՆՉՊԵ՞Ս ԴԻՄԵԼ «ԷՐԱԶՄՈՒՍ+» ՓՈԽԱՆԱԿՄԱՆ ԾՐԱԳՐԻՆ. ՈՒՂԵՑՈՒՅՑ
ԵՊՀ ուսանողներն ու ասպիրանտները յուրաքանչյուր կրթական աստիճանում հնարավորություն ունեն մեկ անգամ մասնակցելու «Էրազմուս+» փոխանակման ծրագրին և կրթություն ստանալու եվրոպական մի շարք բուհերում։ Ընդհանուր ուսումնառության ժամկետը չի կարող լինել 3 ամսից պակաս և 12 ամսից ավելի: