23.10.2019 | 
Հասարակություն
ԵՊՀ ԼՅՈՒԴՎԻԳ ՂԱՐԻԲՋԱՆՅԱՆԻ ԱՆՎԱՆ ՊԱՏՄՈՒԹՅԱՆ ԹԱՆԳԱՐԱՆԻ ՑՈՒՑԱՆՄՈՒՇՆԵՐԸ ՀԱՄԱԼՐՎԵԼ ԵՆ ՆՈՐԵՐՈՎ
ԵՊՀ ԼՅՈՒԴՎԻԳ ՂԱՐԻԲՋԱՆՅԱՆԻ ԱՆՎԱՆ ՊԱՏՄՈՒԹՅԱՆ ԹԱՆԳԱՐԱՆԻ ՑՈՒՑԱՆՄՈՒՇՆԵՐԸ ՀԱՄԱԼՐՎԵԼ ԵՆ ՆՈՐԵՐՈՎ
ԵՊՀ Լյուդվիգ Ղարիբջանյանի անվան պատմության թանգարանում այսօր տեղի է ունեցել ԵՊՀ 100-ամյակի կապակցությամբ աշխարհի տարբեր երկրներից և ՀՀ տարբեր կազմակերպություններից ստացած նվերների ցուցադրություն:

Ցուցադրությանը ներկա էին ԵՊՀ ռեկտորի ժամանակավոր պաշտոնակատար Գեղամ Գևորգյանը, Հումանիտար և հասարակագիտական մասնագիտությունների գծով պրոռեկտոր Էլինա Ասրիյանը, ԵՊՀ տարբեր ֆակուլտետների դեկաններ, ամբիոնի վարիչներ, դասախոսներ, ինչպես նաև հյուրեր Ֆրանսիայի Լիլի համալսարանից:

 

 

Թանգարանում կարելի է տեսնել համալսարանի անվանի պրոֆեսորների ընծայագրերով հազվագյուտ գրքեր ու գիտական աշխատություններ, դասախոսությունների և հուշերի ձայնագրություններ, համալսարանի պատմությանը վերաբերող արխիվային կարևորագույն փաստաթղթեր, լուսանկարներ, ֆիլմեր. այցելուները շրջեցին թանգարանով, ծանոթացան նաև 100-ամյա ԵՊՀ-ում պահվող բացառիկ նմուշներին:

 

Նշենք, որ թանգարանը համագործակցում է ԵՊՀ պատմության ֆակուլտետի, Հայաստանի ազգային արխիվի, Գիտությունների ազգային ակադեմիայի հնագիտության և ազգագրության ինստիտուտի հետ, որոնց շնորհիվ վերականգնվել են բազմաթիվ փաստաթղթեր, առարկաներ, արձանագրություններ:

 

ԵՊՀ Լյուդվիգ Ղարիբջանյանի անվան պատմության թանգարանի տնօրեն Հեղինե Գասպարյանը հյուրերին ներկայացրեց ցուցադրված նվերների պատմությունը և նշեց, որ նվերներից իրեն ամենից շատն ուրախացրել է ՀՀ գիտությունների ազգային ակադեմիայի կողմից ԵՊՀ-ին նվիրած աշխարհի հնագույն կաշվե կոշիկի կրկնօրինակը, որը հայտնաբերվել է 2008 թվականին՝ Վայոց Ձորում իրականացված պեղումների ժամանակ:



«Մեր այցելուները մեծ հետաքրքրությամբ և ոգևորությամբ են այցելում թանգարան՝ ծանոթանալով մեկդարյա պատմություն ունեցող բուհի ունեցած հազվագյուտ նմուշներին, դասախոսների անձնական իրերին, նրանց հատկացված անկյուններին: Այժմ դրանք համալրվել են նորերով, որոնք նվիրել են օտարերկրյա մեր հյուրերն ու գործընկերները»,- ասաց Հեղինե Գասպարյանը:

Այցելուները շրջեցին նաև թանգարանի դահլիճում, որտեղ ցուցադրված են համալսարանի՝ տարբեր առիթներով ստացած հուշանվերները: 

 

Մանրամասները՝ տեսանյութում

 

 

Անգին Խաչատրյան

 

 

 

 

 

 

Այլ նորություններ
ՓՈԽԸՄԲՌՆՄԱՆ  ՀՈՒՇԱԳԻՐ՝ ԵՊՀ-Ի ԵՎ ՌՈՒՍԱՍՏԱՆԻ ԳԻՏՈՒԹՅՈՒՆՆԵՐԻ ԱԿԱԴԵՄԻԱՅԻ ԱՐԵՎԵԼԱԳԻՏՈՒԹՅԱՆ ԻՆՍՏԻՏՈՒՏԻ ՄԻՋԵՎ
Մոսկվայում նոյեմբերի վերջին տեղի է ունեցել Ռուսաստանի գիտությունների ակադեմիայի արևելագիտության ինստիտուտի կողմից կազմակերպված Արաբագետների 14-րդ միջազգային գիտաժողովը:
ՔՆՆԱՐԿՎԵԼ ԵՆ ԻՐԱՎԱԲԱՆԱԿԱՆ ԿԼԻՆԻԿԱՆԵՐԻ ԳՈՐԾՈՒՆԵՈՒԹՅԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ ԵՎ ԶԱՐԳԱՑՄԱՆ ՀՆԱՐԱՎՈՐ ՈՒՂԻՆԵՐԸ
ԵՊՀ իրավաբանական կլինիկայի տնօրենի օգնական Սեդա Ստեփանյանը
նոյեմբերի 26-29-ը մասնակցել է «Իրավաբանական կլինիկաներ. հայացք դեպի ապագան» խորագրով գիտաժողովին՝ ներկայացնելով կլինիկայի գործունեությունը և հետագա համագործակցության ակնկալիքները: