20.11.2009 | 
Կրթություն, Գիտություն
ԲՆԱԿԱՆ ԳԻՏՈՒԹՅՈՒՆՆԵՐԸ ԿԱՐԵՎՈՐՎՈՒՄ ԵՆ
ԲՆԱԿԱՆ ԳԻՏՈՒԹՅՈՒՆՆԵՐԸ ԿԱՐԵՎՈՐՎՈՒՄ ԵՆ
Բնագիտության եւ ռազմագիտության ոլորտների համագործակցությունը նպաստավոր է երկրի զարգացման ու անվտանգության համար:

Նոյեմբերի 20-ին ԵՊՀ օտարերկրյա քաղաքացիների նախապատրաստական ֆակուլտետում մեկնարկեց «Բնագիտությունը 21-րդ դարում. Ուսուցման հիմնախնդիրներ եւ լուծումներ» թեմայով համահայկական երկրորդ կրթական գիտաժողովը: Գիտությունների ազգային ակադեմիայի նախագահ Ռադիկ Մարտիրոսյանն իր ելույթում նշեց, որ հանրակրթական դպրոցներում առանձնահատուկ ուշադրություն պետք է դարձվի բնագիտական առարկաներին:

 

ԳԱԱ ակադեմիկոս Էդուարդ Ղազարյանն էլ փաստեց, որ դասագրքեր պատրաստող մասնագետները գիտության բնագավառի ներկայացուցիչներ են, իսկ դասավանդողները` դպրոցի մանկավարժներ: Հաճախ խնդիրներ են առաջանում բնագիտական ոլորտի դասագրքեր կազմելիս: Պարոն Ղազարյանը տեղեկացրեց, որ հանրակրթական դպրոցների համար պատրաստվում են երկու տարբեր դասագրքեր` հումանիտար եւ բնագիտական ուղղվածության: Այս տարի գիտաժողովն անցկացվում էր ՀՀ պաշտպանության նախարարության հետ համատեղ:

 

Զեկույցով հանդես եկավ նաեւ ՀՀ պաշտպանության նախարար Սեյրան Օհանյանը` «Բնագիտությունը եւ ռազմագիտությունը» թեմայով: Նա իր զեկույցում անդրադարձավ ռազմական անվտանգության խնդիրներին, ռազմաարդյունաբերության համալիրի հագեցմանը: ԵՊՀ գիտական քաղաքականության եւ միջազգային համագործակցության գծով պրոռեկտոր Գեղամ Գեւորգյանը կարծիք հայտնեց, որ բանակն ու կրթությունն անբաժանելի են եւ կարող են մեկը մյուսին հզորացնել:

 

«Կրթական հաստատություններում պատրաստվում են գրագետ, խելացի զինվորներ, իսկ զինված ուժերում շարունակում են զարգացնել այդ գիտելիքները, որոնք երիտասարդները ստացել են դպրոցում, բուհում»,- նշեց ԵՊՀ պրոռեկտորը: Գիտաժողովը շարունակվելու է նաեւ նոյեմբերի 21-ին, եւ լիագումար նիստերից բացի, լինելու են քննարկումներ` առանձին խմբերով:

Այլ նորություններ
«ՄՇԱԿՈՒԹԱՅԻՆ ԿԱՌՈՒՑՈՂԱԿԱՆՈՒԹՅՈՒՆԸ ՍՏԵՂԾՎՈՒՄ Է ՄԵՐ ԱՆՀԱՏԱԿԱՆՈՒԹՅՈՒՆԻՑ. ՅՈՒՐԱՔԱՆՉՅՈՒՐ ԱՆՀԱՏ ՀԻՄՔՆ Է ԱԶԳԱՅԻՆԻ». ՊՅՈՏՐ ՕՍԿՈԼԿՈՎ
ԵՊՀ միջազգային հարաբերությունների ֆակուլտետում այսօր «Էթնիկությունը և ազգայնականությունը ժամանակակից աշխարհում» («Этничность и национализм в современном мире») հրապարակային դասախոսությամբ հանդես է եկել Մոսկվայի պետական ինստիտուտի և Մոսկվայի պետական համալսարանի դասախոս, քաղաքական գիտությունների թեկնածու Պյոտր Օսկոլկովը:
ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ ԵՊՀ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԻ ՈՒ ՄՈՍԿՎԱՅԻ Մ. ԼՈՄՈՆՈՍՈՎԻ ՊԵՏԱԿԱՆ ՀԱՄԱԼՍԱՐԱՆԻ ԵՐԵՎԱՆԻ ՄԱՍՆԱՃՅՈՒՂԻ ՄԻՋԵՎ
Երևանի պետական համալսարանի տնտեսագիտության և կառավարման ֆակուլտետի ու Մոսկվայի Մ. Լոմոնոսովի պետական համալսարանի Երևանի մասնաճյուղի միջև այսօր կնքվել է համագործակցության համաձայնագիր։