20.03.2013 | 
Կրթություն
ԵՎՍ ՄԵԿ ՔԱՅԼ ԱՇԽԱՏԱՇՈՒԿԱՅՈՒՄ ՀԱՍՏԱՏՎԵԼՈՒ ՀԱՄԱՐ
ԵՎՍ ՄԵԿ ՔԱՅԼ ԱՇԽԱՏԱՇՈՒԿԱՅՈՒՄ ՀԱՍՏԱՏՎԵԼՈՒ ՀԱՄԱՐ
Այսօր ԵՊՀ-ում անցկացվեց «Կորպորատիվ սոցիալական պատասխանատվության տեսական և պրակտիկ կողմերը» խորագրով սեմինար-դասընթաց:

Այն կազմակերպել էր ԵՊՀ շրջանավարտների և կարիերայի կենտրոնը «Օրանժ Արմենիա» հիմնադրամի հետ համագործակցության շրջանակներում: Սեմինարին մասնակցում էին համալսարանի տարբեր ֆակուլտետների ուսանողներ:


Բանախոսը «Օրանժ Արմենիա» հիմնադրամի գլխավոր քարտուղար Նազարեթ Սեֆերյանն էր: Նա խոսեց կորպորատիվ սոցիալական պատասխանատվության մասին, պատմեց, թե Հայաստանում երբ է տերմինը կիրառության մեջ մտել և ինչպես է կիրառվում իրենց կազմակերպությունում:


Նշենք, որ ԵՊՀ շրջանավարտների և կարիերայի կենտրոնի նախաձեռնած սեմինարների շարքը մեկնարկել է դեռևս այս տարվա փետրվար ամսին և կտևի մինչև ապրիլ: Դրա շրջանակներում տեղի են ունենում նաև հանդիպումներ ուսանողների հետ: Շրջանավարտների և կարիերայի կենտրոնի փոխտնօրեն Կարինե Նազարյանը նշեց, որ սա կենտրոնի նախաձեռնած հերթական միջոցառումն է, որի նպատակն է օգնել ուսանողներին աշխատաշուկայում հաստատվելու հարցում:


«Սեմինարների ուղղվածություները տարբեր են լինում: Դրանք հիմնականում նպաստելու են ուսանողների ընդհանուր և մասնագիտական հմտությունների զարգացմանը, իսկ հանդիպումների ընթացքում փորձելու ենք հասկանալ` ինչ պահանջներ ունեն ուսանողները, ինչքանով են գոհ առաջարկվող ծրագրերի որակից և այլն: Հարցումների միջոցով էլ հետազոտություն կանենք, որը կբացահայտի թերություններն ու աշխատանքային ուղղությունները»,- ասում է Շրջանավարտների և կարիերայի կենտրոնի տնօրեն Լիլիթ Հակոբյանը:

Այլ նորություններ
 «ՏՎՅԱԼՆԵՐԻ ԳԻՏՈՒԹՅՈՒՆԸ ԲԻԶՆԵՍՈՒՄ» ՄԱԳԻՍՏՐՈՍԱԿԱՆ ԾՐԱԳՐԻ ՈՐՈՇ ՈՒՍԱՆՈՂՆԵՐ ՇԱՐՈՒՆԱԿԵԼՈՒ ԵՆ ՈՒՍՈՒՄԸ ՍԱՆ ԽՈՍԵԻ ՀԱՄԱԼՍԱՐԱՆՈՒՄ
Երևանի և Սան Խոսեի պետական համալսարանների 2019 թվականին ձեռք բերված համագործակցության շնորհիվ ԵՊՀ տնտեսագիտության և կառավարման ֆակուլտետի «Տվյալների գիտությունը բիզնեսում» մագիստրոսական ծրագրի ընտրական փուլը հաղթահարած 2-4 ուսանող 2020 թ. սեպտեմբերից կշարունակեն ուսումն ԱՄՆ-ի Սան Խոսեի պետական համալսարանի «Data Analytics» (MS) մագիստրոսական ծրագրում։ Համագործակցության, նպատակների ու հետագա գործունեության մասին ysu.am-ը զրուցել է «Տվյալների գիտությունը բիզնեսում» մագիստրոսական ծրագրի ղեկավար Ռուբեն Գևորգյանի և ընտրական փուլ հասած ուսանողներից մի քանիսի հետ։
«ԻՆԴՈՒՍՏՐԻԱՅԻ ՕՐ» ԵՊՀ ՄԱԹԵՄԱՏԻԿԱՅԻ ԵՎ ՄԵԽԱՆԻԿԱՅԻ ՖԱԿՈՒԼՏԵՏՈՒՄ
Երևանի պետական համալսարանի մաթեմատիկայի և մեխանիկայի ֆակուլտետն այսօր կազմակերպել էր «Ինդուստրիայի օր» խորագիրը կրող միջոցառում, որի նպատակն էր բարձր կուրսերի ուսանողներին հնարավորություն տալ ծանոթանալու ՏՏ ոլորտի ընկերությունների ներկայացուցիչների հետ և իրենց մագիստրոսական ծրագրի համար գտնելու համագործակցության ուղիներ։