27.02.2012 | 
Ուսանողական
ԲԱՆԱՎԻՃՈՒՄ ԵՆ ՈՒՍԱՆՈՂՆԵՐԸ
ԲԱՆԱՎԻՃՈՒՄ ԵՆ ՈՒՍԱՆՈՂՆԵՐԸ
Համաշխարհային քաղաքական հիմնախնդիրների շուրջ իրենց տեսակետներն են հայտնում ապագա միջազգայնագետները:

Այսօր ԵՊՀ Պալեանների անվան դահլիճում «Արդի համաշխարհային քաղաքական զարգացումները» խորագրով միջբուհական բանավեճ-մրցույթին մասնակցում էին Երեւանի պետական համալսարանի միջազգային հարաբերությունների ֆակուլտետի եւ Ռուս-հայկական (Սլավոնական) համալսարանի հասարակական, քաղաքական գիտությունների ֆակուլտետի ուսանողները:

 

Մինչ ուսանողական խմբերի ելույթները մասնակիցներին ողջունեց ԵՊՀ միջազգային հարաբերությունների ֆակուլտետի քաղաքական գիտությունների պատմության եւ տեսության ամբիոնի վարիչ Աշոտ Ենգոյանը. «Ուրախ եմ, որ այսօր ուսանողները շահագրգռված են քաղաքական բանավեճերին ակտիվ մասնակցելու հարցում եւ ուզում եմ շնորհակալություն հայտնել Սլավոնական համալսարանի ուսանողներին նախաձեռնությանն արագ արձագանքելու համար»:

 

Ողջույնի խոսքով հանդես եկավ նաեւ ԵՊՀ միջազգային հարաբերությունների ՈՒԳԸ նախագահ Ժաննա Հարությունյանը: Բանավեճի լեզուն ռուսերենն էր, սակայն դա չէր խանգարում ապագա դիվանագետներին հստակ ներկայացնել իրենց տեսակետներն ու դիրքորոշումները Հայաստանի արտաքին քաղաքականության վերաբերյալ: Թիմերից յուրաքանչյուրը կազմված էր 5-ական ուսանողներից, ովքեր հերթով խոսում էին Հայաստանի՝ Եվրոպական միությանը կամ Եվրաասիական միությանը անդամագրվելու առավելությունների, խնդիրների ու հեռանկարների մասին:

 

Սլավոնական համալսարանի սաները կողմ էին ԵՄ-ին միանալու տեսակետին՝ այն ամրագրելով փաստերով ու արդեն իսկ գրանցված հաջողություններով: Վերջիններս հավաստիացնում էին, որ Հայաստանն իր գործողություններով ու քաղաքական դիրքորոշման օրինակներով ցույց է տալիս, որ իր ընտրությունն արդեն կատարել է: Սակայն ԵՊՀ-ի թիմի անդամները չհամաձայնվեցին իրենց գործընկերների հետ:

 

Համալսարանականները վստահ են, որ Եվրոպան Հայաստանի զարգացման հիմնական ուղին համարվել չի կարող, քանի որ չի կարելի անտեսել Ռուսաստանի եւ ասիական այլ երկրների ազդեցությունը երկրի զարգացման ու առաջընթացի վրա: Թիմի անդամներից յուրաքանչյուրն առաջադրված տեսակետը հիմնավորեց մի շարք փաստերով: Միջոցառման վերջում ժյուրին որոշեց, որ բանավեճն ընթացել է հավասար պայմաններում: Յուրաքանչյուր թիմից ընտրված 3 ուսանողներ պարգեւատրվեցին պատվոգրերով, մյուսները ստացան հավաստագրեր:

Այլ նորություններ
ԵՊՀ ՈՒԳԸ-Ն ԱՐՏԱԿԱՐԳ ԴՐՈՒԹՅԱՆ ՊԱՅՄԱՆՆԵՐՈՒՄ ՇԱՐՈՒՆԱԿՈՒՄ Է ԻՐ ԱՇԽԱՏԱՆՔՆԵՐԸ
Աշխարհում նոր տիպի կորոնավիրուսի տարածման և ՀՀ կառավարության կողմից արտակարգ դրություն հայտարարելու մասին որոշում կայացնելու առաջին իսկ օրերից ԵՊՀ ՈՒԳԸ-ն շարունակում է իրականացնել իր աշխատանքները: Մեզ հետ զրույցում ՈՒԳԸ նախագահ Մերի Փանոսյանը պատմել է, թե ինչ մեթոդներ և միջոցներ են կիրառել՝ այս ընթացքում արդյունավետ միջոցառումներ կազմակերպելու համար:
ՔԻՄԻԱՅԻ ՖԱԿՈՒԼՏԵՏԻ ՈՒՍԱՆՈՂՆԵՐԸ ՍԵՓԱԿԱՆ ՄԻՋՈՑՆԵՐՈՎ ՊԱՏՐԱՍՏԵԼ ԵՆ ԱԽՏԱՀԱՆՈՂ ՄԻՋՈՑՆԵՐ ԵՎ ԲԱԺԱՆԵԼ ՇՈՒԿԱՅԻ ԱՇԽԱՏԱԿԻՑՆԵՐԻՆ
ԵՊՀ քիմիայի ֆակուլտետի ուսանողները, իրենց նախաձեռնությամբ և ֆակուլտետի մասնագետների աջակցությամբ, ստեղծել են ախտահանիչներ և իրականացրել ակցիա՝ դրանք անվճար բաժանելով շուկայի աշխատակիցներին: