20.07.2022 | 
Ուսանողական, Կրթություն
ՄԱՍՆԱԳԻՏԱԿԱՆ ՑՈՒՑԱՀԱՆԴԵՍ ԵՊՀ-ՈՒՄ
ՄԱՍՆԱԳԻՏԱԿԱՆ ՑՈՒՑԱՀԱՆԴԵՍ ԵՊՀ-ՈՒՄ
ԵՊՀ Գևորգ Արշակյանի անվան ամառային դպրոցի սաներն այսօր մասնակցեցին մասնագիտական ցուցահանդեսի, որտեղ ներկայացվեցին ԵՊՀ-ում առկա մասնագիտությունները, աշխատանքի հնարավորություններն ու հեռանկարները:

ԵՊՀ ուսանողների հետ տարվող աշխատանքների կենտրոնում գործող, Գևորգ Արշակյանի անունը կրող ամառային դպրոցի սաները ՀՀ մարզերի ավագ դպրոցներից են:

 

 

Երկու շաբաթվա ընթացքում նրանք հնարավորություն են ունեցել զարգացնելու ժամանակի կառավարմանը, հաղորդակցման ու առաջնորդելու հմտություններին, արագ ընթերցանությանը վերաբերող գիտելիքները:

 

 

Գիտելիքի ամառային դպրոցի աշխատանքները համակարգող Խաչիկ Աբաջյանը, խոսելով մասնագիտական ցուցահանդեսից և դրա կարևորությունից, մեզ հետ զրույցում ընդգծեց. «Ցուցահանդեսը կազմակերպվել էր ամառային դպրոցի շրջանակում: Երկու շաբաթվա ընթացքում դպրոցի սաներն ստանում են այնպիսի գիտելիքներ, որոնք նպաստում են մասնագիտական կողմնորոշմանը: Նմանատիպ ցուցահանդեսները շատ կարևոր են, քանի որ դրանք հնարավորություն են տալիս առավել պատկերավոր ներկայացնելու այդ մասնագիտություններն ու ակնկալվող հեռանկարները»:

 

 

Նշենք, որ «Գիտելիքի դպրոց»-ի գաղափարը Արցախյան 44-օրյա պատերազմի մասնակից, Մարտական խաչ 1-ին աստիճանի շքանշանակիր, ԵՊՀ բրոնզե մեդալակիր Գևորգ Արշակյանինն էր, ով, ընտրվելով ԵՊՀ ուսանողական խորհրդի գիտակրթական հանձնաժողովի նախագահ, պատրաստվում էր իրականացնել այս ծրագիրը՝ առաջնորդվելով «ուսանողները ուսանողների համար» գաղափարով: Գիտելիքի դպրոցում բանախոսում են բարձր կուրսերում սովորող ուսանողներ, շրջանավարտներ։

 

Այլ նորություններ
ԵՊՀ-ՈՒՄ ԱՄՓՈՓՎԵՑԻՆ «ՄԱՆՐԷՆԵՐԻ ՀԱՏԿՈՒԹՅՈՒՆՆԵՐ. ՆՈՐԱՐԱՐ ԳԱՂԱՓԱՐՆԵՐԻ ՄՐՑՈՒՅԹԻ» ԱՐԴՅՈՒՆՔՆԵՐԸ
Հաղթող ճանաչված թիմերն ստացան դրամական պարգևներ, իսկ մյուս թիմերին ժյուրին առաջարկեց շարունակել զարգացնել ներկայացված գաղափարները, քանի որ դրանք չափազանց արդիական են և կարող են նպաստել կենսաբանության, հատկապես մանրէաբանության ոլորտի առաջընթացին։
ԵՊՀ ԻՐԱՎԱԳԻՏՈՒԹՅԱՆ ԵՎ ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏՆԵՐԸ ՆՈՐ ՀՆԱՐԱՎՈՐՈՒԹՅՈՒՆՆԵՐ ԵՆ ՍՏԵՂԾՈՒՄ ՈՒՍԱՆՈՂՆԵՐԻ ՀԱՄԱՐ
«Մեդիա և տեղեկատվական իրավունք» մագիստրոսական ծրագրի շրջանակում ԵՊՀ իրավագիտության ֆակուլտետ այցելեց «Կոնրադ Ադենաուեր» հիմնադրամի Հարավային Կովկասի տարածաշրջանային ծրագրի տնօրենի տեղակալ Մաթիաս Հեսպեն՝ հետագա համագործակցությունների հեռանկարները, ինչպես նաև վերոնշյալ կրթական ծրագրի ուսանողներից երկուսին կրթաթոշակ տրամադրելու հարցը քննարկելու։