28.11.2019 | 
Հասարակություն
ԱՇԱԿԵՐՏՆԵՐՆ ԱՅՑԵԼԵԼ ԵՆ ՄԱԹԵՄԱՏԻԿԱՅԻ ԵՎ ՄԵԽԱՆԻԿԱՅԻ ՖԱԿՈՒԼՏԵՏ
ԱՇԱԿԵՐՏՆԵՐՆ ԱՅՑԵԼԵԼ ԵՆ ՄԱԹԵՄԱՏԻԿԱՅԻ ԵՎ ՄԵԽԱՆԻԿԱՅԻ ՖԱԿՈՒԼՏԵՏ
Երևանի Լ. Շանթի անվան թիվ 4 դպրոցի 9-րդ դասարանի աշակերտներն ու ուսուցիչներն այսօր այցելել են ԵՊՀ մաթեմատիկայի և մեխանիկայի ֆակուլտետ:

Մասնագիտական կողմնորոշման նպատակ ունեցող այցերը ԵՊՀ շարունակական բնույթ են կրում, դրանք աշակերտներին որոշակի գիտելիքներ են տալիս և օգնում ճիշտ կողմնորոշվել ապագա մասնագիտության ընտրության հարցում:

 

Աշակերտներին Մաթեմատիկայի և մեխանիկայի ֆակուլտետում դիմավորեց Ֆունկցիաների տեսության և մաթեմատիկական անալիզի ամբիոնի դոցենտ Մհեր Մարտիրոսյանը, որը նախ ողջունեց նրանց ֆակուլտետում, ապա «Ֆունկցիաներ» թեմայով դասախոսություն կարդաց՝ փորձելով մատչելի ներկայացնել այդ բավականին բարդ թեման:

 

 

«Ֆունկցիաների թեման ամենապահանջված և բավականին բարդ թեմաներից մեկն է, որը 9-րդ դասարանում որակական նոր մակարդակ է ստանում, կարծում եմ՝ այսօրվա դասախոսությունը բավականին հետաքրքիր և օգտակար կլինի»,- ասաց ԵՊՀ դոցենտը:

 

9-րդ դասարանի աշակերտուհի Գայանե Բուդաղյանի կարծիքով, դասախոսությունը բավականին հետաքրքիր թեմայով է և իրենց համար օգտակար կլինի. «Մենք դպրոցում արդեն ուսումնասիրում ենք այս թեման, և այսօրվա դասընթացի շնորհիվ նոր գիտելիքներ ձեռք կբերենք»:

 

Հասմիկ Ասլանյան  

 

 

 

Այլ նորություններ
ՆՈՐ ԳԻՏԵԼԻՔՆԵՐ ՀԱՎԱՏԱՐՄԱԳՐՄԱՆ ԵՐԿՐՆԵՐՈՒՄ ԵՎ ՄԻՋԱԶԳԱՅԻՆ ԿԱԶՄԱԿԵՐՊՈՒԹՅՈՒՆՆԵՐՈՒՄ ՀՀ ԱՌԱՋՆԱՀԵՐԹՈՒԹՅՈՒՆՆԵՐԻ ՎԵՐԱԲԵՐՅԱԼ. ԱՄՓՈՓՎԵԼ Է ԱՄԱՌԱՅԻՆ ԴՊՐՈՑԸ
Տեղի է ունեցել ԵՊՀ միջազգային հարաբերությունների ֆակուլտետի նախաձեռնությամբ կազմակերպված «Հայաստանի Հանրապետության հարաբերությունները համաշխարհային քաղաքականության խոշոր դերակատարների հետ» խորագրով ամառային առցանց դպրոցի փակման արարողությունը։
ՀՀ- ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅՈՒՆ ՀԱՐԱԲԵՐՈՒԹՅՈՒՆՆԵՐԻ ԱՌԱՆՁՆԱՀԱՏԿՈՒԹՅՈՒՆՆԵՐԸ. ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅՈՒՆՈՒՄ ՀՀ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ՏԻԳՐԱՆ ԲԱԼԱՅԱՆԸ ՀԱՆԴԵՍ Է ԵԿԵԼ ԴԱՍԱԽՈՍՈՒԹՅԱՄԲ
Նիդերլանդների Թագավորությունում ՀՀ արտակարգ և լիազոր դեսպան Տիգրան Բալայանն այսօր «Հայաստանի Հանրապետության հարաբերությունները համաշխարհային քաղաքականության խոշոր դերակատարների հետ» խորագրով ամառային դպրոցի մասնակիցների համար հանդես է եկել հեռավար դասախոսությամբ։