17.02.2021 | 
Կրթություն
ՄԱՆՐԷԱԲԱՆԱԿԱՆ ԿԵՆՍԱՏԵԽՆՈԼՈԳԻԱՆԵՐԻ ԵՎ ԿԵՆՍԱՎԱՌԵԼԻՔԻ ՆՈՐԱՐԱՐԱԿԱՆ ԿԵՆՏՐՈՆՈՒՄ ԱՇԱԿԵՐՏՆԵՐԸ ՀԵՏԵՎԵԼ ԵՆ ԳԻՏԱՓՈՐՁԵՐԻՆ
ՄԱՆՐԷԱԲԱՆԱԿԱՆ ԿԵՆՍԱՏԵԽՆՈԼՈԳԻԱՆԵՐԻ ԵՎ ԿԵՆՍԱՎԱՌԵԼԻՔԻ ՆՈՐԱՐԱՐԱԿԱՆ ԿԵՆՏՐՈՆՈՒՄ ԱՇԱԿԵՐՏՆԵՐԸ ՀԵՏԵՎԵԼ ԵՆ ԳԻՏԱՓՈՐՁԵՐԻՆ
ԵՊՀ մինչհամալսարանական կրթության վարչությունը վերսկսել է մասնագիտական կողմնորոշման նպատակով այցելություններ կազմակերպել ապագա դիմորդների համար:

Այս նախաձեռնության շրջանակում այսօր Կենսաբանության ֆակուլտետ էին այցելել «Հերացի» ավագ դպրոցի 11-րդ դասարանի աշակերտները:
Նրանք հյուրընկալվեցին ֆակուլտետի մանրէաբանական կենսատեխնոլոգիաների և կենսավառելիքի նորարարական կենտրոնում, ծանոթացան սարքավորումներին ու իրականացվող գիտափորձերին, ստացան իրենց հուզող հարցերի պատասխանները։

 


Կենտրոնի կրտսեր գիտաշխատող Սաթենիկ Միրզոյանն աշակերտներին բացատրեց, թե ինչպես կարելի է գեներացնել կաթնամթերքի և խոհանոցային (միրգ, բանջարեղեն, սուրճ, թեյ) թափոնները, ապա վերամշակելով դրանք՝ ստանալ կենսազանգված, կենսավառելիք։ Տեսական մասից հետո նա ցուցադրեց մի քանի գիտափորձ։


Մեզ հետ զրույցում աշակերտներն ասացին, որ նմանատիպ այցերը շատ կարևոր են մասնագիտական կողմնորոշման առումով, ապա հավելեցին, որ եկել են Երևանի լավագույն լաբորատորիա՝ գիտափորձերին հետևելու համար։

Այլ նորություններ
ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏՆ ՈՒ ՀԱՆՐԱՅԻՆ ՀԵՌՈՒՍՏԱԸՆԿԵՐՈՒԹՅՈՒՆԸ ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ ԿՆՔԵՑԻՆ
ԵՊՀ ռեկտորի աշխատասենյակում այսօր ռեկտորի ժ.պ. Գեղամ Գևորգյանը և «Հայաստանի հանրային հեռուստաընկերություն» ՓԲԸ գործադիր տնօրեն Հովհաննես Մովսիսյանը ռազմավարական համագործակցության մասին հուշագիր են կնքել:
«ՀԱՅԿԱԿԱՆ ԺԱՌԱՆԳՈՒԹՅՈՒՆՆ ԱՆԻԻ ՏԱՐԱԾԱՇՐՋԱՆՈՒՄ ԵՎ ՀԵՏԵՎԱՆՔՆԵՐԸ ԱՐՑԱԽԻ ՀԱՄԱՐ». ԱՌՑԱՆՑ ՎԵԲԻՆԱՐ
Երևանի պետական համալսարանի ուսանողական գիտական ընկերության նախաձեռնությամբ կայացել է առցանց վեբինար՝ «Հայկական ժառանգությունն Անիի տարածաշրջանում և հետևանքները Արցախի համար» խորագրով: