13.02.2020 | 
Քաղաքականություն
ԵՊՀ-Ն ՀՅՈՒՐԸՆԿԱԼԵԼ ԷՐ ԵՐԵՎԱՆԻ ԹԻՎ 148 ԱՎԱԳ ԴՊՐՈՑԻ ԱՇԱԿԵՐՏՆԵՐԻՆ
ԵՊՀ-Ն ՀՅՈՒՐԸՆԿԱԼԵԼ ԷՐ ԵՐԵՎԱՆԻ ԹԻՎ 148 ԱՎԱԳ ԴՊՐՈՑԻ ԱՇԱԿԵՐՏՆԵՐԻՆ
ԵՊՀ ֆիզիկայի ֆակուլտետում այսօր հերթական անգամ հյուրընկալվել էին աշակերտները:

Նշենք, որ այս այցելությունները, որոնք նպատակ ունեն օգնելու աշակերտներին մասնագիտական կողմնորոշման հարցում, կազմակերպում է ԵՊՀ մինչհամալսարանական կրթության վարչությունը։

 

Ֆիզիկամաթեմատիկական  հոսքի 10-րդ դասարանի աշակերտներին դիմավորեց  Ֆիզիկայի ֆակուլտետի ակադեմիկոս Վ. Համբարձումյանի անվան ընդհանուր ֆիզիկայի և աստղաֆիզիկայի ամբիոնի դոցենտ Լյովա Գրիգորյանը և  ներկայացրեց դպրոցական դասագրքում ներառված մի քանի ծրագրային թեմաներ. իմպուլս, իմպուլսի պահպանման օրենք, լրիվ մեխանիկական էներգիա, լրիվ մեխանիկական էներգիայի պահպանման օրենք: 

 

Թիվ 148 ավագ դպրոցի աշակերտ Գարրի Գրիգորյանը հետաքրքրված է մաթեմատիկայով և ֆիզիկայով:

 

Ըստ Գարրի՝ նմանաբնույթ այցելությունները և դասախոսությունները ընդլայնում են աշակերտների գիտելիքները, դառնում նոր փորձի յուրացման աղբյուր:

 

«Մենք «Ֆիզիկա» առարկայի ծրագրային թեմաներն առավել լավ յուրացնում ենք համալսարանում, երբ մեր ունեցած տեսական գիտելիքները կիրառում ենք գործնականում՝ լաբորատոր փորձերի օգնությամբ»,- նշեց Գարրին:

 

Թիվ 148 ավագ դպրոցի ուսուցչուհի Լեյլի Խաչատրյանի բնորոշմամբ էլ, աշակերտները ոգևորությամբ և մեծ հետաքրքրությամբ են գալիս ԵՊՀ, հետևում փորձերին և հարցուպատասխանի ձևաչափով մասնակցում դասընթացներին:

 

Ուսուցչուհու խոսքով, աշակերտների մեծ մասը ԵՊՀ ապագա դիմորդներ են:

 

 

 

 

 

Այլ նորություններ
ԵՊՀ-Ն ՊԱՏՐԱՍՏ Է ՀԱՄԱԳՈՐԾԱԿՑԵԼ ԼԻՏՎԱՅԻ ՀԱՄԱԼՍԱՐԱՆՆԵՐԻ ՀԵՏ. ՔՆՆԱՐԿՎԵԼ ԵՆ ԵՐԿԿՈՂՄ ՀԱՄԱԳՈՐԾԱԿՑՈՒԹՅԱՆ ՈՒՂԻՆԵՐԸ
ԵՊՀ ռեկտորի ժ.պ. Գեղամ Գևորգյանն այսօր իր աշխատասենյակում հյուրընկալել է ՀՀ-ում Լիտվայի Հանրապետության արտակարգ և լիազոր դեսպան Ն.Գ. տիկին Ինգա Ստանիտե-Տոլոչկիենեին և փոխդեսպան Նիդա Դալմանտայտեին:
ԵՊՀ-ՈՒՄ ԻՐԱՔԻ ՀԱՆՐԱՊԵՏՈՒԹՅԱՆ ԳՈՐԾԵՐԻ ԺԱՄԱՆԱԿԱՎՈՐ ՀԱՎԱՏԱՐՄԱՏԱՐԻ ՀԵՏ ՔՆՆԱՐԿԵԼ ԵՆ ԵՐԿԿՈՂՄ ՀԱՄԱԳՈՐԾԱԿՑՈՒԹՅՈՒՆԸ
ԵՊՀ ռեկտորի ժ.պ. Գեղամ Գևորգյանն այսօր իր աշխատասենյակում ընդունել է ՀՀ-ում Իրաքի Հանրապետության գործերի ժամանակավոր հավատարմատար Մոհամմեդ-Օ-Ջեբուռ Ալ-Մասուդիին: