21.03.2007 | 
Հասարակություն
ՆՎԱՃՈՒՄՆԵՐԸ ՑՈՒՑԱԴՐԵԼՈՒ ՀՐԱՇԱԼԻ ԱՌԻԹ
ՆՎԱՃՈՒՄՆԵՐԸ ՑՈՒՑԱԴՐԵԼՈՒ ՀՐԱՇԱԼԻ ԱՌԻԹ
«Ուսուցումը Հայաստանում 2007» VI միջազգային ցուցահանդեսին այս տարի առաջին անգամ մասնակցեց նաեւ ԵՊՀ-ն:

«Expo service»-ի կազմակերպած ավանդական ծրագիրը այս տարի մեկնարկեց մարտի 21-ին ՀՀ կառավարության շենքում եւ կշարունակվի միչեւ մարտի 23-ը: ՀՀ կրթության եւ գիտության նախարար Լեւոն Մկրտչյանի կարծիքով, նմանատիպ ակցիաները ոչ միայն քարոզչական մեծ դեր ունեն, այլ նաեւ կարեւոր են համալսարանական մշակույթի եւ համագործակցության զարգացման գործում:

«Տարիների պատմություն ունեցող նմանատիպ նախաձեռնությունների շնորհիվ է, որ կարողանում ենք կազմակերպված մասնակցել միջազգային այսօրինակ ցուցահանդեսներին»,- նշեց Լեւոն Մկրտչյանը:

Ցուցահանդեսի յուրաքանչյուր օր սպասվում են կրթությանը վերաբերող կլոր սեղաններ: Առաջին օրվա կլոր սեղանի թեման էր «Կրթական որակի խնդիրները»:

«Որքան էլ ԵՊՀ-ն բարձրագույն կրթության ոլորտում առաջամարտիկ ու դրոշակակիր լինի, այնուամենայնիվ, նմանատիպ ցուցահանդեսներին մասնակցելը, կարծում եմ, պարտադիր է: Ցուցահանդեսը ոչ միայն մեր նվաճումները ցուցադրելու, այլ նաեւ ընդօրինակելու, սովորելու եւ փորձի փոխանակման հրաշալի առիթ է»,- ասաց ԵՊՀ ռեկտոր Արամ Սիմոնյանը:

Այլ նորություններ
ԻՆՉՊԵՍ ՊԱՇՏՊԱՆԵԼ ԴԱՍԵՐԻ ԱՆՎՏԱՆԳՈՒԹՅՈՒՆԸ «ZOOM» ԾՐԱԳՐԻՑ ՕԳՏՎԵԼԻՍ. ՊԱՐԶԱԲԱՆՈՒՄ Է ՍԱՄՎԵԼ ՄԱՐՏԻՐՈՍՅԱՆԸ
Տեղեկատվական անվտանգության փորձագետ, ԵՊՀ դասախոս Սամվել Մարտիրոսյանը հրապարակել է տեսանյութ, որտեղ մանրամասնորեն ներկայացրել է, թե ինչպես պետք է պաշտպանել «Zoom»-ով իրականացվող դասերը ներխուժումներից: