04.11.2022 | 
Կրթություն, Գիտություն
ՄԻՋԱԶԳԱՅԻՆ ԿՈՆՎԵՆՑԻԱՅԻՆ ԸՆԴԱՌԱՋ ԱՐՎՈՂ ՔԱՅԼԵՐ ԵՊՀ-ՈՒՄ
ՄԻՋԱԶԳԱՅԻՆ ԿՈՆՎԵՆՑԻԱՅԻՆ ԸՆԴԱՌԱՋ ԱՐՎՈՂ ՔԱՅԼԵՐ ԵՊՀ-ՈՒՄ
ԵՊՀ իրավագիտության ֆակուլտետում տեղի ունեցավ Օրհուսի կոնվենցիայի՝ բնապահպանական հարցերով արդարադատության մատչելիության չափորոշիչների քննարկում:

Կազմակերպված միջոցառման նպատակն էր տարբեր նախարարությունների, դատական համակարգի ներկայացուցիչների, իրավաբան-փորձագետների, հասարակական կազմակերպությունների ներկայացուցիչների հետ քննարկել Օրհուսի կոնվենցիայի՝ Հայաստանի Հանրապետությունում առկա բնապահպանական հարցերով արդարադատության մատչելիության իրավունքի իրացման խոչընդոտները, գործընթացի թերություններն ու առավելությունները:

 

 

Քննարկման արդյունքները կարևոր են Եվրոպական տնտեսական հանձնաժողովի՝ Օրհուսի կոնվենցիային անդամակցող երկրներին (այդ թվում՝ Հայաստանին) ներկայացրած՝ բնապահպանական հարցերով արդարադատության մատչելիության միջոցառումների թեմայով հարցաթերթիկը լրացնելու համար:

 

ԵՊՀ Ա. Իսկոյանի անվան էկոլոգիական իրավունքի գիտաուսումնական կենտրոնի ղեկավար Օլիմպիա Գեղամյանը, մեզ հետ զրույցում խոսելով այսպիսի հանդիպումների կարևորությունից, ասաց՝ երբ երկիրը վավերացնում է որևէ միջազգային կոնվենցիա, դրանով իսկ ստանձնում է որոշակի պարտավորություններ, և դրանց իրագործման ճանապարհին այսպիսի քննարկումները խիստ առաջնային նշանակություն ունեն՝ կազմելու համար այնպիսի փաստաթուղթ, որը համապարփակ ու լիարժեք կներկայացնի ՀՀ-ի հասարակության և պետական մարմինների դիրքորոշումը:

 

 

Նշենք, որ քննարկումը կազմակերպվեց ԵՊՀ Ա. Իսկոյանի անվան էկոլոգիական իրավունքի գիտաուսումնական կենտրոնի և ՀՀ շրջակա միջավայրի նախարարության հետ համատեղ:

Այլ նորություններ
ՀՀ-ՈՒՄ ՂԱԶԱԽՍՏԱՆԻ ԴԵՍՊԱՆԸ ԳՐՔԵՐ ՆՎԻՐԵՑ ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ԳՐԱԴԱՐԱՆԻՆ
ԵՊՀ արևելագիտության ֆակուլտետի թյուրքագիտության ամբիոնին առընթեր գործող Աբայի անվան ղազախերենի, Ղազախստանի պատմության ու մշակույթի կենտրոնը կրկին հյուրընկալել էր ՀՀ-ում Ղազախստանի արտակարգ և լիազոր դեսպան Բոլատ Իմանբաևին: Դեսպանը կենտրոնի գրադարանին է նվիրել Ղազախստանի նախագահ Կասիմ-Ժոմարտ Տոկաևի հեղինակած գրքերը:
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԴԵՐԸ ԱՇԽԱՐՀՈՒՄ․ ԿՐԹՈՒԹՅՈՒՆԻՑ ԱՇԽԱՏԱՇՈՒԿԱ
21-րդ դարը նորարարական բացահայտումների ժամանակաշրջան է, որում մեծ դերակատարում ունեն տեղեկատվական տեխնոլոգիաները (ՏՏ)։ Դրանք ներթափանցել են մարդկային գործունեության գրեթե բոլոր ոլորտներ՝ առաջարկելով առօրյայի և աշխատանքային գործընթացների դյուրին ու արդյունավետ կազմակերպման ուղիներ։