10.12.2019 | 
Հասարակություն
ՄԵԿՆԱՐԿԵԼ Է «ԻՐԱԶԵԿՈՒՄ. ՏԵՂԱՓՈԽՈՒԹՅՈՒՆ, ԲՈՂՈՔԱՐԿՈՒՄ ԵՎ ԼՈՒԾԱՐՔՆԵՐ» ԹԵՄԱՅՈՎ ԾՐԱԳՐԻ 2-ՕՐՅԱ ՔՆՆԱՐԿՈՒՄԸ
ՄԵԿՆԱՐԿԵԼ Է «ԻՐԱԶԵԿՈՒՄ. ՏԵՂԱՓՈԽՈՒԹՅՈՒՆ, ԲՈՂՈՔԱՐԿՈՒՄ ԵՎ ԼՈՒԾԱՐՔՆԵՐ» ԹԵՄԱՅՈՎ ԾՐԱԳՐԻ 2-ՕՐՅԱ ՔՆՆԱՐԿՈՒՄԸ
Այսօր մեկնարկել է «Իրազեկում. տեղափոխություն, բողոքարկում և լուծարքներ» թեմայով 2-օրյա քննարկումը`կազմակերպված ԵՊՀ ՈԻԽ-ի իրավական հանձնաժողովի կողմից:

Քննարկման բանախոսներն էին ԵՊՀ ուսանողական խորհրդի իրավական հանձնաժողովի նախագահ Կարոլինա Հարությունյանը, Եվրոպական լեզուների և հաղորդակցության ֆակուլտետի ուսանող Ամալյա Առուշանյանը, Աշխարհագրության և երկրաբանության ֆակուլտետի ուսանողական խորհրդի իրավական հանձնաժողովի պատասխանատու Հռիփսիմե Մաթևոսյանը, Մաթեմատիկայի և մեխանիկայի ֆակուլտետի ուսանող, ուսանողական խորհրդի իրավական հանձնաժողովի քարտուղար Էլլա Մովսիսյանը:

 

Հանդիպման սկզբում ԵՊՀ ուսանողական խորհրդի իրավական հանձնաժողովի նախագահը ողջունեց ներկաներին և շնորհակալություն հայտնեց միջոցառման նկատմամբ ունեցած հետաքրքրության համար:

Ուսանողներին ներկայացնելով տեղափոխության գործընթացը՝ նա նշեց, որ թեպետ այն բարդ չէ, բայց հնարավոր է իրականացնել միայն 2-րդ և 3-րդ կուրսերում:

«Երբեմն ուսանողը մտածում է, որ դեռ ժամանակ ունի այդ գործընթացն իրականացնելու համար, մինչդեռ իրականում սահմանված ժամանակը հստակ է, իսկ ուսանողը, չիմանալով, օրինակ, 4-րդ կուրսում ցանկանում է տեղափոխվել, որը հնարավոր չէ»,- պարզաբանեց Կարոլինա Հարությունյանը:

Նույն խնդիրներին ուսանողները կարող են առնչվել նաև բողոքարկման ժամանակ:

 

«Եթե կա բողոքարկման համար նշված օր, ուսանողը պարտավոր է հենց այդ օրն ու նշված ժամին ներկայանալ,- պարզաբանեց ՈՒԽ-ի իրավական հանձնաժողովի նախագահը,- հակառակ դեպքում նա բաց կթողնի բողոքարկման հնարավորությունը»:

Հանդիպման ընթացքում բանախոսները պարզաբանեցին համալսարանի ներսում կատարվող տեղափոխությունների գործընթացը, ժամկետները, գրավոր և բանավոր քննությունների գնահատականների բողոքարկման առանձնահատկությունները և ընթացակարգը, ներկայացրին նաև  լուծարքային շրջանի մանրամասներն ու պատասխանեցին ուսանողներին հուզող հարցերին։

Մեզ հետ զրույցում Կ. Հարությունյանը նշեց, որ նմանաբնույթ միջոցառումների հիմնական նպատակն է իրազեկել ուսանողներին սեփական իրավունքների և պարտականությունների մասին, քանի որ իրազեկված լինել նշանակում է նաև պաշտպանված լինել:

«Ներկայացնելով ուսանողներին անհրաժեշտ տեղեկատվություն՝ մենք նրանց հնարավորինս փորձում ենք հեռու պահել հնարավոր թյուրիմացություններից,- նշեց Կարոլինա Հարությունյանը,- շատ հաճախ ուսանողը խնդրի առջև է կանգնում հենց չիմացության հետևանքով»:

 

 

Այլ նորություններ
«ՆԱԽԱՐԱՐՈՒԹՅՈՒՆԸ ՍԴ ՈՐՈՇՈՒՄԸ ԿԸՆԴՈՒՆԻ Ի ԳԻՏՈՒԹՅՈՒՆ՝ ՎԵՐԱՁԵՎԱԿԵՐՊԵԼՈՎ ՀԱԿԱՍԱՀՄԱՆԱԴՐԱԿԱՆ ԴՐՈՒՅԹՆԵՐԸ». ԿԳՄՍ ՆԱԽԱՐԱՐ
ԵՊՀ-ում այսօր տեղի ունեցած հանդիպումից հետո ԿԳՄՍ նախարար Վահրամ Դումանյանը պատասխանեց լրագրողների հարցերին։
«ԱՆԵԼՈՒ ԵՄ ԱՄԵՆ ԻՆՉ, ՈՐՊԵՍԶԻ ԲՈՒՀԻ ՄԹՆՈԼՈՐՏԸ ՓՈԽՎԻ». ԵՊՀ ՌԵԿՏՈՐԻ ՆՈՐ ԺԱՄԱՆԱԿԱՎՈՐ ՊԱՇՏՈՆԱԿԱՏԱՐ
ԵՊՀ գիտական խորհրդի նիստերի դահլիճում այսoր ՀՀ ԿԳՄՍ նախարար Վահրամ Դումանյանը համալսարանականներին ներկայացրեց ԵՊՀ ռեկտորի նոր ժ.պ. Հովհաննես Հովհաննիսյանին: