26.01.2007 | 
Հասարակություն
ՆՇՈՒՄ ԵՆՔ ԲԱՆԱԿԻ 15-ԱՄՅԱԿԸ
ՆՇՈՒՄ ԵՆՔ ԲԱՆԱԿԻ 15-ԱՄՅԱԿԸ
«1992 թ-ի հունվարի 28-ին Հայաստանի կառավարությունը ընդունեց «ՀՀ պաշտպանության նախարարության մասին» հիրավի պատմական որոշումը»,-իր ելույթում նշեց ՀՀ պաշտպանության նախարարի առաջին տեղակալ, գեներալ-գնդապետ Միքայել Հարությունյանը:

Հունվարի 26-ին Երեւանի պետական համալսարանում տեղի ունեցավ հանրապետական գիտաժողով` նվիրված Հայոց ազգային բանակի կազմավորման 15-ամյակին:

ԵՊՀ-ի եւ ՀՀ ՊՆ ռազմական ինստիտուտի կողմից կազմակերպված գիտաժողովի հանդիսավոր բացման նիստը մեկնարկեց ԵՊՀ գիտական խորհրդի նիստերի դահլիճում:

«Սա սոսկ գիտական կամ գիտապրակտիկ նպատակներ հետապնդող գիտաժողով չէ, ու թեպետ այն մեր բանակի կազմավորման տարելիցին նվիրված միջոցառումների մի մասն է միայն, մենք կազմակերպիչներով որոշեցինք գիտաժողովը դարձնել ամենամյա միջոցառում, եւ վստահ ենք, որ մասնակիցների թիվը տարեցտարի կավելանա»,- գիտաժողովի բացման խոսքում նշեց ԵՊՀ ռեկտոր, պրոֆեսոր Արամ Սիմոնյանը:

Ընդմիջումից հետո, որի ընթացքում ցուցադրվեց «Տիգրան Մեծ. Հայրենապաշտ տիրակալ» կինոնկարը, գիտաժողովի մասնակիցները բաժանվեցին երկու` ռազմական պատմության եւ բանակաշինության մասնախմբերի: Եթե առաջին մասնախումբը ելույթների միջոցով ներկայացնումն էր, թե ինչպիսի զինված ուժեր է ունեցել Հայաստանը պատմական տարբեր ժամանակաշրջաններում, ապա բանակշինության մասնախմբի խնդիրն էր ներկայացնել հայկական ռազմավարությունը, ՀՀ եվ ԼՂՀ զինված ուժերի կառուցվածքն ու խնդիրները:

«Խիստ կարեւորում եմ նման նախաձեռնությունները, որովհետեւ հենց այս կարգի գիտաժողովներում են, որ հնչում են բազմաթիվ դիտարկումներ ու առաջարկություններ, որոնց հիման վրա հետագայում բանակում նորանոր բարեփոխումներ են իրականացվում»,- նշեց ՀՀ ՊՆ ռազմական ինստիտուտի կուրսանտական վարիչների հրամանատար, կապիտան Բագրատ Մելիքյանը:

Հանրապետական գիտաժողովն ավարտվեց եզրափակիչ լիագումար նիստով:

Նշենք նաեւ, որ գիտաժողովի հանդիսավոր բացման նիստից առաջ մասնակիցները այցելել էին Եռաբլուր պանթեոն, ապա մասնակցել ԵՊՀ գրադարանի ճեմասրահում կազմակերպված հայոց բանակին նվիրված գրքերի ցուցահանդեսին:

Այլ նորություններ
ԵՊՀ ՄԻԱԿ ԿԻՆ ԱԿԱԴԵՄԻԿՈՍԸ 90 ՏԱՐԵԿԱՆ Է
Այսօր լրանում է Հայաստանի գիտության վաստակավոր գործիչ, ՀՀ ԳԱԱ ակադեմիկոս, կենս. գիտ. դոկտոր, պրոֆեսոր, ԵՊՀ կենսաբանության ֆակուլտետի բուսաբանության ամբիոնի պատվավոր վարիչ Լիա Օսիպյանի ծննդյան 90-ամյակը:
«ԵՍ ԻՆՁ ԵՐՋԱՆԻԿ ԵՄ ՀԱՄԱՐՈՒՄ ՆՄԱՆ ԽԵԼԱՑԻ, ՍԹԱՓ ՄՏԱԾՈՂ ՈՒ ՏՐԱՄԱԲԱՆՈՂ, ԾԱՅՐԱՀԵՂ ՀՈԳԱԾՈՒ ԿԻՆ ՈՒՆԵՆԱԼՈՒ ՀԱՄԱՐ». ՀԱՄԱԼՍԱՐԱՆԱԿԱՆ ՊԱՏՄՈՒԹՅՈՒՆՆԵՐ. ԱԼԲԵՐՏ ՄԱԿԱՐՅԱՆ, ՀԱՅԿԱՆՈՒՇ ՇԱՐՈՒՐՅԱՆ
ԵՊՀ հայ բանասիրության ֆակուլտետի ակադեմիկոս Հրանտ Թամրազյանի անվան հայ գրականության պատմության ամբիոնի պրոֆեսոր Ալբերտ Մակարյանի ու կնոջ՝ Եվրոպական լեզուների և հաղորդակցության ֆակուլտետի անգլերենի N 2 ամբիոնի դոցենտ Հայկանուշ Շարուրյանի հանդիպման ճակատագրական վայրը եղել է ԵՊՀ-ն: