19.12.2008 | 
Ուսանողական, Քաղաքականություն, Հասարակություն
ՎԱՀԻԴ ԱԴ-ԴԻՆ ՋԱԼԱԼԸ ԿՐԿԻՆ ԵՊՀ-ՈւՄ
ՎԱՀԻԴ ԱԴ-ԴԻՆ ՋԱԼԱԼԸ ԿՐԿԻՆ ԵՊՀ-ՈւՄ
ԵՊՀ արեւելագիտության ֆակուլտետի արաբագիտության բաժինն այսօր արաբախոս հյուր ուներ:

Արաբագիտության ամբիոնի ուսանողներն ու պրոֆեսորադասախոսական կազմը հյուրընկալել էր ՀՀ-ում Եգիպտոսի Արաբական Հանրապետության արտակարգ եւ լիազոր դեսպան Վահիդ ադ-դին Իսմայիլ Ջալալին: Հանդիպումն անցացվում էր Եգիպտոսի «նվիրած» Մուբարակի անվան լսարանում եւ բացառապես արաբերեն լեզվով:

 

Հանդիպման սկզբում միայն հյուրին հայերենով ողջունեց Արեւելագիտության ֆակուլտետի դեկանը: «Համալսարանը շատ երկրների հետ է համագործակցում, սակայն Եգիպտոսի հետ բարեկամությունը մեր ֆակուլտետի համար առանձնահատուկ կարեւորություն ունի: Համալսարանի բարեկամներից քչերն են իրենց երկրում սեփական ծախսերով մեր ուսանողներին ուսանելու եւ դասախոսներին վերապատրաստվելու հնարավորություն տալիս:

 

Եգիպտոսը այդ քչերից մեկն է»,- ողջունի խոսքում նշեց ԵՊՀ արեւելագիտության ֆակուլտետի դեկան Գուրգեն Մելիքյանը: Դեսպանին ողջունեցին եւ հայ-եգիպտական հարաբերությունների մասին խոսեցին ֆակուլտետի արաբագիտության ամբիոնի դասախոսները, իսկ ուսանողներից մի քանիսն ասմունքեցին արաբերենով:

 

Արաբագիտության ամբիոնի ուսանող Մանուշակ Բաբայանը նշում է, որ այլ զգացողություն ես ունես, երբ քո արաբերեն խոսքը լսում է մեկը, ով ոչ միայն խոսում, այլեւ մտածում է արաբերեն: «Արաբի հետ խոսելիս պետք է հաշվի առնել նաեւ նրա մտածելակերպը, կրոնը, իսկ արաբախոս դասախոսների հետ շփվելիս նման նրբություններ հաշվի չես առնում»: Դեսպանի խոսքից հետո ուսանողները հնարավորություն ստացան հարցեր ուղղելու նրան:

 

Գուրգեն Մելիքյանը տեղեկացրեց, որ դեսպանի հետ հանդիպումը շարունակություն կունենա. դեսպանին սպասում են նաեւ գարնանը: Վերջում Գուրգեն Մելիքյանը ֆակուլտետի անունից Վահիդ ադ-դին Իսմայիլ Ջալալին նվիրեց 34 հազար հանգույց ունեցող արցախյան զարդանախշ: Ֆակուլտետի դեկանը նշեց, որ տարեկան հինգ ուսանող եւ նույնքան դասախոս հնարավորություն են ստանում սովորելու եւ վերապատրաստվելու Եգիպտոսում:

 

Պայմանավորվածության համաձայն` մասնակիցների թիվը առաջիկայում կավելանա: Գուրգեն Մելիքյանը կարեւորում է նման հանդիպումները` համարելով դրանք ամենաարդյունավետ միջոցներից մեկը տվյալ լեզվի եւ մշակույթի ուսումնասիրության համար:

Այլ նորություններ
ՀԱՅՏՆԻ Է 2019-2020 ՈՒՍՏԱՐՎԱ ԵՐԿՐՈՐԴ ԿԻՍԱՄՅԱԿԻ ՈՒՍՈՒՄՆԱԿԱՆ ԳՈՐԾԸՆԹԱՑԻ ԿԱԶՄԱԿԵՐՊՄԱՆ ԺԱՄԱՆԱԿԱՑՈՒՅՑԸ
2019-2020 ուստարվա 2-րդ կիսամյակի առկա ուսուցման ուսումնական պարապմունքները սկսվելու են փետրվարի 10-ից:
ՌԳԱ ԵՎՐՈՊԱՅԻ ԻՆՍՏԻՏՈՒՏԻ ՏՆՕՐԵՆ ԱԼԵՔՍԵՅ ԳՐՈՄԻԿՈՆ ՎԱՐՊԵՏՈՒԹՅԱՆ ԴԱՍ ԱՆՑԿԱՑՐԵՑ ԵՊՀ-ՈՒՄ
ԵՊՀ-ում այսօր հյուրընկալվել էր Անդրեյ Գրոմիկոյի անվան արտաքին քաղաքական հետազոտությունների ասոցիացիայի նախագահ, Ռուսաստանի գիտությունների ակադեմիայի թղթակից անդամ, քաղաքագիտության դոկտոր, պրոֆեսոր, ՌԳԱ Եվրոպայի ինստիտուտի տնօրեն Ալեքսեյ Գրոմիկոն: