13.05.2009 | 
Ուսանողական, Գիտություն
ԵՐԲ ՓՈԽՎՈՒՄ ԵՆ ՏԱՐԱԾԱՇՐՋԱՆԱՅԻՆ ՇԱՀԵՐԸ…
ԵՐԲ ՓՈԽՎՈՒՄ ԵՆ ՏԱՐԱԾԱՇՐՋԱՆԱՅԻՆ ՇԱՀԵՐԸ…
Ապագա դիվանագետները քննարկում էին վերջին մեկ տարվա ընթացքում մեր տարածաշրջանում գրանցված աշխարհաքաղաքական զարգացումները:

Մայիսի 13-ին ԵՊՀ միջազգային հարաբերությունների ֆակուլտետի ուսանողների հյուրը Կովկասյան ինստիտուտի տնօրենի տեղակալ Սերգեյ Մինասյանն էր: Կլոր սեղանը կազմակերպվել էր ՈՒԳԸ-ն` ԵՊՀ հիմնադրման 90-ամյակին նվիրված հոբելյանական նստաշրջանի շրջանակներում: «Թեմայի ընտրությունը կարեւորվում է ու պայմանավորված է այն բանով, որ մենք ապրում ենք այս տարածաշրջանում, ու այստեղի խնդիրներն ավելի շատ մեզ են հետաքրքրում:

 

Երկրորդ` վերջին մեկ տարվա ընթացքում այնպիսի փոփոխություններ են տեղի ունեցել, որոնք գլխիվայր են շրջել քաղաքական իրավիճակը: Դրա համար կարիք կա վերագնահատելու իրականությունը, իրերին այլ հայացքով նայելու: Կան կարծրատիպեր, որոնք այսօր արդեն չեն գործում»,- ասում է ՈՒԳԸ փոխնախագահ Գրիգոր Գրիգորյանը: Բանախոսը մասնավորապես անդրադարձավ հայ-թուրքական, հայ- ադրբեջանական հարաբերություններին, ինչպես նաեւ Հարավային Կովկասի` համաշխարհային քաղաքականության մեջ ունեցած տեղին ու դերին:

 

Վերոնշյալ փոփոխությունները պարոն Մինասյանը ներկայացրեց Ռուս- վրացական պատերազմի համատեքստում: «Քաղաքական վերջին զարգացումները, օրինակ, ցույց տվեցին, որ հայ-ադրբեջանական զինված բախումը բացառվում է` պայմանավորված այն բանով, որ Ադրբեջանը, Վրաստանի «դառը փորձը» հաշվի առնելով, չի փորձի պատերազմ սանձազերծել: Պետք է հաշվի առնել նաեւ այն, որ նավթի գինը ամբողջ աշխարհում անկում է ապրում:

 

Իսկ Ադրբեջանի բյուջեն ձեւավորվում է հիմնականում նավթի հաշվին»,- ասում է Սերգեյ Մինասյանը: Մոտ երկու ժամ տեւած հանդիպման ընթացքում հնչեցին բազմաթիվ կարծիքներ, հարցեր, եղավ քննարկում: Պարոն Մինասյանը նշեց, որ հաճելիորեն զարմացած է ուսանողների վերլուծական մտքի ու կարողությունների վրա: Վերջում էլ ավելացրեց, որ եթե մենք ունենալու ենք այսպիսի դիվանագետներ, ապա մեր ապագան խոստանում է բավական լուսավոր լինել:

Այլ նորություններ
ԵՊՀ ԴՈՑԵՆՏ ՀԱԿՈԲ ՀԱՐՈՒԹՅՈՒՆՅԱՆԻ ՀԵՐԹԱԿԱՆ ՀՈԴՎԱԾԸ «ՆՅՈՒԹԵՐ ՀԻՆ ԵՎ ՄԻՋՆԱԴԱՐՅԱՆ ՄԵՐՁՍԵՎԾՈՎՅԱՆ ՀՆԱԳԻՏՈՒԹՅԱՆ ԵՎ ՊԱՏՄՈՒԹՅԱՆ ՎԵՐԱԲԵՐՅԱԼ» ԳԻՏԱԿԱՆ ՀԱՆԴԵՍՈՒՄ
Երևանի պետական համալսարանի համաշխարհային պատմության ամբիոնի դոցենտ, պ.գ.դ. Հակոբ Հարությունյանն իր հերթական հոդվածն է հրատարակել «Նյութեր հին և միջնադարյան մերձսևծովյան հնագիտության և պատմության վերաբերյալ» հայտնի գիտական հանդեսի հերթական համարում:
ԵՊՀ ՈՒԳԸ-Ն ԱՐՏԱԿԱՐԳ ԴՐՈՒԹՅԱՆ ՊԱՅՄԱՆՆԵՐՈՒՄ ՇԱՐՈՒՆԱԿՈՒՄ Է ԻՐ ԱՇԽԱՏԱՆՔՆԵՐԸ
Աշխարհում նոր տիպի կորոնավիրուսի տարածման և ՀՀ կառավարության կողմից արտակարգ դրություն հայտարարելու մասին որոշում կայացնելու առաջին իսկ օրերից ԵՊՀ ՈՒԳԸ-ն շարունակում է իրականացնել իր աշխատանքները: Մեզ հետ զրույցում ՈՒԳԸ նախագահ Մերի Փանոսյանը պատմել է, թե ինչ մեթոդներ և միջոցներ են կիրառել՝ այս ընթացքում արդյունավետ միջոցառումներ կազմակերպելու համար: