06.07.2021 | 
Հասարակություն
ԵՊՀ-Ն ՀՅՈՒՐԸՆԿԱԼԵԼ Է ՀԱՅՏՆԻ ՀՈԳԵԲԱՆ ՄԱՐԻԱՄ ՎԱՆՈՒՆՑԻՆ
ԵՊՀ-Ն ՀՅՈՒՐԸՆԿԱԼԵԼ Է ՀԱՅՏՆԻ ՀՈԳԵԲԱՆ ՄԱՐԻԱՄ ՎԱՆՈՒՆՑԻՆ
ԵՊՀ փիլիսոփայության և հոգեբանության ֆակուլտետն այսօր հյուրընկալել էր հոգեբանության դոկտոր Մարիամ Վանունցին:

Մարիամ Վանունցն ուսանել է ԱՄՆ-ում, ստացել է մագիստրոսի, իսկ այնուհետև դոկտորի աստիճան՝ մասնագիտանալով կլինիկական հոգեբանության բնագավառում։ Ունի երկար տարիների աշխատանքի փորձ հոգեկան առողջության ոլորտում։

 

2005 թվականից իրականացնում է մասնավոր պրակտիկա անհատների և զույգերի հետ։

 

Մեզ հետ զրույցում ԵՊՀ անձի հոգեբանության ամբիոնի վարիչ Նարինե Խաչատրյանը պատմեց, որ այս հանդիպումը կազմակերպելու գաղափարն առաջացել է Արցախյան երկրորդ պատերազմից հետո, երբ զինվորների հետ հիվանդանոցում աշխատելիս ծանոթացել են Մարիամ Վանունցի հետ:

 

 

«Մենք շատ հավանեցինք այն մեթոդները, որոնցով Մարիամ Վանունցն աշխատում էր զինվորների հետ, և որոշեցինք հնարավորության դեպքում հանդիպում կազմակերպել, որպեսզի նրա գիտելիքներն օգտակար լինեն նաև մեր ուսանողների ու մասնագետների համար»,- ասաց Նարինե Խաչատրյանը:

 

Մարիամ Վանունցը սիրով համաձայնել է հանդիպումների շարք ունենալ դասախոսների, ուսանողների, ինչպես նաև հոգեբան մասնագետների համար, որոնք հետաքրքրված են հոգետրավմատիկ փորձառության և մասնագիտական միջամտության հարցերով։

 

Հանդիպման ընթացքում բանախոսն անդրադարձավ հոգետրավմայի հասկացման թերապևտիկ միջամտություններին, տրավմայի հետ աշխատելու առանձնահատկություններին, ինչպես նաև հոգետրավմայի հետ աշխատանքում ռեսուրսների ապահովման խնդրին:

 

Հիշեցնենք, որ հանդիպումների շարքը տևելու է երեք օր:

 

Անի Պողոսյան

Այլ նորություններ
ԱՊԱԳԱՆ ՀՈԳԵԲԱՆՈՒԹՅԱՆՆ Է. ԴԱՍԱԽՈՍՈՒԹՅՈՒՆ ԵՊՀ ՓԻԼԻՍՈՓԱՅՈՒԹՅԱՆ ԵՎ ՀՈԳԵԲԱՆՈՒԹՅԱՆ ՖԱԿՈՒԼՏԵՏՈՒՄ
ԵՊՀ փիլիսոփայության և հոգեբանության ֆակուլտետում այսօր տեղի է ունեցել «Կիրառական գիտելիքներ և հմտություններ զարգացման հոգեբանության բնագավառում» թեմայով դասախոսություն, որը վարում էր ԱՄՆ-ից ժամանած լիցենզավորված կլինիկական հոգեբան, Բրաունի համալսարանի դոկտոր Անահիտ Ազարյանը:
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՀԱՅՏԱՐԱՐՈՒԹՅՈՒՆԸ ԱՆ ԹԻՎ 65-Ն ՀՐԱՄԱՆԻ ՎԵՐԱԲԵՐՅԱԼ
ԵՊՀ իրավագիտության ֆակուլտետը հայտարարություն է տարածել Առողջապահության նախարարի՝ 2021 թ. օգոստոսի 20-ի «Հայաստանի Հանրապետության առողջապահության նախարարի 2020 թվականի օգոստոսի 4-ի թիվ 17-ն և 2020 թվականի սեպտեմբերի 18-ի թիվ 24-ն հրամաններում փոփոխություններ և լրացումներ կատարելու մասին» թիվ 65-Ն հրամանի սահմանադրականության վերաբերյալ: