01.11.2018 | 
Հասարակություն
«ՀՈԳԵԲԱՆՆԵՐԻ ՀԵՏ՝ ՀՈԳԵԲԱՆՈՒԹՅԱՆ ՄԱՍԻՆ» ՀԱՂՈՐԴՄԱՆ ՀԵՂԻՆԱԿԸ ԵՊՀ ԴԱՍԱԽՈՍ ՆԵԼԼԻ ՀԱՐՈՅԱՆՆ Է
«ՀՈԳԵԲԱՆՆԵՐԻ ՀԵՏ՝ ՀՈԳԵԲԱՆՈՒԹՅԱՆ ՄԱՍԻՆ» ՀԱՂՈՐԴՄԱՆ ՀԵՂԻՆԱԿԸ ԵՊՀ ԴԱՍԱԽՈՍ ՆԵԼԼԻ ՀԱՐՈՅԱՆՆ Է
ԵՊՀ փիլիսոփայության և հոգեբանության ֆակուլտետի սոցիալական և կլինիկական հոգեբանության ամբիոնի դոցենտ, հոգեբանական գիտությունների թեկնածու Նելլի Հարոյանը նախաձեռնել է «Հոգեբանների հետ՝ հոգեբանության մասին» հաղորդումը:

- Ինչպե՞ս ծնվեց հաղորդում սկսելու գաղափարը:

- Տարիներ շարունակ մտածում էի այդ ուղղությամբ: Նայելով այդ ձևաչափի շրջանակում արդեն առկա հաղորդումները՝ միշտ ինձ թվում էր, որ հաճախ շատ հարցեր անպատասխան են մնում: Ես ցանկանում էի ստեղծել մի հաղորդում, որը հնարավորություն կտար մասնագիտական քննարկումներ ծավալելու: «Հոգեբանների հետ՝ հոգեբանության մասին» հաղորդման գլխավոր նպատակն է անդրադառնալ հասարակությանը հուզող հարցերին, դրանք ներկայացնել գիտահանրամատչելի տարբերակով:

2017 թվականի նոյեմբեր-դեկտեմբեր ամիսներին իմ գաղափարի մասին խոսեցի «ԱՅԳ» հոգեբանական ծառայությունների կենտրոնի տնօրենի հետ: Առաջին չորս հաղորդումը իրականացրեցինք «ԱՅԳ» հոգեբանական ծառայությունների կենտրոնի հետ համատեղ: Հետագայում ես շարունակեցի ինքնուրույն կազմակերպել մյուս հաղորդումները:

- Ի՞նչ դժվարություններ են առաջանում հաղորդման ընթացքում:

- Այժմ ես ինքնուրույն եմ կազմակերպում հաղորդումները, իսկ դժվարությունները հիմնականում կապված են դրա հետ: Այս պատճառով հաղորդումը հեռարձակվում է ամիսը մեկ կամ երկու անգամ:

- Ի՞նչ ձևաչափով են հաղորդումները:

-Ես «Հոգեբանների հետ՝ հոգեբանության մասին» հաղորդման հաղորդավարն եմ: Ընտրում եմ թեման, ուսումնասիրում այն, հրավիրում մասնագետների: Հիմնականում հակված եմ հրավիրելու այն մասնագետներին, որոնք պրակտիկ աշխատանքի փորձ ունեն: Հյուրերը թե՛ ԵՊՀ դասախոսներ են, թե՛ պրակտիկ դաշտում գործող հոգեբաններ:

- Ինչպիսի՞ համագործակցություններ եք նախատեսում հետագայում:

- Նախատեսում եմ համագործակցել նաև արտասահմանյան մեր գործընկերների հետ, հաղորդումները նկարահանել նաև ռուսերենով և անգլերենով:
Արտասահմանում ապրող մեր հայրենակիցները մեծ հետաքրքրություն են ցուցաբերում հաղորդման նկատմամբ, հաճախ դիմում են մեզ այն այլ լեզուներով ևս կազմակերպելու համար:

Այժմ ունենք մեկ ռուսերենով հաղորդում, որը նկարահանել ենք Սոցիալական և կլինիկական հոգեբանության ամբիոնի վարիչ Գայանե Շահվերդյանի հետ:

- Ինչպե՞ս են ընտրվում հաղորդման թեմաները:

- Թեմաների ընտրության հարցում հիմնականում ուշադրություն ենք դարձնում այն հարցերին, որոնք այդ պահին հուզում են հասարակությանը: Մարդիկ հաճախ գրում են մեզ, դիմում են այս կամ այն հարցով, կամ ինքս ականատես եմ լինում տարբեր երևույթների, որոնք արդիական եմ համարում և անդրադառնում եմ դրանց հաղորդման ընթացքում:

- Ինչպիսի՞ն է ուսանողների արձագանքը:

- Ուսանողները մեր հաղորդման լսարանի մասն են կազմում: Դասի ժամանակ քննարկված թեմաները հաճախ համընկնում են հաղորդման թեմաներին, ուսանողներն էլ մեծ սիրով դիտում են, քանի որ բանախոսներն իրենց դասախոսներն են: Հաղորդումը նրանց համար դառնում է նյութի ուսումնասիրման լրացուցիչ աղբյուր:



Մարի Ռաֆյան

 

Այլ նորություններ
«ՀԱՐԳԵԼՈՎ ԶՈՀԵՐԻ ՀԻՇԱՏԱԿԸ՝ ԹՈՒՅԼ ՉԵՆՔ ՏԱԼԻՍ ՈՂԲԵՐԳՈՒԹՅԱՆ ԿՐԿՆՈՒԹՅՈՒՆ»․ ՀԱՄԱԼՍԱՐԱՆԱԿԱՆՆԵՐԻ ՀԱՐԳԱՆՔԻ ՏՈՒՐՔԸ ՄԵԾ ԵՂԵՌՆԻ ԶՈՀԵՐԻ ՀԻՇԱՏԱԿԻՆ
Երևանի պետական համալսարանի ուսանողներն ու պրոֆեսորադասախոսական կազմի ներկայացուցիչներն այսօր բարձրացան Ծիծեռնակաբերդ ու անմար կրակի մոտ իրենց հարգանքի տուրքը մատուցեցին Մեծ եղեռնի զոհերի հիշատակին։
ՑԵՂԱՍՊԱՆՈՒԹՅՈՒՆ ՎԵՐԱՊՐԱԾՆԵՐԸ. ԴՈԼՈՐԵՆՍ ԶՈՀՐԱՊ-ԼԻԲՄԱՆ, ԳԱՌՆԻԿ ՍՏԵՓԱՆՅԱՆ, ԱՇԽԵՆ ՏԻԳՐԱՆՅԱՆ
Որքան էլ Հայոց ցեղասպանության թեման բազմիցս արծարծված լինի, միևնույն է, այն շարունակում է մնալ արդիական: Ցեղասպանության մնացորդները սպիի նման խրված են մնում վերապրածների և հաջորդող սերունդների հիշողության ծալքերում: