11.02.2019 | 
Հասարակություն
ԻՆՉՊԵՍ ՎԵՐԱՑՆԵԼ ԱՆՀԱՆԳՍՏՈՒԹՅՈՒՆԸ ԵՎ ՀԱՍԿԱՆԱԼ ԻՆՔԴ ՔԵԶ. ԶԻԳՄՈՒՆԴ ՖՐՈՅԴԻ 18 ԽՈՐՀՈՒՐԴՆԵՐԸ
ԻՆՉՊԵՍ ՎԵՐԱՑՆԵԼ ԱՆՀԱՆԳՍՏՈՒԹՅՈՒՆԸ ԵՎ ՀԱՍԿԱՆԱԼ ԻՆՔԴ ՔԵԶ. ԶԻԳՄՈՒՆԴ ՖՐՈՅԴԻ 18 ԽՈՐՀՈՒՐԴՆԵՐԸ
Ավստրիացի հոգեբան, հոգեբույժ և նյարդաբան, հոգեվերլուծության հիմնադիր Զիգմունդ Ֆրոյդի 18 խորհուրդներն օգնում են վերացնել անհանգստությունը և հասկանալ ինքներս մեզ:

Այդ մասին հայտնում է lifedeeper.ru կայքը:


1. Մարդկային ոգու գաղտնիքն ամփոփված է մանկության հոգեբանական դրամայում:

Փորփրեք այդ դրաման, և ապաքինումը կլինի:

 

2. Միակ անձնավորությունը, որի հետ պետք է համեմատվեք, Դուք եք անցյալում: Եվ միակ մարդը, որից առավել պետք է լինեք, Դուք եք այսօր:

 

3. Դուք չեք դադարում ուժ և համարձակություն փնտրել արտաքին աշխարհում, մինչդեռ դրանք պետք է փնտրել Ձեր ներսում: Դրանք միշտ էլ այնտեղ են եղել:

 

4. Առանց կասկածի, տագնապի խնդիրը դառնում է բազմաթիվ կարևորագույն հարցերի գլխավոր պատճառը, տագնապի առեղծվածի լուծումը մարդու ողջ հոգեբանական աշխարհում լույսի շողի ներթափանցում է:

 

5.  Նևրոզը կողմնորոշվածության ցուցաբերման անկարողությունն է:

 

6. Սիրային հարաբերություններում չպետք է միմյանց խղճալ, քանի որ դա օտարացման պատճառ է դառնում: Եթե կան բարդություններ, դրանք պետք է հաղթահարել:

 

7. Դժբախտաբար, ճնշվածության զգացողությունները չեն մեռնում: Դրանց ստիպել են լռել: Եվ դրանք ներսից շարունակում են ազդել մարդու վրա:

 

8. Պատահական ոչինչ չկա, ամեն ինչ ունի իր պատճառահետևանքային կապը:

 

9. Երջանկություն կոչվածը, որպես այդպիսին, ստեղծվում է երկար ժամանակ զսպված կարիքների բավարարման արդյունքում:

 

10. Այն մարդուն, որը եղել է իր մոր անվիճելի սիրելին, ամբողջ կյանքի ընթացքում ուղեկցում են հաղթանակի զգացողությունն ու հաջողությունների հանդեպ վստահությունը, որոնք շատ հաճախ բերում են իրական հաջողության:

 

11. Երազները երբեք մանրուքներով չեն զբաղվում: Մենք թույլ չենք տալիս, որ վերջիններս մեզ անհանգստացնեն երազում:

 

12. Ընկճախտը քարացած վախն է:

 

13. Ճակատագիրը, որը կարողանում է որոշակի բավարարվածություն ստանալ անգամ բաց թողնված հնարավորությունից, ավելի լավ է բուժում, քան բժիշկը:

14. Համարձակ և ինքնավստահ է դառնում նա, ով համոզված է, որ իրեն սիրում են:

 

15. Մարդիկ ապրում են երևակայությամբ՝ ցանկանալով իրագործել իրենց երազանքները:

Ուժեղ անհատը երազանքը դարձնում է իրականություն, իսկ թույլը շարունակում է ապրել երևակայությամբ:

Եվ այդ երևակայական ցանկությունները դառնում են տարբեր հիվանդությունների պատճառներ:

 

16. Լիովին անկեղծ լինել ինքդ քեզ հետ լավ վարժություն է:

 

17. Զբաղված մարդուն հազվադեպ են այցելում անգործ հյուրեր: Եռացող թասի վրա ճանճեր չեն հավաքվում:

 

18. Միայն մանկության երազանքների իրագործումը կպարգևի երջանկություն:

 

Անգին Խաչատրյան

Այլ նորություններ
ՀԱՄԱԼՍԱՐԱՆԱԿԱՆՆԵՐԸ ՆՇԵՑԻՆ ՀԱՅԱՍՏԱՆԻ ԱԶԳԱՅԻՆ ՀԵՐՈՍ, ԵՊՀ ԶՈՀՎԱԾ ՈՒՍԱՆՈՂ-ԱԶԱՏԱՄԱՐՏԻԿ ԹԱԹՈՒԼ ԿՐՊԵՅԱՆԻ ԾՆՆԴՅԱՆ                  54-ԱՄՅԱԿԸ
ԵՊՀ «Վարդանանք» ռազմահայրենասիրական դաստիարակության ակումբն ապրիլի 21-ին այցելեց Արագածոտնի մարզի Թաթուլ գյուղ՝ նշելու Հայաստանի Ազգային հերոս, ԵՊՀ զոհված ուսանող-ազատամարտիկ Թաթուլ Կրպեյանի ծննդյան 54-ամյակը:
«ԱՅՍՕՐ ԱՄԵՆ ԻՆՉ ՊԵՏՔ Է ԱՆԵՆՔ, ՈՐ ԱՐԵՎԱՅԻՆ ԷՆԵՐԳԵՏԻԿԱՆ ՀԱՅԱՍՏԱՆՈՒՄ ԶԱՐԳԱՆԱ». ՀԱՅ-ՌՈՒՍԱԿԱՆ ՀԱՄԱԼՍԱՐԱՆԻ ԴՈՑԵՆՏ ՎԼԱԴԻՄԻՐ ԳԵՎՈՐԳՅԱՆ
ԵՊՀ ռադիոֆիզիկայի, ֆիզիկայի ու տնտեսագիտության և կառավարման ֆակուլտետների ուսանողներն այսօր այցելեցին Հայ-ռուսական (Սլավոնական) համալսարան: