PR ՄԱՍՆԱԳԵՏԸ ՊԵՏՔ Է ՏԱՐԲԵՐՎԻ ԻՐ ՄՏԱԾՈՂՈՒԹՅԱՄԲ ԵՎ ԳՈՐԾԵԼԱՈՃՈՎ. ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏՈՒՄ ՅՈՒՐՕՐԻՆԱԿ ՔՆՆՈՒԹՅՈՒՆ ԷՐ
12.06.19
PR ՄԱՍՆԱԳԵՏԸ ՊԵՏՔ Է ՏԱՐԲԵՐՎԻ ԻՐ ՄՏԱԾՈՂՈՒԹՅԱՄԲ ԵՎ ԳՈՐԾԵԼԱՈՃՈՎ. ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏՈՒՄ ՅՈՒՐՕՐԻՆԱԿ ՔՆՆՈՒԹՅՈՒՆ ԷՐ
ԵՊՀ ժուռնալիստիկայի ֆակուլտետի «Հասարակայնության հետ կապեր և հաղորդակցային տեխնոլոգիաներ» մագիստրոսական ծրագրի առաջին կուրսի ուսանողներն այսօր յուրօրինակ քննությամբ են ամփոփել ուսումնական տարին:

Ուսանողները, օգտվելով ժամանակակից տեխնոլոգիաների ընձեռած հնարավորություններից, ներկայացրին «Հասարակայնության հետ կապեր և հաղորդակցային տեխնոլոգիաներ» մագիստրոսական ծրագրի PR արշավի սեփական տարբերակները:

Քննությանը ներկա էր նաև ԵՊՀ ժուռնալիստիկայի ֆակուլտետի դեկան Նաղաշ Մարտիրոսյանը:

«Հասարակայնության հետ կապեր և հաղորդակցային տեխնոլոգիաներ» մագիստրոսական ծրագրի ղեկավար, ԵՊՀ դոցենտ, բան. գիտ. թեկնածու Աստղիկ Ավետիսյանը կարևորեց հատկապես այն, որ քննության համար ուսանողները կատարել էին ծավալուն հետազոտական աշխատանք:

Մեզ հետ զրույցում Աստղիկ Ավետիսյանը նշեց, որ այս մագիստրոսական ծրագիրը հնարավորություն է տալիս մեկտեղելու ուղերձների ձևակերպումը և ստեղծագործ մոտեցումները:

 

«Այն դիմորդները, որոնք ընտրում են մեր մագիստրոսական ծրագիրը, ունեն մեկ կարևոր ակնկալիք՝ աշխատաշուկայում դառնալ մրցունակ»,- շեշտեց Աստղիկ Ավետիսյանը:

Նրա խոսքով PR ռազմավարությունը մշակելիս կարող են գործիք դառնալ գիտելիքները բոլոր մասնագիտություններից:

«PR մասնագետը պետք է տարբերվի իր մտածողությամբ և գործելաոճով և ինչքան հետաքրքիր հնարքներ կիրառի իր աշխատանքում, այնքան բովանդակահեն ուշադրություն կհրավիրի իր աշխատանքին»,- նշեց Աստղիկ Ավետիսյանը:

Որպես մագիստրոսական ծրագրի վերջնարդյունք՝ ուսանողը տիրապետում է PR մասնագետի հմտություններին և կատարում է իր վստահ քայլերն աշխատաշուկայում:

Աստղիկ Ավետիսյանը հավելեց նաև, որ դեռևս անցած տարվա կատարած ուսումնասիրությունները ցույց են տվել, որ «Հասարակայնության հետ կապեր և հաղորդակցային տեխնոլոգիաներ» մագիստրոսական ծրագիրն ավարտած ուսանողների մոտ 80 տոկոսը ծավալում է մասնագիտական գործունեություն:

«Մագիստրոսական ծրագրի շրջանակում այս տարի ևս հրավիրյալ դասախոսների այնպիսի ցանկ ենք ձևավորել, որոնք, չնայած իրենց գերզբաղվածությանը, համաձայնել են իրենց մասնագիտական հմտություններն ու փորձը փոխանցել ուսանողներին»,- հավելեց Աստղիկ Ավետիսյանը:

 

Անի Պողոսյան

 

Կրթական որակի շարունակական բարելավման նպատակով ԵՊՀ-ն ցանկանում է պարզել, թե, ընդհանուր առմամբ, որքանով եք գոհ ձեր ուսումնասիրած դասընթացներից և այն կրթական ծրագրերից, որում ընդգրկված եք:

Կոնտակտներ

Կենտրոնի տնօրեն՝ Արմեն Բուդաղյան 

Հասցե՝ 
Ալեք Մանուկյան 1, ԵՊՀ կենտրոնական մասնաշենք, 402 սենյակ

 

Հեռ.՝ (+374 60) 710121,
11-21 (ներքին), quality_center@ysu.am