Մեր մասին
Աշխարհագրության և երկրաբանության ֆակուլտետ



Աշխարհագրության և երկրաբանության ֆակուլտետի ուսանողական խորհուրդ

 

ՈՒԽ նախագահ՝ Լեմզա Հունանյան (Աշխարհագրության և երկրաբանության ֆակուլտետ, 3-րդ կուրս
Ծնվել եմ 1999թ֊ի հունվարի 22֊ին Արմավիրի մարզի Մրգաշատ գյուղում 2005թ֊ին ընդունվել եմ Մ. Մաղաքյանի անվան միջնակարգ դպրոց։

2016թ֊ին ընդունվել եմ ԵՊՀ֊ի Աշխարհագրության և երկրաբանության ֆակուլտետ և նույն թվականից հանդիսացել ՈՒԽ մշակույթի հանձնաժողովի պատասխանատու և ՈՒԳԸ կամավոր։

2018թ֊ին ընտրվել եմ որպես ՈՒԽ պատվիրակ, ՈՒԽ անդամ այնուհետև ՈՒԽ նախագահ։

 
Կարգախոսը, որով առաջնորդվում եք
Երբեք չհանձնվել
Կյանքում գլխավոր նպատակը կամ երազանքը
Նպատակս է լինել այնպիսի մարդ, ով իր գործունեության մեջ կլինի բացառապես անկախ և որ այդ գործունեությունը լինի ի շահ հայրենիքիս և ընտանիքիս։ Իսկ երազանքս մի քիչ անիրական՝ հանդիպել այլմոլորակային։
Ուսանողական խորհրդում եմ, որովհետև...
Կառանձնացեմ ՈՒԽ֊ում լինելու 3 շրջան՝ եկել էի ՈՒԽ ժամանցի և աչքի ընկնելու համար, ՈՒԽ֊ում եմ ընկերներիս հետ լինելու և մի նոր բան ավել սովորելու համար, ՈՒԽ֊ում կլինեմ նոր ընկերներ ձեռք բերելու և ֆակուլտետս ծաղկեցնելու համար։

 

Ֆակուլտետի ՈւԽ անդամներն են.
Ավետիսյան Համազասպ
Գրիգորյան Սրբուհի
Նահապետյան Աստղիկ
Ստեփանյան Ստեփան
Դանիելյան Եվա
Մակարյան Նարեկ
Քամալյան Լիլիթ
Խլղաթյան Լիլիթ

Ֆակուլտետի ՈւԽ գործունեությունը

 ԵՊՀ աշխարհագրության և երկրաբանության ֆակուլտետը համարվում է ամենահին ֆակուլտետներից մեկը: Ուսանողները միշտ աչքի են ընկել իրենց ակտիվությամբ և նախաձեռնություններով,սակայն համակարգված աշխատանք կատարվել է միայն ուսանողական խորհրդի ստեղծումից հետո, որի նպատակն է եղել ուսանողներին ներգրավել ներհամալսարանական միջոցառումներին,պաշտպանել ուսանողի շահերը,դարձնել առօրյան ավելի հետաքրքիր և էլ ավելի մեծ թվով ուսանողներ ընդգրկել համալսարանի կառավարմանը: Այժմ կատարվում են մեծ ծավալի աշխատանքներ,որպեսզի ուսանողը ոչ միայն ստանա գիտելիք,այլև ակտիվ մասնակցություն ունենա մշակութային և հասարակական կյանքին:Ուսանողական խորհուրդը կազմակերպում է ավանդույթ դարձած արշավներ և իր ակտիվ մասնակցությունն է ցուցաբերում համալսարանում կազմակերպվող բոլոր միջոցառումներին :Խորհրդի ներսում առանձնացնվել են առանձին հանձնաժողովներ, որոնք համակարգում են տարվող աշխատանքները և հետևում, որ ուսանողները հնարավորինս իրազեկ լինեն տարվող աշխատանքներին:

Աշխարհագրության և երկրաբանության ֆակուլտետի ՈւԽ-ն ամեն նոր ուսումնական տարվա սկզբին կազմակերպում է  գիտաճանաչողական այցելություններ  Հայաստանի տեսարժան վայրեր, ինչը հնարավորություն է տալիս առաջին կուրսեցիներին հնարավորինս շուտ ինտեգրել համալսարանական կյանքին, ինչպես նաև կառուցել ընդհանուր  թիմային ոգի:

Ֆակուլտետի ուսանողական խորհուրդը իրականացնում է նաև այլ միջոցառումներ, ինչպես օրինակ՝  Ուսանողներին ներկայացվեցին մենենջմենթի գաղտնիքները , շախմատի մրցաշար  և այլն: