Մեր մասին
Արտաքին կապերի հանձնաժողով

Արտաքին կապերի հանձնաժողով

 

Հանձնաժողովի նախագահ՝ Սերգեյ Հովհաննիսյան (Միջազգային հարաբերությունների ֆակուլտետ, 4-րդ կուրս)

Ծնվել է 1997 թ.-ի մարտի 15-ին Երևանում

2003-2014թթ․-ին սովորել է Այնթապի Բյուզանդ և Մարի Մարգարյանների անվան թիվ 2-րդ  հիմնական դպրոցում
2014թ․-ին ընդունվել է Երևանի պետական համալսարանի միջազգային հարաբերությունների ֆակուլտետի միջազգային հարաբերություններ բաժին

2015-2017թթ. ծառայել է ՀՀ Զինված Ուժերում
2017 թ.-ից շարունակել եմ ուսումը: Այժմ 4-րդ կուրսի ուսանող է
2017 թ.-ից եղել է ՈՒԽ-ում
2018 թ.-ին ընտրվել եմ պատվիրակ
2019 թ.-ից ՈՒԽ արտաքին կապերի հանձնաժողովի նախագահն է

 

Կարգախոսը, որով առաջնորդվում է՝

Ամեն ինչ հանուն ուսանողի և Մայր բուհի:

 

Կյանքում գլխավոր նպատակը կամ երազանքը՝

Նախընտրում եմ չբարձրաձայնել դրանց մասին:

 

Ուսանողական խորհրդում եմ, որովհետև այստեղ կարելի է ուրախացնել և ուրախանալ, զարգանալ ու զարգացնել, սովորել ու սովորեցնել, անշահախնդիր օգնել և առանց օգնություն խնդրելու օգնություն ստանալ դիմացինից, այլ կերպ ասած, Ուսանողական խորհրդում եմ, որովհետև այստեղ կա փոխադարձ ջերմ ու ընկերական մթնոլորտ: Եվ, իհարկե, այս ամենից բացի՝ ունեմ ներքին մղում այլ ուսանողների ուսանողական կյանքը ավելի լավը դարձնել:

 

Հանձնաժողովի փոխնախագահ՝ Մանե Ծատուրյան

Հանձնաժողովի քարտուղար՝  Ելենա Ալթունյան

 

Հանձնաժողովի ակտիվ անդամներ՝

Անի Ավանեսյան

Սիլվարդ Թադևոսյան

Արփինե Հակոբյան

Անի Ավագյան

Իննա Պապյան

 

Հանձնաժողովի գործունեությունը՝

Երևանի պետական համալսարանի Ուսանողական խորհրդի  Արտաքին կապերի հանձնաժողովը Ուսանողական խորհրդի 9 հանձնաժողովներից մեկն է։ Հանձնաժողովի հիմնական գործառույթներից է ուսման և կրթության հետ կապված լավագույն ծրագրերի, միջոցառումների ու կրթաթոշակների մասին ուսանողներին տեղեկացնելը։

Յուրաքանչյուր ֆակուլտետ հանձնաժողովում ունի ֆակուլտետային պատասխանատու, ով ապահովում է ֆակուլտետ-հանձնաժողով կապը։ Հանձնաժողովն ակտիվորեն համագործակցում է մյուս հանձնաժողովների, ինչպես նաև ԵՊՀ-ում և ԵՊՀ-ից դուրս գտնվող  ուսանողական կառույցների հետ։

Հանձնաժողովի կողմից պարբերաբար կազմակերպվում են սեմինարներ և հանդիպումներ՝ ուսանողների շրջանում հետաքրքրություն ներկայացնող անձանց հետ։

Արտաքին կապերի հանձնաժողովի ամենամյա կազմակերպվող միջոցառումներն են՝

Հիմնադրամների վերաբերյալ էքսպոյի կազմակերպում, որի միջոցով ուսանողները ծանոթանում են այն բոլոր հիմնադրամներին, որոնց կարող են դիմել կրթաթոշակ կամ ուսման վարձի փոխհատուցում ստանալու համար։

«Միջազգային փորձի փոխանակում», որի ժամանակ ԵՊՀ-ի ուսանողները հանդիպում են մյուս այն ուսանողների հետ, ովքեր մասնակցել են տարբեր միջազգային փոխանակման ծրագրերի՝ ինչպես կրթական, այնպես էլ կամավորական, և  պատրաստ են կիսվել իրենց՝ արտերկրում ունեցած փորձով և տպավորություններով։

Հանրահայտ անձանց հյուրընկալումը ԵՊՀ-ում, որի ժամանակ ուսանողները հնարավորություն են ունենում իրենց սիրելի դերասանների, հումորիստների, մարզիկների, երգահանների և այլ անձանց հետ հանդիպելու և հղելու իրենց հետաքրքրող հարցերը։

ԵՊՀ ՈՒԽ Արտաքին կապերի հանձնաժողովի ֆեյսբուքյան էջի վարում, որի միջոցով ուսանողները իրազեկվում են կամավորական ծրագրերի, միջազգային կրթական ծրագրերի, ուսանողների համար նախատեսված աշխատանքի հայտարությունների և այլ հետաքրքիր միջոցառումների մասին։

Կամավորական ծրագրերի առաջարկում՝ ըստ մասնագիտությունների, որի շնորհիվ ուսանողները հնարավորություն են ունենում համալսարանական կրթությանը զուգահեռ աշխատանքային փորձ ձեռք բերել իրենց նախընտրած ոլորտում։