Օրացույց

Հեղինակի որոնում

Ա | Բ | Գ | Դ | Ե | Զ | Է | Ը | Թ | Ժ | Ի | Լ | Խ | Ծ | Կ | Հ | Ձ | Ղ | Ճ | Մ | Յ | Ն | Շ | Ո | Չ | Պ | Ջ | Ռ | Ս | Վ | Տ | Ր | Ց | ՈՒ | Փ | Ք | Օ | Ֆ

Նորություններ

Ֆակուլտետի պրոֆեսորադասախոսական կազմի ներկայացուցիչներին և գիտաժողովի մասնակիցներին ողջունեց դեկան Գագիկ Ղազինյանը, ով նշեց, որ գիտաժողովի նպատակն է ամփոփել անցած ուստարվա ընթացքում ֆակուլտետի կողմից իրականացված գիտական գործունեության արդյունքները:

 

«Հիրավի, այս միջոցառումն արդարացված է, քանի որ ներկայացված նյութերը բարձր մակարդակով են պատրաստված և իրենց նշանակությամբ ու արժեքով ավելի լավ  որակ ունեն, քան շատ պարբերականներում հրատարակված զեկուցումները»,- ասաց ֆակուլտետի դեկանը և հավելեց, որ գիտաժողովին հիմնականում մասնակցում են երիտասարդ մասնագետները, ովքեր բավականին լուրջ են վերաբերվում իրենց հետազոտություններին:

 

Իրավագիտության ֆակուլտետի պրոֆեսորադասախոսական կազմի տարեկան գիտաժողովին ներկայացված զեկուցումների թեմատիկան բավականին ընդգրկուն էր՝ սահմանադրականության սիստեմատեխնիկա, կայուն ժողովրդավարությունն արդի սահմանադրաիրավական մտածողության համատեքստում, մշակութային ժառանգության պահպանման ոլորտում միջազգային իրավական պատասխանատվություն և այլն:

 

ԵՊՀ և Արցախի պետական համալսարանի ներկայացուցիչներն անդրադարձել էին իրավագիտության տարբեր ոլորտների հիմնախնդիրներին՝ ներկայացնելով վերլուծություններ և վիճակագրական տվյալներ:

 

Պետության և իրավունքի տեսության ու պատմության ամբիոնի դոցենտ Տարոն Սիմոնյանի «Իրավաբանի գործնական մարտահրավերները XXI դարում. արհեստական բանականություն» զեկուցման հիմնական շեշտադրումը արհեստական բանականության և իրավական բնագավառի միջև կապն էր, դրա անհրաժեշտությունն ու միջազգային պրակտիկան:

 

 

 

Հետաքրքրաշարժ վիճակագրական պաշտոնական տվյալներ ներկայացրեց Քրեական իրավունքի ամբիոնի դոցենտ Աննա Մարգարյանը, ով հանգամանալից անդրադարձ կատարեց ՀՀ-ում հանցագործությունների, մասնավորապես անչափահասների շեղվող վարքագծի բնութագրերին:

 

Հավելենք, որ գիտաժողովի ընթացքում ներկայացված զեկուցումները գիտական հոդվածների տեսքով տեղ կգտնեն ֆակուլտետի գիտական ժողովածուում, որտեղ տպագրվելու համար հայտ են ներկայացրել շուրջ 21 մասնագետներ: 

Երիտասարդ գիտնականներին ողջունեցին և արդյունավետ աշխատանքային օր մաղթեցին ֆակուլտետի պրոֆեսորադասախոսական կազմի ներկայացուցիչները՝ ի դեմս դեկան Գագիկ Ղազինյանի:

 

«Ասպիրանտների և հայցորդների տարեկան գիտական նստաշրջանը երիտասարդ գիտնականներին ատենախոսության նախապաշտպանության փուլում հնարավորություն է տալիս ֆակուլտետի գիտական հանրությանը ներկայացնելու հետազոտական աշխատանքը: Ընթացքում նրանք հղկում են գիտական խոսքը, ձեռք բերում աշխատանքը ճիշտ ներկայացնելու և դասախոսների սուր հարցադրումներին պատասխանելու հմտություններ»,- ասում է Իրավագիտության ֆակուլտետի սահմանադրական իրավունքի ամբիոնի վարիչ Գևորգ Դանիելյանը:

 

Դեկտեմբերի 7-ին իրենց հետազոտական աշխատանքներն ու վերլուծությունները ներկայացրին Պետության և իրավունքի տեսության ու պատմության, Եվրոպական միջազգային իրավունքի, Քաղաքացիական իրավունքի և Քաղաքացիական դատավարության ամբիոնների ասպիրանտներն ու հայցորդները:

 

Պետության և իրավունքի տեսության ու պատմության ամբիոնի ասպիրանտ Հայկ Հարությունյանի զեկուցումը վերաբերում էր ՀՀ սահմանադրական բարեփոխումների լույսի ներքո տեղի ունեցած պետական կառավարման ձևի էվոլյուցիային:

 

Բանախոսը հանգամանալից ուսումնասիրել էր սահմանադրական դաշտում կատարված բոլոր փոփոխություններն ու դրա ազդեցությունը պետության կառավարման ձևի վրա, ինչն էլ վերջինիս թույլ տվեց հեշտությամբ պատասխանել դասախոսների կողմից հնչեցված մի շարք հարցերի: 

 

Եվրոպական միջազգային իրավունքի ասպիրանտ Նազելի Թովմասյանն էլ ներկայացրեց «Ներդրումների հասկացությունը միջազգային իրավունքում» թեմայով զեկուցում, որտեղ անդրադարձ կար միջազգային իրավական դաշտում ներդրումների հասկացության և դրանց պաշտպանության սկզբունքներին, ինչպես նաև զուգահեռներ էր անցկացված մարդու իրավունքների ոլորտի հետ:

 

Դեկտեմբերի 8-ին էլ զեկուցումներով հանդես եկան Սահմանադրական իրավունքի, Քրեական իրավունքի, Քրեական դատավարության և կրիմինալիստիկայի ամբիոնների հայցորդներն ու ասպիրանտները, ինչպես նաև Արցախի պետական համալսարանի (ԱրՊՀ) պատմության և իրավագիտության ֆակուլտետի իրավունքի ամբիոնի երկու երիտասարդ հետազոտող:

 

 

 

«Այս տարի ԵՊՀ իրավագիտության ֆակուլտետի և Արցախի պետական համալսարանի միջև կնքվել է համագործակցության հուշագիր, որը նպատակ ունի նպաստել ԱրՊՀ-ում իրավաբանական կրթության կատարելագործմանը: Ուստի ողջունելի է, որ այսօր մեր երիտասարդ գիտնականների հետ իրենց հետազոտությունները կներկայացնեն նաև արցախցի հայցորդները և ասպիրանտները: Սա վկայում է, որ հուշագիրը գործում է: Վստահաբար կարող եմ նշել, որ համագործակցությունը շարունակական և արդյունավետ կլինի»,- նշեց Գագիկ Ղազինյանը և հավելեց, որ համագործակցության շրջանակում ԱրՊՀ իրավունքի ամբիոնի մի շարք դասախոսներ կմասնակցեն նաև դեկտեմբերի 12-ին կայանալիք ԵՊՀ իրավագիտության ֆակուլտետի պրոֆեսորադասախոսական կազմի տարեկան գիտաժողովին:

Այն կազմակերվել էր Հայ բանասիրության ֆակուլտետի հայոց լեզվի պատմության և հայոց լեզվի ամբիոնների կողմից:

 

Ողջույնի խոսքով հանդես եկավ Նաթան արքեպիսկոպոս Հովհաննիսյանը, ով բարի երթ մաղթեց գիտաժողովին:

 

«Այսօր այստեղ գտնվելն ինձ համար մեծագույն հաճույք է: Նախ ուզում եմ Ձեզ փոխանցել Մայր Աթոռ Սուրբ Էջմիածնի, մասնավորապես Ամենայն հայոց կաթողիկոս Գարեգին Բ-ի հայրապետական օրհնությունը: 19-րդ դարի վերջին և 20-րդ դարի սկզբին ունեցանք մտավորականներ, որոնք անցան եկեղեցական կրթության միջով և նրանց շնորհիվ ունեցանք մեծ ձեռքբերումներ գրականագիտության, գրականության պատմության և այլ ասպարեզներում: Մեզ համար կան անուններ, որոնք անկարելի է երբևէ մոռանալ, և այդ անուններից մեկն էլ Մանուկ Աբեղյանինն է»,- ասաց Նաթան արքեպիսկոպոս Հովհաննիսյանը:

 

Հայ բանասիրության ֆակուլտետի հայոց լեզվի պատմության ամբիոնի վարիչ Աննա Աբաջյանը ԵՊՀ ռեկտոր Արամ Սիմոնյանի անունից ողջունեց ներկաներին:

 

«Անգնահատելի է Աբեղյանի գիտական բեղմնավոր վաստակը հայագիտության զարգացման մեջ: Ականավոր գիտնականը արգասաբեր գործունեություն է ծավալել հայագիտության գրեթե բոլոր բնագավառներում՝ միջնադարյան քնարերգություն, առասպելաբանություն, ժողովրդական վիպասանություն ու էպոս, տաղաչափություն և այլն: Նրա լեզվաբանական աշխատությունները մնայուն ու կոթողային գործեր են, իսկ հայոց լեզվի տեսությունը՝ հայերենի բոլոր մակարդակների մասին երբևէ ստեղծված դասական անփոխարինելի աշխատություն»,- ասված էր ռեկտոր Արամ Սիմոնյանի ողջույնի խոսքում:

 

Ներկաներին ողջույնի խոսք հղեց նաև Մանուկ Աբեղյանի թոռնուհին՝ բան. գիտ. թեկնածու, դոցենտ Հասմիկ Աբեղյանը: Նա ներկայացրեց իր հուշերը պապի մասին և շնորհակալություն հայտնեց ԵՊՀ ղեկավարությանը, Հայոց լեզվի պատմության և Հայոց լեզվի ամբիոններին՝ գիտաժողովը կազմակերպելու համար:

 

«Երջանիկ եմ, որ պապս իր գիտական վաստակի շնորհիվ մինչ օրս գնահատվում է ըստ արժանվույն: Համոզված եմ նաև, որ գալիք սերունդները նույնպես կհիշեն և շատ բան կսովորեն նրանից»,- նշեց Հասմիկ Աբեղյանը:

 

Գիտաժողովին զեկուցումներով հանդես եկան 14 մասնակիցներ ԵՊՀ-ից, ՀՀ ԳԱԱ լեզվի և գրականության ինստիտուտներից, Վանաձորի պետական համալսարանից: «Աբեղյանական արդի ուղղագրության անհիմն քննադատությունները» թեմայով զեկուցմամբ հանդես եկավ Աննա Աբաջյանը:

 

«Ուղղագրության փոփոխման հարց կարող է առաջանալ միայն այն դեպքում, երբ այն համապատասխանի տվյալ լեզվի հնչյունական համակարգին: Հայերենի գործող ուղղագրության մեջ հմտորեն միահյուսված են հնչյունական ու ավանդական սկզբունքները: Դրանք միանգամայն համապատասխանում են արդի գրական արևելահայերենի ոգուն ու էությանը: Առաջարկում եմ «Լեզվի մասին» օրենքում հստակ ձևակերպել, որ գործող ուղղագրությունը պարտադիր է բոլոր հայերի համար: Արդի արևելահայերենի ուղղագրությունը փոխելու փորձերն անիմաստ են, անարդյունավետ, հակապատմական, վտանգավոր ու կործանարար բոլոր առումներով»,- իր ելույթում ասաց Աննա Աբաջյանը:

 

Գիտաժողովի ընթացքում ներկաներն իրենց հարցերն էին ուղղում զեկուցողներին:

 

ԵՊՀ-ի և Սոցիալական աշխատանքի հայաստանյան ասոցիացիայի համատեղ ջանքերով կազմակերպված գիտաժողովը նվիրված էր Սոցիոլոգիայի ֆակուլտետի ծննդյան 13-ամյակին:

 

Բացման խոսքով հանդես եկավ Սոցիոլոգիայի ֆակուլտետի դեկան Արթուր Մկրտիչյանը: Նա շնորհավորեց ֆակուլտետի բոլոր աշխատակիցներին, ուսանողներին. «Այսօր մեր ֆակուլտետի ծննդյան օրն է: Այսօրվա գիտաժողովն էլ մեր ամենամյա, ավանդույթ դարձած գիտաժողովն է: Շատ ուրախ եմ, որ այս անգամ այն միջազգային բնույթ ունի: Սա ոչ միայն լավ առիթ է լսելու մյուսների կարծիքները, այլև աշխարհին ներկայացնելու սեփական դիրքորոշումը այս կամ այն հարցի վերաբերյալ»:

 

Սոցիոլոգիայի ֆակուլտետի փոխդեկան Անահիտ Սահակյանը շնորհակալություն հայտնեց Սոցիալական աշխատանքի հայաստանյան ասոցիացիային՝ գիտաժողովի կազմակերպման աշխատանքներին աջակցելու համար և նշեց, որ այն անցկացվում է ասոցիացիայի երկու ծրագրերի շրջանակում:

 

«Առաջինը ՄԱԿ-ի ժողովրդավարության հիմնադրամի դրամաշնորհով իրականացվող ծրագիրն է, որի շրջանակում փորձում ենք ակտիվացնել քաղաքացիական հասարակության և քաղաքացիների մասնակցությունը տեղի ունեցող սոցիալական ռեֆորմներում, իսկ երկրորդը Եվրամիության և Ավստրիական համագործակցության հիմնադրամի կողմից ֆինանսավորվող «HILFSWERK AUSTRIA» կազմակերպության հետ իրականացվող ծրագիրն է, որը նվիրված է տարածաշրջանում (Հայաստան, Վրաստան, Ադրբեջան) սոցիալական աշխատանքի զարգացմանը»,- ասաց տիկին Սահակյանը:

 

 

Գիտաժողովի շրջանակում տեղի ունեցան երկու պլենար նիստեր՝ «Տրանսազգային սոցիալական աշխատանքը՝ որպես սոցիալական աշխատանքի գիտական հենք» և  «Սոցիալական աշխատանքի գիտական ընդհանրացման ներկա դիսկուրսը ՀՀ-ում» խորագրերով: Երկրորդ նիստի ժամանակ քննարկվեց նաև «Ընտանեկան բռնության կանխարգելման մասին» օրենքի անհրաժեշտությունը, անդրադարձ կատարվեց երեխաների պաշտպանության ոլորտում սոցիալական աշխատանքի պրակտիկայի տեսականացման խնդիրներին:

 

Զեկուցումներով հանդես եկան մասնակիցներ Ավստրիայից, Խորվաթիայից, ԱՄՆ-ից, Նորվեգիայից, Գերմանիայից:

 

Գիտաժողովից հետո Սոցիալական աշխատանքի հայաստանյան ասոցիացիայի, Հայաստանի պետական մանկավարժական և Գյումրու մանկավարժական համալսարանների միջև կնքվեց համագործակցության հուշագիր:

 

 

Մասնակիցների շարքում են ինչպես ուսանողներ, երիտասարդ և արդեն ճանաչված գիտնականներ, այնպես էլ գիտակրթական հիմնադրամների ղեկավարներ աշխարհի տարբեր երկրներից (ՌԴ, ԱՄՆ, Շվեյցարիա, Իռլանդիա, Գերմանիա, Դանիա): 

 

Համաժողովի նպատակն է քննարկել և լուծել գիտությանն առնչվող մի շարք հիմնախնդիրներ, ամրապնդել Առաջին համահայկական գիտական համաժողովի արդյունքում ստեղծված Սփյուռքահայ գիտնականների ասոցիացիայի հետ գիտության ոլորտում ժամանակակից մեթոդների ինտեգրումը, որն ուղղված է երիտասարդ հայ գիտնականների աջակցմանն ու Հայաստանում առկա գիտական դպրոցներում ծրագրերի արդյունավետ իրականացմանը: Համաժողովին Մայր բուհից ներկա էին ԵՊՀ ռեկտոր Արամ Սիմոնյանը, պրոֆեսորադասախոական կազմի ներկայացուցիչներ:

 

 

Բացման խոսքերով հանդես եկան ՀՀ ԳԱԱ երիտասարդ գիտնականների խորհրդի նախագահ Գևորգ Վարդանյանը և ՀՀ ԳԱԱ նախագահ Ռադիկ Մարտիրոսյանը:

 

Գևորգ Վարդանյանը ողջունեց բոլորին և ներկայացրեց նախորդ համաժողովի արդյունքները. «Առաջին համաժողովում դասախոսությունների, կլոր սեղանների ընթացքում քննարկվեցին հնարավոր բոլոր նախապայմանները՝ ուղղված հայ գիտության առաջընթացին: Արդյունքում որպես այդ գործի հաջողության գրավական՝ դիտվեց Սփյուռքահայ գիտնականների ասոցիացիայի հիմնադրման գաղափարը»:

 

Գևորգ Վարդանյանի խոսքով՝ Երկրորդ համահայկական գիտական համաժողովը նպատակ ունի մեկ սեղանի շուրջ հավաքել Սփյուռքի և Հայաստանի նշանավոր գիտնականներին և այդպիսով գտնել վճռորոշ հիմնախնդիրների լուծման ուղիները:

 

ԳԱԱ նախագահ Ռադիկ Մարտիրոսյանն էլ, ակադեմիական հանրության կողմից ողջունելով համաժողովի մասնակիցներին, նշեց, որ կազմակերպվող քննարկումները, կլոր սեղանները նպաստում են Հայաստանում գիտության ու տեխնոլոգիաների զարգացմանը. «Մեր գլխավոր խնդիրներից մեկը նաև հայազգի երիտասարդ գիտնականների ներուժը ճիշտ օգտագործելն է մեր հանրապետության տնտեսության առաջընթացի գործում»:

 

ՀՀ գիտական կազմակերպությունների երիտասարդ գիտնականները համաժողովի շրջանակում հնարավորություն ունեն պաստառային ու բանավոր զեկուցումներով ներկայացնել իրենց գիտահետազոտական աշխատանքները:

 

Համաժողովին Երևանի պետական համալսարանից «Կենսաջրածին՝ խմորում, հիդրոգենազի և պրոտոնային ԱԵՖ-ազի դերը» թեմայով զեկուցմամբ հանդես եկավ ԵՊՀ կենսաբանության ԳՀ ինստիտուտի փոխտնօրեն, Կենսաբանության ֆակուլտետի կենսաքիմիայի, մանրէաբանության և կենսատեխնոլոգիաների ամբիոնի դասախոս Կարեն Թռչունյանը:

 

Տեղեկացնենք, որ համաժողովն անցկացվում է  նոյեմբերի 6-8-ը: