Օրացույց

Հեղինակի որոնում

Ա | Բ | Գ | Դ | Ե | Զ | Է | Ը | Թ | Ժ | Ի | Լ | Խ | Ծ | Կ | Հ | Ձ | Ղ | Ճ | Մ | Յ | Ն | Շ | Ո | Չ | Պ | Ջ | Ռ | Ս | Վ | Տ | Ր | Ց | ՈՒ | Փ | Ք | Օ | Ֆ

Նորություններ

ԵՊՀ կենսաբանության ֆակուլտետի կենսաքիմիայի ամբիոնին կից գիտական խումբը (ղեկավար՝ կ․գ․թ․ Նիկոլայ Ավթանդիլյան, խմբի անդամներ՝ Էդիտա Նադիրյան, Մերի Քոչարյան, Սվետլանա Հովհաննիսյան), ներկայացնելով բուսական ծագման և քիմիաթերապևտիկ միացությունների համակցմամբ հակաքաղցկեղային թերապիայի նոր մոդելի բացահայտմանը վերաբերող թեմա, արժանացել է 2-րդ մրցանակի։ Առաջին մրցանակի արժանացել է ՀՀ ԳԱԱ Ա․ Բ․ Նալբանդյանի անվան քիմիական ֆիզիկայի ինստիտուտի հետազոտող Նարինե Ամիրխանյանը։

 

 

ԵՊՀ ռեկտոր Հովհաննես Հովհաննիսյանը, կարևորելով «ԱՐՓԱ» ինստիտուտի գործունեությունը երիտասարդ գիտնականներին խրախուսելու հարցում, ողջունելի համարեց այն, որ երկրորդ մրցանակակիրներն ու մրցույթի մասնակիցների մեծ մասը Երևանի պետական համալսարանից են։

 

 

«Գաղտնիք չէ, որ ԵՊՀ-ն ՀՀ գիտական բնագավառում առաջատարն է և այն քայլերը, որոնք ձեռնարկում ենք, միտված են պահելու առաջատարի դիրքերն ու գրանցելու առավել մեծ արդյունքներ»,- ասաց ԵՊՀ ռեկտորը։

 

ՀՀ ԿԳՄՍ նախարարի տեղակալ Կարեն Թռչունյանը շեշտեց, որ Հայաստանում կարևորվում է գիտության դերը, քանի որ այն էական նշանակություն ունի պետությունների զարգացման գործում։

 

 

«Տարիներ ի վեր «ԱՐՓԱ» ինստիտուտի հայտարարած Նորարարության մրցույթը խրախուսում և քաջալերում է երիտասարդներին։ Դա նախևառաջ գաղափարի իրականացման հնարավորություն է, իսկ հետագայում նաև կարող է եկամտի աղբյուր դառնալ»,- նշեց Կ. Թռչունյանը:

 

 

Բարձր տեխնոլոգիական արդյունաբերության նախարարի տեղակալ Դավիթ Սահակյանը հույս հայտնեց, որ կատարված հետազոտությունները չեն մնա միայն թղթի վրա, այլ կդառնան իրականություն՝ բարելավելով մարդկանց կյանքն ու նպաստելով երկրի զարգացմանը։

 

 

«ԱՐՓԱ» ինստիտուտի տնօրեն Հակոբ Փանոսյանը նշեց, որ սա ամենամյա մրցույթի արդեն 15-րդ՝ հոբելյանական տարին է։ Մրցույթի անցկացման կարևորագույն նպատակն է խթանել Հայաստանում կրթության և գիտության ոլորտների զարգացումը՝ խրախուսելով երիտասարդ գիտնականների նորարար ու մրցունակ գաղափարները։

 

 

Գիտական խմբի ղեկավար-խորհրդատու, ԵՊՀ հիմնարար և ախտաբանական կենսաքիմիայի լաբորատորիայի վարիչ, կ․գ․թ․ Նիկոլայ Ավթանդիլյանը, խոսելով հետազոտության թեմայի արդիականությունից, ընդգծեց. «Աշխարհում քաղցկեղի բուժման համար կիրառվող դեղամիջոցների կողմնակի ազդեցությունները շատ են, ուստի մեր խմբի նպատակն էր գտնել հնարավորինս քիչ կողմնակի ազդեցությամբ, բայց առավել արդյունավետ թերապևտիկ մոդել: Մեր փորձարկումները բավականին լավ արդյունք են տվել. կարողացել ենք նվազեցնել ուռուցքի չափերը, քանակը, մահացության ցուցանիշը՝ բարելավելով կենդանի օրգանիզմի կենսական վիճակը»:

 

 

Մրցանակակիրներ Էդիտա Նադիրյանը, Մերի Քոչարյանը և Սվետլանա Հովհաննիսյանը, շնորհակալություն հայտնելով ընձեռված հնարավորության համար, ասացին, որ ֆինանսական պարգևատրումը դառնալու է հետագա նոր  ուսումնասիրությունների շարժիչ ուժը:

 

Նշենք, որ «ԱՐՓԱ» ինստիտուտը սահմանել էր հետևյալ մրցանակները՝

 

1-ին տեղի համար` 5000 ԱՄՆ դոլարին համարժեք ՀՀ դրամ,

2-րդ տեղի համար` 1000 ԱՄՆ դոլարին համարժեք ՀՀ դրամ:

Ծաղկաձորում գտնվող ԵՊՀ ուսումնաարտադրական բազայում կայացած գիտաժողովին մասնակցում էին ավելի քան 70 գիտնականներ` աշխարհի տարբեր երկրներից, այդ թվում՝ Լոմոնոսովի անվան պետական համալսարանից (Մոսկվա), Ավեյրոյի համալսարանից (Պորտուգալիա), Գենտի համալսարանից (Բելգիա), Բրեմենի համալսարանից (Գերմանիա) և այլն:

 

Գիտաժողովի բացման արարողությանը ներկա են եղել ԵՊՀ ռեկտոր Հովհաննես Հովհաննիսյանը, ՀՀ ԿԳՄՍ նախարար Վահրամ Դումանյանը, ԵՊՀ մաթեմատիկայի և մեխանիկայի ֆակուլտետի դեկան, ՀՀ ԳԱԱ թղթակից անդամ Արթուր
Սահակյանը, կազմկոմիտեի նախագահ պրոֆեսոր Աղավարդ Խաչատրյանը և այլ գիտնականներ։

 

 

ԵՊՀ ռեկտոր Հովհաննես Հովհաննիսյանն իր ելույթում ընդգծել է, որ այս գիտաժողովը նոր հնարավորությունների առիթ է, և օտարերկրյա գիտնականների ներկայությունն ազդարարում է նոր համագործակցությունների մասին։ Գիտաժողովն առանձնահատուկ է մի շարք առումներով. այստեղ ներկայացվելու են ոչ միայն մաթեմատիկական ճշգրիտ հավասարումներ, այլև կիրառական նշանակություն ունեցող թեմաներով գիտական ուսումնասիրություններ։

 

ԵՊՀ ռեկտորը նշեց, որ գիտաժողովի ընթացքում ներկայացված զեկուցումները կրկնակի գրախոսում անցնելուց հետո հոդվածների տեսքով հրատարակվելու են միջազգային բարձր վարկանիշ ունեցող «Journal of Mathematical Sciences» («Scopus», «Springer nature») ամսագրում։ Ռեկտորի խոսքով՝ ԵՊՀ-ում մշտապես խրախուսվում է գիտական հետազոտության կատարումը, հատկապես միջազգային գիտական ասպարեզում տվյալ հետազոտությունների արդյունքների ամփոփումը հոդվածների տեսքով։

 

ԵՊՀ մաթեմատիկայի և մեխանիկայի ֆակուլտետի՝ ֆունկցիաների տեսության և դիֆերենցիալ հավասարումների ամբիոնի վարիչ, ֆ.գ.դ., պրոֆեսոր Խաչատուր Խաչատրյանը մեզ հետ զրույցում կարևորեց այսօրինակ գիտաժողովների դերն ու նշանակությունը ոլորտի զարգացմանը նպաստելու տեսանկյունից:

 

 

Մաթեմատիկոսը, ընդգծելով գիտաժողովի առավելությունները, նշեց․ «Գիտաժողովը հնարավորություն տվեց ընդլայնելու համագործակցության շրջանակը օտարերկրյա մասնագետների հետ: Այն համախմբել էր ոլորտի լավագույն մասնագետներին՝ աշխարհի տարբեր երկրներից: Բացի դրանից՝ հատկանշական է, որ մասնակիցների մի մասը երիտասարդներ էին: Սեպտեմբերի 19-23-ը նրանք ամրապնդեցին կապը ոլորտի ավագ մասնագետների հետ և ստանալ մասնագիտական խորհուրդներ»։

 

Անդրադառնալով գիտաժողովի ընթացքում ներկայացված զեկուցումների թեմաներին և դրանց կարևորությանը՝ պրոֆեսորը փաստեց, որ դրանք ունեն կիրառական կարևոր նշանակություն:

 

Ամփոփելով խոսքը՝ պրոֆեսորն ասաց․ «Կային զեկուցումներ, որոնք վերաբերում էին ժամանակակից կապի հաղորդակցությանը, մասնավորապես ռազմական կապերի զարգացմանը, մաթեմատիկական կենսաբանության մեջ ծագող ոչ գծային ինտեգրալ և ինտեգրոդիֆերենցիալ հավասարումներին, գազերի կինետիկ տեսությանը, որոնք, ինչպես վերը թվարկված թեմաները, նույնպես կարևոր են ժամանակակից օդանավերի և թռչող սարքերի զարգացման գործում»։

 

Նշենք, որ սեպտեմբերի 19-23-ն անցկացվածմիջազգային գիտաժողովին ֆինանսապես աջակցել են Երևանի պետական համալսարանը, ՀՀ ԿԳՄՍՆ գիտության կոմիտեն, «Հետազոտական մաթեմատիկա» հիմնադրամը, ՌԴ Կրասնոյարսկի տարածաշրջանային գիտակրթական մաթեմատիկական կենտրոնը, Դոնի Ռոստովի հարավային ֆեդերալ համալսարանը:

 

Ֆիզիկայի ֆակուլտետի ՈՒԳԸ նախագահ Լևոն Դավթյանը, շնորհավորելով համալսարանականներին ՈՒԳԸ հիմնադրման 75-ամյակի առթիվ, ընդգծեց, որ ՈՒԳԸ-ն մշտապես ստեղծում է նոր հնարավորություններ՝ ուսանողներին գիտությանը առավել մոտեցնելու և ուսանողական կյանքն ավելի հետաքրքիր դարձնելու համար:

 

 

Անդրադառնալով միջոցառման կազմակերպման նպատակին՝ Լ. Դավթյանը նշեց. «Մեզ համար կարևոր է լսել փորձառու գիտնականների կարծիքն ու տեսակետները՝ հարստացնելու մեր գիտելիքները։ Այսպիսի քննարկումները նպաստում են երիտասարդների մասնագիտական աճին և, առհասարակ, Հայաստանում գիտության զարգացմանը»։

 

Քննարկման ընթացքում մասնակիցները խոսեցին Հայաստանում գիտության շարունակական զարգացման և առաջընթացի մասին և ներկայացրին առաջարկներ՝ ժամանակակից աշխարհի պահանջներին համապատասխան առաջ շարժվելու վերաբերյալ։

 

ԵՊՀ ֆիզիկայի ֆակուլտետի՝ ֆոտոնիկայի և արհեստական բանականության գիտահետազոտական լաբորատորիայի վարիչ, ֆ.մ.գ.թ. Մուշեղ Ռաֆայելյանը, անդրադառնալով ՈՒԳԸ-ականների կազմակերպած պանելային քննարկման կարևորությանը, ասաց, որ այսօրինակ նախաձեռնությունների շնորհիվ մեծանում է ուսանողների հետաքրքրությունը գիտության հանդեպ:

 

 

«Մեզ համար անչափ կարևոր է, որ երիտասարդներն իրենց ապագայի պլանները կապեն գիտության հետ, և այդ ուղղությամբ արդեն իսկ ձեռնարկվում են քայլեր. երրորդ կուրսում սովորող ուսանողները կարող են ներգրավվել գիտական ծրագրերում։ Դա ողջունելի է, քանի որ ակադեմիական կրթություն ստանալուն զուգահեռ՝ նրանք զբաղվելու են գիտությամբ։ Գիտությունը ոգեշնչման լավագույն աղբյուրներից է»,- մեզ հետ զրույցում նշեց Մ. Ռաֆայելյանը:

 

Հայաստանի ամերիկյան համալսարանի պրոֆեսոր Կարապետ Կազանչյանն ընդգծեց գիտնականների՝ միմյանց հետ աշխատելու և համագործակցելու կարևորությունը, որից անմասն չպետք է լինեն նաև ուսանողներն ու երիտասարդ հետազոտողները, քանի որ, իր համոզմամբ, այսօրինակ հանդիպումները նպաստում են ուսանողների աշխարհայացքի ու մտահորիզոնի ընդլանմանը: 

 

 

«Կարծում եմ՝ այսպիսի նախաձեռնությունների շնորհիվ կկարողանանք նպաստել գիտության զարգացմանը ոչ միայն Հայաստանում, այլև ողջ աշխարհում: Ողջունելի է այն, որ ուսանողները ներկա են լինում գիտական քննարկումների՝ տարբեր ոլորտների և թեմաների վերաբերյալ, ծանոթանում են մշակման ենթակա նախագծերին, և լիահույս ենք՝ նրանք հետագայում անհրաժեշտ քայլեր կկատարեն այդ ուղղությամբ»,- ասաց Կ. Կազանչյանը։

 

 

«Գիտության զարգացման հեռանկարները Հայաստանում․  ռազմավարական կարևոր ուղղություններ» խորագրով պանելային քննարկումն ընթացավ հարցուպատասխանի ակտիվ մթնոլորտում։

 

Նշենք, որ ԵՊՀ ՈՒԳԸ 75-ամյակին նվիրված միջազգային երիտասարդական 8-րդ գիտաժողովի շրջանակում նախատեսվում է անցկացնել այլ պանելային քննարկումներ, որոնց մասնակցելու են գիտնականներ՝ Հայաստանից և արտասահմանից:

 

Բացման արարողության սկզբում ներկաները մեկ րոպե լռությամբ հարգեցին հայրենիքի պաշտպանության համար իրենց կյանքը զոհած հերոսների հիշատակը։ Հնչեց ՀՀ պետական օրհներգը, ապա ԵՊՀ Շառլ Ազնավուրի անվան մշակույթի կենտրոնի սաները կատարեցին ԵՊՀ հիմներգը:

 

 

 

Հոկտեմբերի 3-ից 7-ն անցկացվող գիտաժողովը հնարավորություն է ընձեռում ուսանողներին, ասպիրանտներին և երիտասարդ գիտնականներին ներկայացնելու իրենց գիտական հետազոտության արդյունքները ակադեմիական լսարանին, ինչպես նաև կապեր հաստատելու Հայաստանի և օտարերկրյա հետազոտողների միջև:

 

Շնորհավորելով ներկաներին միջազգային գիտաժողովի հոբելյանական բացման արարողության կապակցությամբ՝ ԵՊՀ ռեկտոր Հովհաննես Հովհաննիսյանը կարևորեց ուսանողական կառույցի դերն ու նշանակությունը: Հ. Հովհաննիսյանը մատնանշեց, որ կառույցն ուսանողների, ասպիրանտների և երիտասարդ գիտնականների համար ուղի է հարթում դեպի գիտություն։

 

 

«Ողջունելի է այն փաստը, որ գիտաժողովին մասնակցության մեծաքանակ հայտեր են ներկայացվել։ Սա ցուցիչն է այն բանի, որ ՈՒԳԸ կազմակերպած գիտաժողովների նկատմամբ հետաքրքրությունը տարեցտարի մեծանում է: Գիտաժողովը մասնակիցներին տարբեր տեսանկյուններից լայն հնարավորություններ է ընձեռում. այն մեծ փորձառություն է հատկապես ասպիրանտների համար, որոնք, մասնակցելով գիտաժողովին և դրա շրջանակում կազմակերպվող քննարկումների, կարելի է ասել, պատրաստվում են իրենց ատենախոսությունների պաշտպանությանը»,- ասաց Հ․ Հովհաննիսյանը։

 

ԵՊՀ ռեկտորն իր խոսքում կարևորեց նաև այն, որ ՈՒԳԸ-ն հրատարակում է գիտական հոդվածների ժողովածու, ինչը նպաստում է հոդվածագիրների ճանաչելի դառնալուն:

 

«ԵՊՀ–ում կարևորվում է միջազգային գիտական պարբերականներում հոդվածներ տպագրելը: Այս տեսանկյունից էական դեր ունի «ԵՊՀ ՈՒԳԸ գիտական հոդվածների ժողովածու» պարբերականում հոդվածներ հրատարակելը, քանի որ այն դեպի միջազգային ճանաչում ունեցող ամսագրեր տանող ուղիներից մեկն է»,- նշեց ԵՊՀ ռեկտորը:

 

 

Իր ելույթում ռեկտրոն ընդգծեց «Դոկտորական կրթության բարեփոխումը Հայաստանում՝ ակադեմիական համայնքի, արդյունաբերության պահանջներին և ԵՄ փորձին համապատասխան» (ARMDOCT) նախագծի շրջանակում ԵՊՀ-ում բացված, տեխնիկապես գերհագեցած լսարանի դերը, որտեղ գործելու է ակադեմիական գրագրության կենտրոն: Ռեկտորի խոսքով՝ կենտրոնի խորհրդատուն օգնելու է ասպիրանտներին հետազոտական աշխատանք կատարելիս։

 

Ամփոփելով խոսքը՝ Հ. Հովհաննիսյանը գնահատանքի խոսք ասաց ՈՒԳԸ նախագահ Մերի Փանոսյանին, կառույցում իրենց ուրույն տեղն ու դերն ունեցող անդամներին, որոնք ջանք չեն խնայել գիտաժողովի կայացման գործում:

 

ԵՊՀ ուսանողների հետ տարվող աշխատանքների կենտրոնի տնօրեն Վահագն Վարագյանը, խոսելով ուսանողական կառույցի դերից, փաստեց. «ՈՒԳԸ-ն 75 տարիների ընթացքում ձեռքբերումներ է ունեցել այն ուսանողների շնորհիվ, որոնք հասարակական-գիտական գրծունեություն են ծավալում կառույցում։ Լիահույս եմ, որ նրանք  էլ ավելի նվիրված կաշխատեն և կնպաստեն ՈՒԳԸ զարգացմանն ու առաջընթացին»:

 

 

ԵՊՀ ՈՒԳԸ նախագահ Մերի Փանոսյանը, պատմական ակնարկ կատարելով ՈՒԳԸ հիմնադրման պատմությանը, անդրադարձավ կառույցի գործառույթներին և դրա ունեցած դերին։

 

«ԵՊՀ ՈՒԳԸ-ն իր գործունեության ընթացքում պարբերաբար կազմակերպում է գիտական միջոցառումներ, որոնցից առանձնահատուկ նշանակություն ունի ամենամյա գիտական նստաշրջանը: Գիտաժողովի արդյունքը «ԵՊՀ ՈՒԳԸ գիտական հոդվածների ժողովածու» պարբերականն է: Սա ՈՒԳԸ-ի ոչ միայն բովանդակային հիմքն է, այլև ուսանողական կառույցի աշխատանքի գլխավոր ցուցիչը։ Վստահորեն կարող եմ ասել, որ սա այն առանձնահատկությունն է, որով ՈՒԳԸ-ն տարբերվում է ուսանողական մյուս կառույցներից»,- նշեց Մ․ Փանոսյանը։

 

ՈՒԳԸ նախագահը շնորհակալություն հայտնեց բոլոր այն ՈՒԳԸ-ականներին, որոնք իրենց գործունեությամբ նպաստել են կառույցի կայացմանն ու բարձր պահել վերջինիս անունը:

 

 

 

«ՈՒԳԸ-ն հնարավորություն է ընձեռում ինքնակրթվելու, կրթական կարծրատիպերի սահմանափակումներից դուրս գալու, և, ի վերջո օժանդակում որակյալ մասնագետ դառնալու ճանապարհին։ Դա է փաստում այն, որ մշտապես մեր կողքին են ականավոր գիտնականներ ու մտավորականներ՝ ի դեմս ԵՊՀ պրոֆեսորադասախոսական կազմի»,- իր խոսքը եզրափակեց Մ․ Փանոսյանը։

 

Գիտաժողովի բացման հանդիսավոր արարողության մշակութային հատվածը կազմակերպել էր ԵՊՀ Շառլ Ազնավուրի անվան մշակույթի կենտրոնը: Կենտրոնի տնօրեն Կարինե Դավթյանը մեզ հետ զրույցում խոսեց կենտրոնի՝ լայնամասշտաբ միջոցառումներ կազմակերպելու հարցում ցուցաբերած մեծ պատրաստակամությունից:

 

 

 

«Շառլ Ազնավուրի անվան մշակույթի կենտրոնը հիմնադրումից ի վեր ունի նպատակ, այն է՝ վստահված միջոցառումներն իրականացնել բարձր մակարդակով և հավուր պատշաճի: Կենտրոնը պատրաստակամ է կազմակերպելու ոչ միայն ուսանողական կառույցների նախաձեռնած, այլև համալսարանում առհասարակ կազմակերպվող ցանկացած միջոցառում: Մշակույթի կենտրոնն իր գործունեությամբ ցույց է տալիս, որ յուրաքանչյուր միջոցառում պետք է կազմակերպվի ամենայն պատասխանատվությամբ և նվիրումով»,- ընդգծեց կենտրոնի տնօրեն Կ. Դավթյանը:

 

Գիտաժողովի բացման արարողությանը հաջորդեց Գիտության փառատոն, որի ընթացքում ԵՊՀ նախասրահում քիմիայի և ֆիզիկայի ֆակուլտետների ՈՒԳԸ-ականները կազմակերպեցին գիտափորձերի ցուցադրություն:

 

 

 

Ընդգծենք, որ գիտաժողովին ներկայացվել է 296 դիմում-հայտ, որոնցից մասնագիտական գրախոսության փուլը հաղթահարել են միայն 156-ը, այդ թվում՝ 8 երկրի 22 երիտասարդ գիտնականների դիմում-հայտեր։

 

 

Ծրագիրն իրականացվում է գիտական հետազոտությունների կատարումն առավել դյուրին դարձնելու, ակադեմիական շարժունությունը բարձրացնելու և դոկտորական կրթության որակը բարելավելու նպատակով՝ նպաստելով ուսումնական ծրագրերի արդիականացմանը:

 

Բացման խոսքով հանդես եկան ԵՊՀ միջազգային համագործակցության վարչության պետ Ալեքսանդր Մարգարովը և Լատվիայի համալսարանի «Էրազմուս+» ծրագրի «MODEST» նախագծի համակարգող Ինգա Սկենդերեն:

 

Ալեքսանդր Մարգարովը նշեց, որ այս տարվա աշխարհաքաղաքական տարբեր իրադարձություններով պայմանավորված՝ դպրոցն անցկացվելու է միայն Հայաստանում:

 

 

«Այս ծրագիրն սկսվել է դեռևս տարիներ առաջ և մոտենում է իր հաջող ավարտին: ԵՊՀ-ն առաջինն է Հայաստանում հայ և օտարերկրյա ասպիրանտների համար նմանօրինակ դասընթացների կազմակերպման գործում»,- ընդգծեց Ա. Մարգարովը:

 

Խոսելով ծրագրի կարևորությունից՝ Ա. Մարգարովը նշեց. «ԵՊՀ-ում այժմ շատ դասախոսներ, գիտնականներ և ուսանողներ կան, որոնք գալիս են այլ երկրներից: Այս փաստը կրկնակի արժևորում է միջմշակութային հաղորդակցության դերը դասապրոցեսի պլանավորման գործում»:

 

ԵՊՀ միջազգային համագործակցության վարչության պետը հավելեց՝  անհրաժեշտ է մեծ ուշադրություն դարձնել նաև տեխնիկական մոտեցումներին, քանի որ մարդկությունն ապրում է համաճարակային և հետհամաճարակային ժամանակներում:

 

«Այժմ կարևոր են թե՛ բովանդակային, թե՛ մեթոդական տարրերը»,- իր խոսքը եզրափակեց Ա. Մարգարովը:

 

Ողջունելով դոկտորական դպրոցի մասնակիցներին՝ «MODEST» նախագծի համակարգող Ինգա Սկենդերեն ասաց. «Հագեցած չորս օրերի ընթացքում փորձելու ենք միասին ուսումնասիրել բոլոր այն մեթոդներն ու տեսությունները, որոնք անհրաժեշտ են յուրաքանչյուր ասպիրանտի և հետազոտողի արդյունավետ աշխատանք իրականացնելու նպատակով: Մեզ համար առանձնապես կարևոր է նաև հեռավար ուսուցման հնարավորությունների ճիշտ կիրառումը»:

 

Ելույթներին հաջորդեցին դասախոսություններ: ԵՊՀ փիլիսոփայության և հոգեբանության ֆակուլտետի ասիստենտ Սերոբ Խաչատրյանը ներկայացրեց «Դասընթացի մշակման արվեստ» խորագրով դասախոսություն, որի նպատակն էր մասնակիցներին ծանոթացնել դասընթացի պլանավորման և գնահատման մեթոդներին, տեսություններին։ Ս․ Խաչատրյանի խոսքով՝ դասընթացի արդյունավետ կազմակերպման համար դպրոցի շրջանակում ուսումնասիրելու են, թե ինչպես պետք է հստակ սահմանել նպատակներն ու խնդիրները, որպեսզի հետագա քայլերը լինեն առավել արդյունավետ։

 

 

ԵՊՀ եվրոպական լեզուների և հաղորդակցության ֆակուլտետի միջմշակութային հաղորդակցության անգլերենի ամբիոնի դոցենտ Անուշ Այունցը, որը ներկայացավ «Միջմշակութային հայեցակետերը հետազոտության և ամենօրյա ակադեմիական պրակտիկայում» խորագրով դասախոսությամբ, մեզ հետ զրույցում կարևորեց ակադեմիական միջավայրում միջմշակութային հմտությունների իմացության դերը՝ հիմք ընդունելով այն, որ բուհերը ձգտում են միջազգայնացման և պետք է հետևեն գլոբալացման թելադրած կանոններին:

 

 

«Միջմշակութային հաղորդակցության հմտությունները հիմնականում կարևոր են տարբեր մշակույթների ներկայացուցիչների միջև ճիշտ հաղորդակցություն ապահովելու համար»,- ասաց Ա․ Այունցը։

 

Դոցենտը հավելեց, որ մինչ դոկտորական դպրոցի սկսվելն ինքը մասնակիցներին հարցաթերթիկներ է տվել՝ պարզելու, թե նրանք որքանո՞վ են տիրապետում այդ հմտություններին։

 

«Պետք է ասեմ՝ տպավորված եմ․ պատասխանները գոհացնող էին»,- ընդգծեց Ա. Այունցը:

 

Լոնդոնի Բրունել համալսարանի կորպորատիվ և ֆինանսական իրավունքի ավագ դասախոս, հետբուհական ծրագրերի տնօրեն Ստելիոս Անդրեադակիսը և էլեկտրոնային ինժեներիայի ավագ դասախոս Նազմուլ Հուդան դոկտորական դպրոցի ընթացքում ներկայացրին մի քանի դասախոսություն: Նրանք համեմատությունների միջոցով ներկայացրին տարբեր երկրների աշխատելաոճի վերաբերյալ իրենց ուսումնասիրությունները՝ հիմնական շեշտը դնելով Մեծ Բրիտանիայի օրինակի վրա։ Բանախոսները շեշտեցին, որ շատ հարցեր սերտորեն կապված են փորձի փոխանակման հետ։

 

 

Դասախոսության ընթացքում Բրունել համալսարանի ներկայացուցիչներն անդրադարձան ասպիրանտական կրթության ամբողջ գործընթացին և ասպիրանտներին ու հետազոտողներին աջակցելու հնարավոր տարբերակներին»։

 

Ս. Անդրեադակիսը հետազոտական աշխատանքի կատարման և համալսարանականների հաղորդակցության գործում կարևորեց հետազոտության մշակութային գործոնը։

 

Մեզ հետ զրույցում Ս. Անդրեադակիսը պատմեց․ «Թիմային աշխատանքից խոսելիս ներկայացրինք, թե ինչպես է հետազոտության մշակութային գործոնն ազդում ընդհանուր միջավայրի ձևավորման վրա, ինչպես պետք է հաղորդակցվեն և համագործակցեն ասպիրանտները, նրանց գիտական ղեկավարներն ու առհասարակ գիտական հանրույթը:

 

 

Նշենք, որ միջազգային դոկտորական դպրոցը կանցկացվի հոկտեմբերի 3-6-ը, դասընթացները վարելու են պրոֆեսորներ՝ Հայաստանից, Ֆինլանդիայից, Լատվիայից, Լեհաստանից և Մեծ Բրիտանիայից:

 

Ծրագրի ավարտին մասնակիցները կստանան ծրագրի ներկայացուցիչ համալսարանների ներկայացուցիչների ստորագրությամբ հավաստագրեր: