21.12.2018 | 
Ուսանողական, Կրթություն, Գիտություն
ԵՊՀ ԱՇԽԱՐՀԱԳՐՈՒԹՅԱՆ և ԵՐԿՐԱԲԱՆՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ ԾԱՆՈԹԱՑԱՆ «ԵՐԵՄՅԱՆՑ ՓՐՈՋԵՔԹՍ» ԸՆԿԵՐՈՒԹՅԱՆ ԳՈՐԾՈՒՆԵՈՒԹՅԱՆԸ
ԵՊՀ ԱՇԽԱՐՀԱԳՐՈՒԹՅԱՆ և ԵՐԿՐԱԲԱՆՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ ԾԱՆՈԹԱՑԱՆ «ԵՐԵՄՅԱՆՑ ՓՐՈՋԵՔԹՍ» ԸՆԿԵՐՈՒԹՅԱՆ ԳՈՐԾՈՒՆԵՈՒԹՅԱՆԸ
Դեկտեմբերի 13-ին ԵՊՀ աշխարհագրության և երկրաբանության ֆակուլտետի Սերվիսի ամբիոնի երրորդ և չորրորդ կուրսի ուսանողներն ամբիոնի դասախոս Նարինե Հովհաննիսյանի ուղեկցությամբ այցելեցին «Երեմյանց Փրոջեքթս» ընկերության «Լավաշ», «Շերեփ» և «Պանդոկ Երևան գետափին» ռեստորաններ։

Այցի նպատակն էր անմիջականորեն ծանոթանալ ընկերության աշխատանքային գործունեությանը, ռեստորանների կառուցվածքային և մարքեթինգային հիմունքներին և ոլորտի առանցքային առանձնահատկություններին։

 

Շրջայցն անցավ ջերմ և հյուրընկալ մթնոլորտում, քանի որ ոլորտի առաջատար կազմակերպությունը, հավատարիմ մնալով իր սկզբունքներին, կարևորում է երիտասարդներին և նախընտրում առավելապես նրանցով համալրել իր մեծ ընտանիքը։

 

Հանդիպման կարևորագույն ձեռքբերումն այն էր, որ ֆակուլտետի ուսանողները գիտակցեցին ակադեմիական տեսական գիտելիքների և դրանց կիրառելիության անքակտելիությունը։

Շրջայցի ընթացքում հնչեցին ոլորտին վերաբերող արդիական հարցեր: Այդ հարցերից շատերն ինչպես մտածելու տեղի տվեցին, այնպես էլ առաջադրեցին տարբեր հարցերի լուծումներ փնտրելու նոր ուղիներ։ Համալսարանականները վստահություն հայտնեցին, որ նմանատիպ հանդիպումների արդյունքում է սկիզբ դրվում նոր գաղափարների իրականացումը։  

 

Ինչպես հանդիպման մասին նշում է ընկերության ներկայացուցիչ Անահիտ Գևորգյանն. «Երիտասարդների հետաքրքրվածությունը մշտապես ոգևորում է մեր թիմին, և, իհարկե, անչափ հուսադրող է փաստել, որ ոլորտի զարգացմամբ ոգեշնչված երիտասարդների պատրաստակամ մեծ բանակ ունենք»։

 

ԵՊՀ-ականները լիահույս են, որ շուտով առիթ կունենան հարցեր ուղղելու նաև ընկերության հիմնադիր Դավիթ Երամյանին։

 

Հեղինակ՝  Սոֆյա Շիրինյան

Փաստաբանների պալատի հիմնախնդիրները
ԵՊՀ իրավագիտության ֆակուլտետում էր ՀՀ Փաստաբանների պալատի նախագահ Արա Զոհրաբյանը: Հանդիպումը կազմակերպել էր ֆակուլտետի ՈՒԳԸ-ն Քրեական դատավարության և կրիմինալիստիկայի ամբիոնի հետ համատեղ: Տեղի ունեցավ հետաքրքիր և բովանդակալից քննարկում:
«Նորմատիվ իրավական ակտերի մասին» ՀՀ օրենքի սեմինար-քննարկում ԵՊՀ Իրավագիտության ֆակուլտետում
ԵՊՀ իրավագիտության ֆակուլտետի ՈՒԳԸ-ն սկսել է աշխատանքները սկսել է սեմինար-քննարկումով:
Կոնտակտներ

 ՈՒԳԸ նախագահ՝ Վանատուր Շերենց

 Հասցե՝ Ալեք Մանուկյան 1, ԵՊՀ կենտրոնական մասնաշենք, Ուսանողական գիտական ընկերություն

 Էլ. փոստ՝ sss@ysu.am

Հեռ.՝  (+374 60) 71-01-94 (ՈՒԳԸ աշխատասենյակ)
   (+374 60) 71-02-94 (ՈՒԳԸ նախագահ)

 

Բաժանորդագրվել ծանուցումներին