07.06.2019 | 
Ուսանողական, Կրթություն, Գիտություն
Նպատակին հասնելու քո մոտիվացիան
Նպատակին հասնելու քո մոտիվացիան
Սույն թվականի մայիսի 14-ին ԵՊՀ մանկավարժության և կրթության զարգացման կենտրոնի ՈւԳԸ-ի նախաձեռնությամբ ԵՊՀ 8-րդ մասնաշենքի նիստերի դահլիճում տեղի ունեցավ «Նպատակին հասնելու քո մոտիվացիան» խորագրով սեմինար-֊քննարկում, որը վարում էր մի շարք երկրներում վերապատրաստված, քոուչինգի ոլորտում հաջողություններ գրանցած լայֆ և բիզնես քոուչ Մուշեղ Ավետիսյանը։

    Նա նշեց, որ նպատակ դնելիս չպետք է սահմանել սկզբնակետ, պետք է սկսել հենց այս պահին, և չմտածել անկումների մասին, քանզի դրանք մշտապես կլինեն։ Հավատը դրդում է գործողության։ Մենք պետք է հավատանք, որպեսզի գործենք։ Մենք պետք է փոխենք մեր վերաբերմունքը մեր գործողությունների նկատմամբ, որպեսզի ունենանք ավելի մեծ արդյունք։ Պետք է քայլ առ քայլ մոտենալ նպատակին։ Եվ իհարկե, պետք է նպատակին հասնելու ճանապարհն անցնել սիրով, քանի որ այն, ինչը որ անում ես սիրով, պարգևատրում է քեզ դրական լիցքերով և հրաշալի արդյունքով։

 

Չկան ծույլ մարդիկ, կան ոչ հստակ նպատակներ. ահա այս կարգախոսով հանդես եկավ թրեյնինգավարը:

 

Հանդիպման ընթացքում բացահայտվեցին այն պատճառները, որոնք մարդկանց հետ են պահում գործելուց, և ստացան պրակտիկ գործիքներ, որոնք կօգնեն փոխել այն արդյունքը, որն ունեն։ Հանդիպմանը ներկա էին ինչպես ԵՊՀ տարբեր ֆակուլտետների ուսանողներ, այնպես էլ այլ համալսարաններից ուսանողներ, և բոլոր նրանք, ովքեր ցանկանում են սովորել դնել հստակ նպատակներ և հասնել դրանց։ Հանդիպումն անցավ ինտերակտիվ ձևաչափով, իսկ ավարտին տեղի ունեցավ Q&A, որի ընթացքում մասնակիցները Մուշեղին ուղղեցին իրենց հետաքրքրող հարցերը և ստացան հստակ պատասխաններ։

 

 

Հեղինակ՝ Սիրանուշ Բդեյան

ԵՊՀ ԱՇԽԱՐՀԱԳՐՈՒԹՅԱՆ և ԵՐԿՐԱԲԱՆՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ ԾԱՆՈԹԱՑԱՆ «ԵՐԵՄՅԱՆՑ ՓՐՈՋԵՔԹՍ» ԸՆԿԵՐՈՒԹՅԱՆ ԳՈՐԾՈՒՆԵՈՒԹՅԱՆԸ
Դեկտեմբերի 13-ին ԵՊՀ աշխարհագրության և երկրաբանության ֆակուլտետի Սերվիսի ամբիոնի երրորդ և չորրորդ կուրսի ուսանողներն ամբիոնի դասախոս Նարինե Հովհաննիսյանի ուղեկցությամբ այցելեցին «Երեմյանց Փրոջեքթս» ընկերության «Լավաշ», «Շերեփ» և «Պանդոկ Երևան գետափին» ռեստորաններ։
Փաստաբանների պալատի հիմնախնդիրները
ԵՊՀ իրավագիտության ֆակուլտետում էր ՀՀ Փաստաբանների պալատի նախագահ Արա Զոհրաբյանը: Հանդիպումը կազմակերպել էր ֆակուլտետի ՈՒԳԸ-ն Քրեական դատավարության և կրիմինալիստիկայի ամբիոնի հետ համատեղ: Տեղի ունեցավ հետաքրքիր և բովանդակալից քննարկում:
Կոնտակտներ

 ՈՒԳԸ նախագահ՝ Վանատուր Շերենց

 Հասցե՝ Ալեք Մանուկյան 1, ԵՊՀ կենտրոնական մասնաշենք, Ուսանողական գիտական ընկերություն

 Էլ. փոստ՝ sss@ysu.am

Հեռ.՝  (+374 60) 71-01-94 (ՈՒԳԸ աշխատասենյակ)
   (+374 60) 71-02-94 (ՈՒԳԸ նախագահ)

 

Բաժանորդագրվել ծանուցումներին