ՈՒԳԸ-ն տոնում է հիմնադրման 70-ամյակը

Պատմաբանի օրվան նվիրված երիտասարդական հանրապետական գիտաժողովի ծրագիրը

ՀՀ ամենահին ուսանողական կառույցն արդեն 70 տարեկան է։ Թեև 1947 թվականից ի վեր մեծապես փոխվել է թե՛ ՈՒԳԸ կազմը, թե՛ գործելաոճը, թե՛ իրականացվող ծրագրերը, սակայն նույնն է մնացել ուսանողների ու երիտասարդ գիտնականների գիտական գործունեությունը խթանելու, նրանց հոգևոր և ստեղծագործական զարգացմանը նպաստելու ձգտումը։

2017 թվականը խոստանում է հարուստ լինել Ուսանողական գիտական ընկերության հիմնադրման հոբելյանը նշանավորող բազմաթիվ միջոցառումներով, նոր նախագծերով ու ծրագրերով, որոնց շարքում հատկապես առանձնանում են հոկտեմբերին սպասվող միջազգային գիտաժողովը, ուսանողական կառույցների ու կազմակերպությունների՝ մայիսի 16-18-ը նախատեսվող երիտասարդական համաժողովը, ինչպես նաև ապրիլի 18-ից մայիսի 3-ն անցկացվող «Գիտախոս» հանրամատչելի զեկուցումների մրցույթը։ Խոշոր ծրագրերից են նաև Աշխարհագրության և երկրաբանության, Արևելագիտության, Պատմության և Ռուս բանասիրության ֆակուլտետների ՈՒԳԸ-ների կողմից կազմակերպվող գիտաժողովները, ինչպես նաև ուսանողական օլիմպիադաները, սեմինար-դասախոսությունները, գիտաճանաչողական այցերը, քննարկումները, բանավեճերն ու երկարաժամկետ դասընթացները՝ նվիրված ՈՒԳԸ 70-ամյակին։

Կառույցի հոբելյանի առթիվ նաև նոր հավելված է ավելացվել ՈՒԳԸ կայքում, որի շնորհիվ հնարավոր է ներբեռնել նկար՝ ավելացնելով «ՈՒԳԸ 70» մակնշումը՝ հնարավորություն տալով տարածել այն նաև սոցցանցերում։ Բոլոր հետաքրքրվածներին խորհուրդ ենք տալիս փորձել նոր հավելվածը ու դառնալ մեր վիրտուալ հանրության մի մասը:

Ներբեռնել նկարը

ԵՊՀ ուսանողական գիտական ընկերության գործունեությանը ծանոթանալու, կազմակերպվող միջոցառումների մասին տեղեկանալու և պարզապես բուհի ուսանողության գիտական կյանքին ծանոթանալու նպատակով հորդորում ենք հետևյալ մեր վեբ-կայքի ու ֆեյսբուքյան էջի թարմացումներին կամ ուղղակի այցելել ՈՒԳԸ աշխատասենյակ (ԵՊՀ կենտրոնական մասնաշենք, 6-րդ հարկ):

ԵՊՀ ՈՒԳԸ ամենամյա գիտական նստաշրջան

ԵՊՀ ՈՒԳԸ գիտական խորհրդի որոշմամբ՝ յուրաքանչյուր ուստարվա երկրորդ կիսամյակում ՈՒԳԸ-ն կազմակերպում է գիտական նստաշրջան, որին հնարավորություն են ունենում մասնակցելու ՀՀ բոլոր բուհերի ուսանողները, ասպիրանտները, հայցորդներն ու մինչև 35 տարեկան երիտասարդ գիտնականները: Նստաշրջանի զեկուցումների թեմատիկան ազատ է:

Այսպես, 2016 թ. տարեկան գիտական նստաշրջանը անցկացվելու է ապրիլի 25-29-ը: Նստաշրջանի ծրագրին կարող եք ծանոթանալ այստեղ: Նստաշրջանի աշխատանքներն ընթանալու են 20 բաժանմունքներում՝

Աշխարհագրություն և երկրաբանություն

Աստվածաբանություն

Արևելագիտություն

Դեղագիտություն և քիմիա

Ժուռնալիստիկա

Ինֆորմատիկա և կիրառական մաթեմատիկա

Իրավագիտություն

Կենսաբանություն

Հայ բանասիրություն

Մաթեմատիկա

Մշակութաբանություն և արվեստաբանություն

Պատմություն

Ռադիոֆիզիկա

Ռոմանագերմանական բանասիրություն

Ռուս բանասիրություն

Սոցիոլոգիա

Տնտեսագիտություն և կառավարում

Փիլիսոփայություն և հոգեբանություն

Քաղաքագիտություն և միջազգային հարաբերություններ

Ֆիզիկա

Համապատասխան ֆակուլտետների գիտական խորհուրդների երաշխավորությամբ գիտական նստաշրջանի լավագույն զեկուցումները տպագրվելու են «ԵՊՀ ՈՒԳԸ գիտական հոդվածների ժողովածու» գիտական պարբերականի համարներում, որոնց էլեկտրոնային տարբերակներին հնարավոր կլինի ծանոթանալ ՈՒԳԸ հրատարակումների կայքում: