ԵՊՀ պատմության ֆակուլտետը, կանգնած լինելով համալսարանական կյանքի ձևավորման ակունքներում, մշտապես առանձնացել է գիտական ու հասարակական եռանդուն գործունեությամբ, ինչպես նաև՝ բանիմաց ու հեռանկարային կադրերի առատությամբ: Հատկանշական է, որ Պատմության ֆակուլտետում ուսանողական գիտական աշխատանքների ծավալումը սկիզբ է առել դեռևս 1920-ական թթ.:

Ձևավորված հարուստ ավանդույթների հենքի վրա ֆակուլտետի ուսանողական կյանքը մշտապես աչքի է ընկել գիտական ուղղվածություն ունեցող տարաբնույթ միջոցառումների կազմակերպմամբ: Գիտաժողովները, սեմինար-քննարկումները, բաց դասախոսությունները, հիշարժան իրադարձություններին ու գործիչներին նվիրված ցերեկույթները ֆակուլտետի առօրյայի անբաժան ուղեկիցներն են: Պատմության ֆակուլտետի ՈՒԳԸ-ի կազմակերպած միջոցառումներից են դասախոսությունների շարքերը, դպրոցներում իրականացվող բաց դասերը, դպրոցական օլիմպիադաները և, իհարկե, միջֆակուլտետային ու հանրապետական գիտաժողովները: Ֆակուլտետի ՈՒԳԸ անդամները պարբերաբար մասնակցում են հանրապետական գիտաժողովների Գյումրիում, Վանաձորում և այլուր: Սերտորեն համագործակցելով ԵՊՀ տարբեր ֆակուլտետների ՈՒԳԸ-ների, ինչպես նաև «Վարդանանք» ռհդա-ի հետ, կազմակերպվում են սեմինար-քննարկումներ, մասնագիտական դասախոսություններ և այլն:

Վերջին տարիներին գեղեցիկ ավանդույթ է դարձել պատմաբանի օրվան նվիրված գիտաժողովի կազմակերպումը, որը համախմբում է մի քանի տասնյակ ուսանողների հանրապետության տարբեր բուհերից: Ֆակուլտետի ՈՒԳԸ անդամներն արժեքավոր զեկուցումներով բազմիցս հանդես են եկել ինչպես հանրապետական, այնպես էլ միջազգային հեղինակավոր գիտաժողովներում: Նրանց զգալի մասը, շարունակելով ակտիվ գործունեության ծավալումը, աչքի ընկնող դեր են կատարում գիտական, հասարակական, պետական կյանքի տարբեր ոլորտներում:

Տեղին է նշել, որ ֆակուլտետի ՈՒԳԸ նախագահներ են եղել ֆակուլտետի ներկայիս դեկան, պ.գ.դ., պրոֆ. Էդիկ Մինասյանը և ԵՊՀ ՈՒԳԸ նախկին նախագահ, ԵՊՀ հոգաբարձուների խորհրդի քարտուղար Միքայել Մալխասյանը: Գիտակցելով հարուստ ավանդույթների պահպանման ու խորացման անհրաժեշտությունը՝ ֆակուլտետի ՈՒԳԸ անդամներն այսօր էլ պատասխանատվությամբ ու նախանձախնդրությամբ են հետամուտ լինում տարաբնույթ միջոցառումների կազմակերպման գործին:

Պատմության ֆակուլտետի ՈՒԳԸ կազմը.

• Սիրանուշ Բաղումյան (ֆակուլտետի ՈւԳԸ նախագահ, մագ. 2-րդ կուրս)

   

  Ծնվել է 1995 թ. փետրվարի 28-ին Շիրակի մարզի Գյումրի քաղաքում: 2002-2013 թթ. սովորել է Գյումրու հ. 7 դպրոցում:

  2013 թվականին ընդունվել է ԵՊՀ պատմության ֆակուլտետի բակալավրիատ, 2017 թ.՝ նույն ֆակուլտետի մագիստրատուրա։

  2014 թվականից ԵՊՀ պատմության ֆակուլտետի Ուսանողական գիտական ընկերության (ՈւԳԸ) անդամ է: 2016, 2017, 2018 թ. ճանաչվել է ֆակուլտետի ՈւԳԸ լավագույն անդամ: 2017-2018 թթ. պարգևատրվել է պատվոգրով և հավաստագրով ՈւԳԸ տեղեկատվական հանձնաժողովի աշխատանքներին ակտիվորեն մասնակցելու և ՈւԳԸ միջազգային 5-րդ տարեկան գիտական նստաշրջանի լուսաբանմանն ակտիվորեն մասնակցելու համար։  

  2017 թվականից դարձել է ֆակուլտետի ՈւԳԸ քարտուղար։ 2017-2018 թթ. արժանացել է պատվոգրի ֆակուլտետի ՈւԳԸ քարտուղարության աշխատանքներն արդյունավետորեն համակարգելու համար։

  2018 թվականից դարձել է ֆակուլտետի Ուսանողական գիտական ընկերության նախագահը:

  Գիտական հետաքրքրությունների շրջանն ընդգրկում է Հայաստանի և Հին Աշխարհի  պատմությունն ու մշակույթը, մասնավորապես` Վանի թագավորության պատմությունը, ուրարտական, շումերական սեպագիր համակարգերը և այլն։         
  

• Մանուշակ Գևորգյան (ՈւԳԸ քարտուղար, 4-րդ կուրս)
• Արգամ Համբարձումյան (մագ. 2-րդ կուրս)
• Սարգիս Բալդարյան (ասպիրանտուրա 2-րդ կուրս)
• Աննա Թադևոսյան (մագ. 2-րդ կուրս)
• Անի Թովմասյան (մագ. 2-րդ կուրս)
• Ինգա Հարությունյան (մագիստրատուրա 1-ին կուրս)
• Լիլի Պետրոսյան (4-րդ կուրս)
• Կիմա Արտեմյան (4-րդ կուրս)
• Տաթև Կարապետյան (4-րդ կուրս)
• Թագուհի Մարտիրոսյան (4-րդ կուրս)
• Լիաննա Ավետիսյան (4-րդ կուրս)
• Մարիամ Ռևազյան (4-րդ կուրս)
• Դիանա Հակոբյան (3-րդ կուրս)
• Գրետա Գասպարյան (3-րդ կուրս)
• Շողակաթ Դևրիկյան (3-րդ կուրս)
• Մարգարիտ Հարությունյան (3-րդ կուրս)
• Անի Նիկողոսյան (3-րդ կուրս)
• Անի Ավագյան (3-րդ կուրս)
• Տաթև Նուրիջանյան (2-րդ կուրս)
• Անի Մնոյան (1-ին կուրս)