Արևելագիտության դասընթացները համալսարանում դասավանդվել են բուհի հիմնադրման առաջին իսկ տարիներից: 1940 թ-ի սեպտեմբերից պրոֆեսոր Հ. Աճառյանի նախաձեռնությամբ ստեղծվում է արևելյան բանասիրության ամբիոն: Որպես առանձին կառույց` Արևելագիտության ֆակուլտետը կազմավորվում է տարիներ անց` 1968 թ-ին: Ֆակուլտետի ղեկավարությունը ստանձնում է պրոֆեսոր Գեորգի Նալբանդյանը:

Ուսանողական գիտական ընկերությունն Արևելագիտության ֆակուլտետում ակտիվորեն գործել է դեռ խորհրդային տարիներից: Տարբեր տարիների ֆակուլտետային ուսանողական այս կառույցը ղեկավարել են բ.գ.թ., պրոֆեսոր Դավիթ Հովհաննիսյանը, ԵՊՀ թյուրքագիտության ամբիոնի վարիչ, պ.գ.թ., պրոֆեսոր Ալեքսանդր Սաֆարյանը, բ.գ.թ., դոցենտ Սամվել Կարաբեկյանը:

Վերջին տարիներին ֆակուլտետային ՈՒԳԸ-ի աշխատանքները նոր թափ են հավաքել: Դրանում նշանակալի է ֆակուլտետի ուսանողական կառույցի նախկին նախագահ, ԵՊՀ իրանագիտության բաժնի շրջանավարտ Վարդան Կոստանյանի ներդրումը: 

Արևելագիտության ֆակուլտետի ՈՒԳԸ-ն մշտապես կազմակերպում է տարաբնույթ միջոցառումներ, որոնցից, թերևս, կարելի է առանձնացնել «Արևելքից արևելք» ավանդական միջբուհական գիտաժողովը, Մերի Քոչարի անվան բանավեճի ֆակուլտետային առաջնությունը, «Ի՞նչ, որտե՞ղ, ե՞րբ» ինտելեկտուալ խաղի «Սպիտակ» մասնաշենքի առաջնությունը, «Արևելյան հիմնահարցեր» դասախոսությունների շարքը (1, 2, 3, 4, 5):

Արևելագիտության ֆակուլտետի ՈՒԳԸ կազմը.

• Ջեմմա Բադիկյան (ֆակուլտետի ՈՒԳԸ նախագահ, 4-րդ կուրս)
  
  Ծնվել է 1994 թ. հոկտեմբերի 11-ին Լոռու մարզի Վանաձոր քաղաքում։ 2002-2013 թթ.-ին հաճախել է Երևանի՝ Գալուստ Գյուլբենկյանի անվան հ. 190 դպրոցը։ 2011 թ.-ին մասնակցել է Counterpart International-ի հայաստանյան գրասենյակի, USAID-ի (ԱՄՆ Միջազգային զարգացման գործակալություն) և Հայ կամավորների միության կողմից կազմակերպված «Ես կամավոր եմ» ծրագրին, որի շրջանակներում «Ես կամավոր եմ» մրցույթում զբաղեցրել է 3-րդ տեղը։
  
  2013 թ. ընդունվել է ԵՊՀ արևելագիտության ֆակուլտետի թյուրքագիտություն բաժինը 2016 թ. ընտրվել է Արևելագիտության ֆակուլտետի ՈՒԳԸ նախագահ։

   

   

  • Ջեմմա Բադիկյան (Նախագահ, մագ. 1-ին)
  • Ալիսա Հայրապետյան (Քարտուղար,3-րդ)
  • Աբգարյան Մարգարիտա (4-րդ)
  • Տիգրան Նալբանդյան (4-րդ)
  • Վանատուր Շերենց (4-րդ)
  • Հրանտ Սահակյան (4-րդ)
  • Դալլաքյան Արամ (3-րդ)
  • Արեգ Բագրատյան (3-րդ)
  • Էլիզա Մխիթարյան (3-րդ)

   

   

   

Վերջին թարմացումը՝  23.09.2016