ԵՊՀ ֆիզիկամաթեմատիկական ֆակուլտետը` ֆիզիկա և մաթեմատիկա բաժիններով, հիմնադրվել է 1933թ.։ 1947 թ. ԵՊՀ ուսանողական գիտական ընկերության հիմնադրումից հետո ֆակուլտետում ձևավորվում է համապատասխան բաժանմունք։ Ֆիզիկայի զարգացմանը խթանելու նպատակով 1959 թ. Ֆիզիկամաթեմատիկական ֆակուլտետից առանձնանում և կազմավորվում է ԵՊՀ ֆիզիկայի ֆակուլտետը, որտեղ ևս ՈՒԳԸ-ն շարունակում է ակտիվորեն գործել։

Ֆիզիկայի ֆակուլտետի ՈՒԳԸ-ն կազմակերպում է և՛ ֆակուլտետային, և՛ միջազգային մասշտաբի միջոցառումներ: Ֆակուլտետային միջոցառումներից են սեմինար քննարկումների շարքը, հատուկ պարապմունքների շարքը, ինտելեկտուալ խաղերը, այցերը ֆիզիկայի գիտահետազոտական ինստիտուտներ և այլն։

Ֆիզիկայի ֆակուլտետի ՈՒԳԸ-ն OSA (Ամերիկյան օպտիկական ընկերություն) և SPIE (Օպտիկայի և ֆոտոնիկայի միջազգային կազմակերպություն) միջազգային գիտական ուսանողական կազմակերպությունների հետ համատեղ կազմակերպել է միջազգային մակարդակի միջոցառումներ, որոնցից են` FOP (Frontiers in Optics & Photonics - 2012), IONS (International OSA Network of Students 2013) և այլն։

Ֆիզիկայի ֆակուլտետի ՈՒԳԸ կազմը.

• Գոհար Հովհաննիսյան (Ֆակուլտետի ՈՒԳԸ նախագահ)

Ծնվել է 1997 թ. փետրվարի 21-ին, Շիրակի մարզի Բայանդուր համայնքում:

2003-2014 թթ. սովորել է տեղի միջնակարգ դպրոցում:

2014թ. ընդունվել է ԵՊՀ ֆիզիկայի ֆակուլտետ:

2016թ.-ից եղել է ԵՊՀ ֆիզիկայի ֆակուլտետի ՈւԳԸ անդամ:

2016թ. դեկտեմբերից OSA (The Optical Society) armenian chapter-ի անդամ է:

2017թ. սովորում է Ֆիզիկայի ֆակուլտետի տեսական ֆիզիկայի ամբիոնում: 2017թ. հուլիսից աշխատում է ՀՀ ԳԱԱ ֆիզիկայի կիրառական պրոբլեմների ինստիտուտում, որպես կրտսեր գիտաշխատող:

Գիտական հետազոտություններով զբաղվող PPT (Plasma Physics and Technology) ստարթափ-ընկերության համահիմնադիրն է:

2017թ.-ի սեպտեմբերից ընտրվել է  ԵՊՀ ֆիզիկայի ֆակուլտետի ՈւԳԸ նախագահ:

• Տաթևիկ Մկրտչյան (ՈՒԳԸ քարտուղար, 3-րդ)
• Պետրոս Պետրոսյան (Մագ. 2-րդ)
• Աստղիկ Ցոկոլակյան (4-րդ)
• Դավիթ Խեչոյան (4-րդ)
• Լիլիթ Սարգսյան (4-րդ)                             
• Սերգեյ Թումասյան (4-րդ) 
• Ալեքսանդր Հայրապետյան (3-րդ)
• Անի Ուգուջյան (3-րդ)
• Ռազմիկ Արամյան (3-րդ)
• Վարդազար Քոթանջյան (3-րդ)
• Վաղարշակ Հակոբյան (3-րդ)

Վերջին թարմացումը՝  20.03.2018